Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> دیس دیس دیاں کہانیاں >> کہانی کارا >> بول مردانیا۔۔ ( ناول)لکھاری جسبیر منڈ کانڈ۔اکّ لڑی۔3

بول مردانیا۔۔ ( ناول)لکھاری جسبیر منڈ کانڈ۔اکّ لڑی۔3

وچار ڈیسک
May 14th, 2017

’جد سائیں پہلی واری تُریا کیہوجہا لگیا سی؟‘
’بس اسیں تاں ویہڑھے وچ ہی ویکھیا؛چیزاں نوں چھوہی جاوے۔۔۔چھڈی جاوے۔۔۔ہسّی جاوے۔۔۔مُڑکے گوڈیاں بھار نہیں ویکھیا۔‘ بی بی نانکی نے کدوں اندروں آ کے اُتر دینا شروع کیتا سی پتہ نہیں لگیا۔اوہ کچی جگہ ول اشارے کردی دس رہی سی۔
’نہ توں کیوں اکھاں گلیّاں کریں کھڑا؟‘ اندروں آوندی ترپتا نے اوہدے موڈھے تے ہتھ رکھیا۔
’ایناں تاں اوہ ماں نال وی نہیں رہا جناں تیرے نال۔۔۔‘
’بس امّی جیا نہیں بھریا ہالے‘۔۔۔
پھر اوہدیاں نانکی نال نظراں ملیاں۔جے بھین توں وی کوئی وڈا رشتہ ہوندا،اوہ اوہدے نال سنبودھن کردا۔پر اُسے ویلے ترپتا دا چہرہ اوہدے ول جھاکیا۔
’اوہ تاں ماں نوں چھڈ گیا۔۔۔بھین نوں چھڈ گیا۔۔۔بچیاں نوں وی۔۔۔
’پر امّی میرے کول تاں ہے ہی کجھ نہیں جو اوہ چھڈ جاندا‘
’تینوں ویکھ کے ویر دا جھولا پین لگ پیندا۔۔۔‘ دوواں وچکار نانکی آئی۔
’توں اج خالی ہتھ آئیا‘ نانکی دا دوجا سوال سی۔
’ہاں۔۔۔بھین شاید ایسے لئی آپنا آپ نہیں جُھلدا۔۔‘ اوہ چُپ چاپ گھروں واپس تُرپیا۔جاپیا سی بی بی پچھوں آواز مارے گی؛خالی ہتھ نہ آیا کر؛ساز نال توں ویر دے ہور نیڑے جاپداں۔
پچھے مُڑکے ویکھیا نانکی سچّ مچّ دیہلی اُتے کھڑی سی۔جو کُجھ بی بی نے کہا سی اُہدے وچ ہور کجھ وی نہیں سی جوڑیا جا سکدا۔ہوا تھوڑی ہور تیز ہو گئی سی۔شاید کسے دے حضوری دے سُنیہے لے کے جانے ہون۔اوہنے دویں ہتھ جوڑ کے الگ الگ کیتے۔کجھ چھوہ رہیا سی؛کجھ وگ رہیا سی پر دس نہیں سی رہیا۔بُلاں تے تھوڑی جیہی مُسکان آئی۔جو اوہ پچھ کے آیا سی،ایہ گل ایس طراں کہن لئی تاں سوچیا وی نہیں سی۔پر نظراں دی حلیمی وچ ایس طراں ایہ گلی اوہدے نال سہمت جاپی سی۔اوہدا اندر تھوڑا سروریا گیا سی۔پتہ ہی نہیں لگا جدوں ڈوماں دا کھوہ وی آ گیا سی۔اوہی کچا تھڑا جس اُتے کنی وار سائیں نوں بیٹھا ویکھیا سی،جس دی حاضری وچ چُوپھیرا پریم دی بھُومکا وچ بدل جاندا سی۔اوہ تھڑے دے ہور نزدیک پُجا۔بدل وائی ہو گئی سی۔کھوہ دے تل تے ہنیرا سی۔اندروار اُکریاں آئیتاں دس نہیں سی رہیاں۔یاد تاں سن،اُنج ہی کجھ پڑھن نوں جیا کیتا۔ایس بہانے کسے دی یاد وچ سجدا وی ہو جانا سی۔
Link of Part 2, Chapter 1
http://www.wichaar.com/news/321/ARTICLE/32929/2017-05-08.html



Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels