Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> دیس دیس دیاں کہانیاں >> کہانی پراگا >> شاہ تے میراثی

شاہ تے میراثی

نادر علی
January 16th, 2009

شاہ تے میراثی


میں سارو کی شہانے ڈیرے بیٹھیا ساں۔ اک بدھڑا بابا آہیا۔ پاٹے پرانے اوسدے کپڑے تے اصلوں ماڑا اوس دا حال۔ سلام کر کے اوہ بھنجے بہن لگاتے میں کہیا، "بابا جی منجی تے بہہ جاؤ میں اُچا بیٹھا چنگا لگاں دا؟"اوس کہیا "چودھری میں ججمانی آں توں تے نہیں سنجاتا پر میں چودھری حکم داد تینوں سنجان لیا اے۔"مر اوس پیڑھی اساڈے ٹبرے دی پڑھ چھوڑی۔ میں کہیا، "اگے نہیں بھی سی بہناتے ہن ضرور منجی تے بہوو! ایہہ کس زمانے دی ججمانی اے؟ ہن تے اساڈے لوکے دا کوئی میراثی کوئی چودھری میری پیڑھی نہیں جاندا۔ مینوں نہیں پتہ میں کسے دا کیہ لگناں!""چودھری جی وقت وقت دی گل اے۔ اوہ ویلا گاون دا سی ہن تے واجہ وجان تے وچوں آواز آ ووندی اے ٹُورا اے ٹُوڑا!""بابا جی بھاویں گاون چنگا نہیں پر واجہ تے سُر وچ ملوم ہوندا اے!!"میں ہس کے کہیا۔ تے زورے تے بڑے چاء نال کِھچ کے کول بہا لیا۔ "بھاگ لگے رہن۔ باتشاہی قیم چودھری مولا داد دی! کیہا سوہنے کن والا پوترا دتا اے اوہنوں رب نے! چودھری گاوندا تے شہانے توں بزن ہن دوہاں کنڈھیاں تے کوئی نہیں۔ شکر اے اوسدی ذات دا کوئی سنن والے تے رہ گئے نیں!"مر اوہ ہسیا۔
اوہ پار چیمیاں دے پنڈ دا میراثی آہیا جتھے بھمبر تے وڈی نہر چنانہہ وچ پوندی اے۔ "کانگ ہووے تے سمندر لگدا اے بابا جی تہاڈے پنڈوں پر بت!
ـ"میں اوپرا ہن مکان لئی آکھیا۔ "ہاں چودھری ڈُبن واطے رج پانی اے!"میں مڑ ساری گل شاہ ہوراں نوں سنائی تے اوہ ہسے۔ "اکو راگی رہ گیا چنانہہ دے کنڈھے اوس کولوں کجھ سن لینا سا جے۔ پر بابا صابر ہائیں مائیں گاون ول آوندا نہیں!"مڑ شاہ ہوراں کہانی سنائی بابے صابر دی تے ایہہ گل پئی اوہدا دادا مہا راجہ رنجیت سنگھ دے دربار دا راگی آہیا۔ میں کہیا "مہاراجے دے میراچی تے نواب ہو گئے۔ ایہہ تے منگتاں توں ماڑا سہی ہوندا اے ""بابا صابر آہدا اے اساڈے بابے نورے نوں شہانے دی مار وگ گئی۔ اوس سمجھیا شہانے دی پہاڑی وچ ای شفا اے! شفا تے آہی پر ٹکر تے منگ کے ای کھانا پوندا اے! بابے صابر کدے کوڈی نہیں منگ کے کھڑی درباروں میں گاواں تے پہاڑی دی فرمیش کردا اے۔ پہاڑی مکدی اے تے اوہ غیب ہو جاندا اے۔ ورھے چھما ہی ایہا کھیڈ ہوندی اے اساڈی!"


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels