Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> دیس دیس دیاں کہانیاں >> کہانی پراگا >> وٹّہ سٹّہ

وٹّہ سٹّہ

نادر علی
January 16th, 2009

وٹّہ سٹہّ


کشمیر ناں شہر گجرات دیاں آہیاں بڑیاں سوہنیاں! ایہہ تے انج سی جوں لہور امر سر سیالکوٹ کجراں والے تے گجرات تے رب نے اک چھٹا زعفران دا چا امر سر سیالکوٹ کجراں والے تے کجرات تے رب نے اک چھٹازعفران دا چا ماریا ہووے۔ کُڑیاں گوریاں تے بِلیاں تے پلیاں ہوئیاں! تے مُنڈے ادھے پانڈی تے ادھے پہلوان۔ بڑے بڑے جوان، مارن مُکّہ کڈھن جان! نالے جی کشمیریاں دِیاں ہوئیاں ڈھائی پسلیاں ودھ۔ شہروں پر بت باوے دے باگ لاگے ارائیں کالے تے نہیں سن پر کشمیریاں دا کیہ مقابلہ! تے اسی ڈھیرو گھنیاں والیاں کالیاں جٹاں تے گجراں ڈِنگ پھڑِنگیاں داکیہ مقابلہ کھاندے پیندے شہر والیاں نال۔
میں تے عنیتا رائیں جماتی تے نہیں ساں۔ اوہ دو سال اگدوں دسویں فیل ہویا تے میں اٹھویں چڑھیا۔ میں دسویں پاس کر کے زور کرن اوہناں دے اکھاڑے جاندا ساں۔ اسی یار ساں دوویں۔ عنیتے دی بھین اوہدے نالوں وڈی سی تے دسویں پاس کر کے شہر کالج داخل ہو گئی۔ ایڈی سوہنی کُڑی سارے شہر گجرات کوئی نہیں سی! سارا شہر اوہدے تے عاشق سی۔ میری تے وڈی بھین ہار سی پر اوہنوں ویکھ کے دو دن میرے بھی پیر زویں تے نہیں سن لگدے۔ کہندے سن ورھا دو پہلے اک واری نس گئی سی کسے نال، پر رائیں موڑ لیاندی۔ اوہ عورت نہیں ملکاں سی۔ دو گُتاں اوس کرنیاں تے کتاب ہتھ وچ لے کے ٹہلدیاں رہنا باگے وچ۔ عنیتے کھجنا، کدے کدے لڑ بھی پَینا، "آپاں گھر جا کے بہہ! کیہ اکھاڑے دے لاگے آجانی ایں؟ کُڑیاں دا کیہ کم ایتھے؟
ــ"پر صغراں بی بی سُنی ان سُنی کر چھڈنی۔ اوہ اصلی ملکاں سی ملکاں جیکن فلم وچ ہوندی اے!
کہانی چھِڑی، جِس دن عنیتے کشمیریاں دی کڑی کوثر کڈھ آندی تے آ بوہا ادھی راتی کھڑکایا۔ "جِس دن عنیتے کشمیریاں دی کڑی کوثر کڈھ آندی تے آ بوہا ادھی راتی کھڑکایا۔ "چاچا کتھے ای؟"اوہنے اِنج ہولی پچھیا جیہڑا میں بھی نہ سنیا۔ "بوہا کھول میرے نال تیری بھابی کوثر بھی اے!"پچھے اک اصلوں نکی جیہی کڑی سرتے چادر ولیٹی کھلہی سی۔ میں اوہناں نوں بیٹھک وچ منجیاں ڈاہ دتیاں تے اینویں جھوٹھ ماریا پئی چاچا اج رات کھوہ تے رہوے دا۔ کجھ دناں دا عنیتا کوثر کشمیریاں دی کڑی دیاں گلاں سناندا رہندا سی، نالے بمبی تھلے نہاندیاں اوس گاونا "واہ واہ کوثر جام پلائی جاندا!"میں کہنا، "شرم کر سوہریا ایہہ تے نعت اے!" "چل وچ کوثر بی بی دا ناں بھی تے ہے وے نا!"عنیتے ہسنا ....... "ماروگ جائے ماروگ جائے گی آ نبی پاک دی! میں ڈھیر ڈرایا.....پر لگدا سی ایہہ بلا ٹلی نہیں سی۔
وڈے ویلے چاچا تے عنیتے دے گھرے والے آ گئے۔ کشمیریاں بڑا رولا پایا سی۔ پر لگدا سی رائیں بھی آکڑے پھر دے آہے۔ جوں ایہہ کوئی وڈیائی والی گل ہووے! فیصلہ ہویا پئی نکاح پڑھا کے عدالت وچ بیان کرا لئے جان۔ اگلی راتی اک بھجا ٹُٹا مولبی کدھریوں آندا۔ اوہ آپ ڈریا ہویا سی۔ مُنڈے کڑی دا ناں ای اوہدی زبان تے نہ چڑھے۔ عنایت علی نوں دو واری خورشید علی پڑھیا سوتے پولی جیہی میں نیتے دے کن وچ کہیا، "ایہہ کڑی دا نکاح کدھرے میرے نال نہ پڑھا جائے!"دیوے دی لوئے پہلی واری میں کوثر دی شکل چنگی طرحاں ویکھی۔ ہن اگلے دن میں وکیل بن گیا۔ "نیامت علی مچھاں آلا وکیل کریو۔ اوہدے کولوں لوک ڈردے نیں۔ کشمیریاں دی مجال نہیں نیڑے آون!"
"پر نیامت علی تے اوہدا پاڈا پُتر نادر علی کھلہے دے رہ گئے۔ ملک اسلم بدماش کشمیریاں دے نال سی۔ "چل کُڑیے ٹانگے تے بہہ!"کہہ کے کڑی لے کے تاریاں لے گئے۔
ہن اگلے دس دن میں عنیتے دی ملم پٹی تے لگا رہیا۔ روز دب زور کرنا۔ بمبی تے نہانا تے گھر دا وڈا پرونٹھا کھوانا مکھن نال۔ راتی منڈوا وکھانا۔ گیتا نظامی دی فلم "پنا"لگی سی۔ میں ہن مخول شخول بھی کراں تاں جے عنیتے دا جھاکا تے کُھلے۔ شرمندگی وچ ماریا نہ جائے۔ منڈوا دیکھ کے چہک گیا۔ نالے شہر کشمیریاں دے گھر لاگے پھر آئے۔ اوہنوں پنا فلم دی اکو گل یاد رہی، "میلہ دو دن کا! ہر چیز یہاں کی فانی، یہ دنیا آنی جانی۔ میلہ دو دن کا! دو دن بھنورا پھول پہ ڈولے دو دِن امرت رس میں گھولے! دو دن پریم کہانی، میلہ دو دن کا"فلم پنا والیاں جوں فیصلہ عنیتے دے حق وچ کر چھڈیا، پر میں بھی موقع ویکھ کے ہور سِٹھاں بنائیاں تاں جے جھاکا کھل جائے سُو!
"دیوے دی لوئے راتی نکاح پئے پڑھیندے نیں! وڈے ویلے آکے ڈاڈھے کڑی کھوہ لیندے نیں! نیتے ہوری شوہدے کلے بہہ کے رولیندے نیں!"عنیتا بڑا ٹپیا پر لگدا سی زخم بھرم دا بھرن سر آہیا.......اوہ بمبی تھلے نہا رہیا سی تے میں ٹیوب ویل دی بجلی بند چا کیتی تے اوہدے کپڑے چا کے نس گیا۔ "تیری او ماں دی !"اوہ اُٹھ کے ننگا مگر بھجا۔ باگے آڈ تے زنانیاں کپڑے پئیاں دھوندیاں آہیاں۔ اوہ ہسیاتے لگا جوں بلا ٹلی۔
پر بلا ٹلی نہ اُکا۔ کشمیری چھوہر مہندے نے کجھ دن پھیرا باگ دا لایا تے تاں پتہ لگا جدوں اکدن صغراں بی بی اساڈی ملکاں مہندے دوہاں نوں!"پر کشمیریاں نوں وڈھنا سوکھا تے نہیں سی۔ دوجا کوئی مقابلہ نہیں سی کوثر تے صغراں دا۔ کوثر جوں لونڈی تے ایہہ باتشاہزادی۔ مینوں لگے جوں میرے نال بے وفائی کیتی سو۔ (سارے عاشق ایہا سوچدے ہوسن۔)
اخیر گل نادر علی دے پیو نیامت علی وکیل تے مکی....... "بندوق لے کے آوے چودھری نیامت علی!وکالت دی نہیں بندوق دی لوڑ اے۔ ملک اسلم ہار باہیں موڑ لیاوے تے وڈھ چھڈیئے لیا کے صغراں نوں!"ایہہ وڈھن والی گل مینوں چنگی نہ لگی۔ دل کرے منا لیاواں نوں۔ میں نادر علی نال گل کیتی اوس وکیل نال۔ وٹہ سٹہ ہو گیا۔ کوثر مڑ کے آ گئی.......پنجاہ ورھیاں بعد اج ہاسہ آوندا اے.....ساری عمر ہریسہ کھادھا میں تے عنیتے صغراں تے کشمیریاں دے گھروں! میں سمجھناں ایہہ میرا کارنامہ سی! پر آہیا تے آخر وٹہ سٹہ۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels