Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> دیس دیس دیاں کہانیاں >> کہانی پراگا >> میری جان

میری جان

نادر علی
January 16th, 2009
4 / 5 (1 Votes)

میری جان

"میری جان ! "بابے دا جُوں تکیہ کلام ہووے ۔ پُتر میری جان ، پوترا میری جان ، نوکر میری جان ، جمعدارنی میری جان ! میری دادی ایہہ بھی کہنا، "دادا تمہارا میری جان کہہ کے عورتوں کو پھنسا لیا کرتا تھا ! " "دادو توں انج پھسی ؟" میں ہس کے دادی نوں کہنا ۔
پر دادے دی میری جان آہی بڑی ڈاڈھی جوں شاہ حسین دی "میرئیے جندڑئیے نی !"ہووے ہن کوئی نہ "جی"آکھد اے کسے نوں نہ "جیوندا رہویں !"پر رمز کدے نہ کھلی ..........بابے اک واری ایہہ رمز مینوں دسی۔ رات ساری بابے گاجی دی سرت لیندا رہیا۔ دنے تھوڑا جیہا ستاپر بابا بُہت بے چین رہیا۔ مینوں دادے دی جان دی فکر سی۔ "دادا تسی ول نہیں او ؟"میں پچھیا ۔ بابے کہیا، "میں راتی گاجی نوں پیار کیتا تے کہیا، میری جان ول ہو جائیں دا، انج لگدا اے اوہ بچن والا نہیں سی ۔ اوہنوں موت دی چنتا لگی پئی اے ۔ مینوں لگدا اے اوہدی سوڑ میرے اندر آ گئی اے !"میں کہیا، "تسی دادا پرانے خیال دے بندے او۔ کوئی تار لگی اے بابے گاجی وچ تے تساں وچ !"پر بابا گاجی اوسے دن مویا تے میں ڈر گیا۔
رہندی رمز دادے مردیاں کھول دتی۔ میں سخت بیمار ہو گیا ..........دادا بڑا بے چین سی........ "رُلدُو !"جوں اوہ مینوں بلاندا سی ، "تیرے مرن دانہیں میری جان ایہہ ویلا ! میری جان ! ایہدے نالوں تے میں مر جاواں !"کہہ کے اوہ سوں گیا تے مڑ کدے نہ اٹھیا .........میں مردا مردا ٹھیک ہو گیا۔ اکثر سوچناں میری جان کہیاں بندہ کدھرے کسے دی جان نہ ہو جاندا ہووے ؟


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels