Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> دیس دیس دیاں کہانیاں >> چرخے دی موت >> ہنیری رات دا خوف

ہنیری رات دا خوف

حنیف باوا
January 16th, 2009

ہنیری رات دا خوف

رات ہنھیری سی ۔ چاراں پاسے چُپ چاں سی، میرے باغ دے سارے رُکھ سہمے ہوئے سن تے ایہناں رُکھاں دے پتّر ایس چُپ چاں نوں ہور ڈراونا بنا رہے سن۔ ایہہ رات ڈاڈھی لمّی سی۔ اینی لمّی جو میرے وچار ایس رات دے پہلے سرے نوں کھچن دی کوشش کر دے تاں مینوں ڈر لگن لگ جاندا۔
ایس ہنھیری رات وچ میرا مکان وستی دے دُوجے مکاناں توں انج وکھرا جیہا جاپدا سی جیویں اُجاڑ وچ اوہ اکلّا رُکھ ہووے ۔ مینوں انج لگدا سی جیویں میرے مکان دے اوہ راہ جیہڑے دُوجیاں مکاناں دے ویہڑیاں تائیں جاندے سن۔ ، بند کر دتے گئے ہون ۔ جدوں میں کالی رات توں گبھرا کے وستی دے دُوجے مکاناں ول مُونہہ کر کے چیکدا "اے وستی دے دُوجے مکاناں وچ لاٹاں مار دیو مثالو، میرے اندر ہنھیرا اے ، میرے باہر ڈونگھی چُپ چاںاے ، ایس ہنھیرے تے ڈونگھی چُپ چاں نے میریاں اکّھاں دی جوت کھوہ لئی اے، مینوں وی اوہ راہ وکھاؤ ، جیہڑا میرے اندر وسدے شہر ول جاندا ہووے تاں جو میں ایس اُجڑے شہر دے وین پا سکّاں۔ پرمثالاں وی ہنھیرے دی کُکھ وچ جاندیاں تاں مینوں انج جاپن لگ جاندا جیویں میں ہور تربھک گیا ہوواں ۔ اوڑک میں چیکاں مارن لگ جاندا تے کہندا"اے اللہ دیو نیک بندیو ! تُساں لکّھاں کروڑان بندیاں لئی درد محسوس کیتے تے اوہناں وی رہائی لئی آپنیاں جندڑیاں داء تے لا دتیاں ۔ اوہناں لکّھاں کروڑاں وانگ میں وی اج پنجرے وچ بند آں ۔ مینوں وی آزادی چاہیدی اے۔ مینوں وی آزادی چاہیدی اے۔ مینوں وی اک مثال چاہیدی اے جیہڑی وستی دے دُوجے مکاناں وانگر میرے گھر وچ وی چاننا کر سکے۔"
جدوں میریاں چیکاں میرے اندر لے شہر دیاں اُجڑیاں کندھاں نال ٹکراں مارن لئی کلیاں رہ جاندیاں تاں مینوں انج لگدا جیویں ہنھیرا کہہ رہیا ہووے"میں روشنی آں میں مثال آں ، میں قندیل آں ، مینوں آپنا سمجھ تے میرے تے بھروسا کر۔"
"ہنھیرا آں، میں قندیل آں ، مینوں آپنا سمجھ تے میرے تے بھروسا کر۔"
"ہنھیرا روشنی اے، مثال اے ، قندیل اے۔ "میں ایہہ سوچ کے کنب اُٹھدا ۔ میرے ذہن تے خوف دے پرچھانویں ہور گوہڑے ہو جاندے میرے مکان دے ایس حصّے تے اوس حصّے وچ کوئی اینا لمّا چوڑا فاصلہ نہیں سی پر اج مینوں انج بھاسن لگ پیا جیویں اوہناں دوناں حصیاں وچالے کوئی بوہت وڈّا پہاڑ آن کھلوتا اے ۔ جد میں
بڑیاں اوکڑاں نال دُوجے حصّے تے اپڑیا تاں میں کیہ ویکھد آں کہ اوتھوں وی زمین رو رہی اے تے اسمان ہس رہیا اے ۔میں ایس رون تے ہسّن دی اچرج کھیڈ نوں ویکھدیاں اک اجیہے وجود نوں واجاں مارن لگ پیا جیہڑا ہنھیرے لئی اک عصاء ہووے تے روشنی لئی دل ۔ پر اجیہا وجود تاں شاید ہنھیرے دیاں گہرائیاں توں ڈر کے اُتلیاں ہواواں وچ تربھک کے بیٹھا ہووے میں اجیہیاں گلّاں سوچ کے ہور ڈر گیا تے پھیر میں آپنے وجود دے اک حصّے نوں اوتھے ای چھڈ کے پرت آیا۔
جدوں میں آپنے بسترے تے لمّا پین لگا تاں دُوجے مکاناں دیاں مثالاں نے جیویں اک ڈراونا جیہا ہاساہواواں وچ اک بھارے پتّھر وانگ سُٹیا تے کہیا، "اے بندیا ! کیویں روشنی وی سک پیاکردا ایں ، تُوں آپنے آپ نوں ایسے ہنھیرے تے ڈُونگھی چُپ دے قبرستان وچ دفن کر دے کیوں جو ایہہ تیرا مقدر بن چکے نیں ۔"
مثالاں دے لفظاں نے جیویں میرا حوصلہ تروڑ دتا تے میں چاہیا کہ میں آپنے آپ نوں آپنے ای بستر دے ہنھیرے وچ گم کر لواں۔ پر کیہ ویکھدا آں جو اک روشن چہرہ آپنے وجود دی ہوند نوں پر گٹ کرن لئی میریاں اکھیاں دے اگے چمک اُٹھیا میں جھٹ لیف بنّے سرکا دتا۔ پر اوہ وجود وی میرے کول ہوندیاں ہویاں وی ہنھیرے دیاں زنجیراں وچ جکڑیا ہویا جاپیا سی۔
میریاں اکھیّاں ہنجھو کیرن لگ پئیاں ۔ اوہ وجود ویکھ کے مینوں کہن لگیا "اے بندیا ! کیوں اکھیّاں وچوں اتھروُ کیرن لگیا ہویا ایں میں اوہو ای وجود آں ، جیہڑا ہنھیرے لئی اعصاء تے روشنی لئی دل ۔ مینوں ہنھیرے دیاں زنجیراں وچ جکڑیا ہویا محسوس نہ کر ۔ میں تیرے کول آں۔ ایہہ مکان تیرا تے میرا سانجھا اے میں ایس باغ دے سہمے ہوئے رُکّھاں وی رُوح آں تے خاموش پتیّاں دا ضمیر میں ایہناں رُکھاں نو
ںحوصلہ تے پتّیاں نوں بولن لئی زبان دیاں گاتے ایہہ حوصلہ تے ایہہ حوصلہ تے ضمیر مل کے قندیل بن جان گے تے ایہہ قندیل تیرے تے میرے گھر نوں روشنی دیسی۔
"قندیل ۔ کیہڑی قندیل۔ "؟ اک ڈراونا جیہا قہقہہ ہوا وچ اُبھریا۔ ایہہ قہقہہ ہنھیرے وی ڈونگھیائی وچوں اُبھریا تے ایس نے سارے باغ نوں آپنی لپیٹ وچ لے لیا ۔ جدوں میں چاراں پاسے نظراں دوڑائیاں تاں مینوں انج جاپیا جیویں ایہہ سارے درخت پتّھر بن گئے ہون تے میں ایہناں پتھراں توں گبھرا کے آپنے لیف دے ہنھیرے وچ گُم ہو گیا ۔ پر اوہ وجود میرے مکان دے چاراں پاسے کھلرے ہوئے ہنھیرے و چ جکڑیا ہویا وی چیکدا رہیا۔"میں روشنی دیاں گ۔ میں روشنی دیاں گا۔"


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels