Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> فیچرز >> نصیر آباد وچ قبراں ورگی چُپ

نصیر آباد وچ قبراں ورگی چُپ

نثار کھوکھر
September 5th, 2008

ایہہ ستمبر دی نگھی جہی گرمی والی دوپہر سی جدوں اسیں نصیر آباد اپڑے۔ ملکی اتے غیر ملکی میڈیا وچ، بلوچستان دے ایس ضلعی ہیڈ کوارٹر بارے جیوندیاں زنانیاں نوں دبن پاروں بھرویں گل بات چل رہی ہے۔

بلوچستان دی گل ٹُردیاں ای پہاڑاں تے اُوٹھاں دا خیال آ جاندا اے، پر نصیر آباد اتے ڈیرہ الہ یار توں سبی تیکر بلوچستان دا بہتا علاقہ پدھرا تے اُجاڑ اے۔ ایس اجاڑ وچ کوئٹہ روڈ تے پینڈا کردیاں جدوں اسیں نصیر آباد اپڑے تے لوکائی وچ کسے ان ڈٹھی طاقت دا خوف جاپیا۔

لوکاں وچ ڈر ایس گل دا نہیں سی کہ تن یاں پنج زنانیاں دا قتل ہویا ہے۔ اوہناں نوں ڈر سی کہ جیہڑے سرداراں، وزیراں یاں ناظماں تے اہناں زنانیاں دے قتل دا الزام لگا ہے کدھرے اوہ اوہناں نوں قتل دی مخالفت کردیاں ویکھ یاں سُن نہ لین۔

نصیر آباد دے بازار وچ اک بُڈھڑے عمرانی بلوچ نے آکھیا کہ ' اسیں اوہناں (زنانیاں) نوں قتل کراں گے۔ اہناں لوکاں نے تے ہتھ نال سنگھ نپیا سی، میں ہوندا تے گولی مار دیندا، پولیس کیہ کرے گی، ودھ توں ودھ پھڑ لوے گی، سزا دیوے گی۔ پر اسیں اوہناں (زنانیاں) نوں چھڈاں گے جیہڑیاں سیاہ کار ہوون۔'

اوہ بُڈھڑا اپنی راء دیندیاں جذباتی ہو گیا تے میرے نال غیرت تے بے غیرتی دے معاملے تے کھیہن لگ پیا۔ ایس وچکار چورستے تے کھڑے بُڈھے دے دوالے اوہدے حمایتیاں دی ہیڑھ ودھدی گئی تے میں 'تہاڈی رسم تہانوں مبارک' آکھدیاں گل مکا دتی۔

نصیر آباد وچ اہنیں دنیں 'جنے منہ اونیاں گلاں' والا حال ہویا اے۔ کسے نوں وی نہ تے چوداںجولائی دی رات قتل کیتیاں زنانیاں دی اصلی گنتی دا پتہ اے تے نہ ای قاتلاں نے کویں ماریا، ایس گل دا پتہ اے۔ پر سب نوں ایہہ گل ضرور پتہ اے کہ زنانیاں نوں اُجاڑ وچ لے جا کے ماریا گیا۔

سیاہ کاری دے الزام وچ قتل کیتیاں گئیاں زنانیاں دے کیس نوں مقامی پولیس 'بلائینڈ آف دی بلائینڈ کیس' متھ رہی ہے۔ ڈپٹی انسپکٹر جنرل پولیس سبی شبیر شیخ دس رہے سن کہ پولیس دے کول نہ تے مدعی اے تے نہ ای گواہ، سانوں چنتا اے کہ ایس تفتیش نوں اگانہہ کیویں ودھایئے۔

1 2 Next

Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels