Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> فیچرز >> سیاہی تے روشن خیالی دا پوڈر

سیاہی تے روشن خیالی دا پوڈر

وچار ڈیسک
August 18th, 2008

ضیا ء الحق دے گیاراں سالاں دے سیاہی دے دور نوں پچھلے اٹھ نو سالاں وچ روشن خیالی دا پوڈر لا کے ویچیا گیا۔ ایہہگل  پاکستان دی مشہور شاعرہ تے لکھاری کشور ناہید نے ضیاء الحق دی ویہویں برسی دے موقعے تے بی بی سی اردو سروس نال اپنے اک انٹرویو وچ ایس دور دیاں یاداں تازہ کردیاں ہوئیاں کیتیاں۔

' ضیاء الحق دی برسی تے سانوں اک کمینی جئی خوشی سی کہ پاکستان نوں ستر ہزار کوڑے دیون والا ، قرآن دیاں آیتاں نوں سینسر کرن والا تے زنانیاں دے خلاف کالے قنون لیاون والا ساڈیاں کوششاں دی وجہ توں نہیں سگوں اللہ دے حکم نال مک گیا''۔

اوہناں کہیا ضیاء الحق دے طیارے دے حادثے دی خبر اوہناں نے اسلام آباد وچ ٹی وی تے سنی تے پھیر سارے دوست اکٹھے ہوئے۔۔۔ ضیاء الحق دے دور دا مشرف دے دور نال مقابلہ کردیاں اوہناں کہیا ایس دور وچ تے اُس دور وچ کوئی بوہتا فرق نہیں ہے ایس دور وچ وی صحافیاں نوں ماریا گیا، اوہناں دے ایکسیڈنٹ کیتے گئے، لوکاں نوں سڑکاں توں چکیا گیا۔

اوہناں کہیا بلوچستان دے بوہت سارے پروگریسو جواناں نوں اوہ جاندیاں ہین جنہاں نوں گھروں چکیا گیا تے اج تیکر کجھ پتہ نہیں چل سکیا۔

اوہناں نے کہیا ڈاکٹر عافیہ دا تے لوکاں نوں پتہ لگ گیا پر جنہاں جواناں نوں لورالائی،کوئٹہ،خضدار تے تربت توں چکیا گیا تے اوہناں دا کجھ پتہ نہیں۔ صدر مشرف دے دور وچ میڈیا نوں دتی جاون والی آزادیاں دے حوالے نال اوہناں نے کہیا اوہ ایس گل نال اتفاق نہیں کردیاں جو صدر مشرف نے ایہہ آزادیاں دتیاں۔

اوہناں کہیا ایہہ کہنا غلط ہے جو صدر مشرف نے میڈیا نوں آزادی دتی۔ اوہناں نے کہیا جدوں پنجاہ چینل کھل گئے تے ایس رولے وچ کِتوں تے کوئی آواز آون لگی۔ اوہناں کہیا ویلے دی مجبوری سی جو صدر مشرف نوں ایہہ کرنا پیا۔ اوہناں کہیا میڈیا وچ وی بوہت سارے انج دے لوک ہین جیہڑے صدر مشرف دا انٹرویو کرن نوں تڑپ دے سن اج اوہناں تے تنقید کرن بیٹھے ہین۔

کشور ناہید نے کہیا میڈیا وچ وی گرگٹ ہین۔

اوہناں کہیا اوہ صدر مشرف دی حمیت وچ اک لفظ نہیں کہن گئیاں کیوں جو اوہناں نے عورت دے حق وچ کوئی انج دا کم نہیں کیتا، انساناں دے حق وچ کوئی کم نہیں کیتا۔چنے ہوئے ایواناں وچ زنانیاں دی نمائندگی ودھاون بارے اوہناں کہیا سیٹاں ودھا دیون نال کوئی فرق نہیں پیا۔ ایہہ زنانیاں جیہڑیاں ایواناں وچ آئیاں اوہناں نے سوکھتاں لین توں وکھ کجھ نہیں کیتا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels