Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> فیچرز >> معاشی اوکڑاں پاکستانی بالاں نوں ات وادی بنا رہیاں نیں

معاشی اوکڑاں پاکستانی بالاں نوں ات وادی بنا رہیاں نیں

وچار ڈیسک
July 25th, 2008

بالاں دے حقاں لئی کم کرن والی اک غیر سرکاری ستھ ''سوسائٹی فار دی پروٹیکشن آف دی چائلڈ'' (سپارک) نے پاکستان وچ بالاں دیاں مسئلیاں اتے اوہناں دی حالت بارے چھاپی جاون والی اپنی نویں رپورٹ وچ آکھیا ہے کہ مہنگائی اتے ملک وچ امن امان دی مندی حالت بال یاں تے سدھے ات وادی کاروائیاں وچ رلتی ہو رہے ہین یاں فیر اوہناں دے کچی سوچ پاروں اہناں بالاں دا ات وادیاں دے ہتھوں ورتے جاون دا خطرہ ودھ رہیا ہے۔

ایس رپورٹ نوں بناؤن وچ رلتی بالاں دے حقاں لئی کم کرن والی فاضلہ گلریز دا آکھنا ہے کہ ات واد وچ بال بھاویں سدھے رلتی نہ ہوون یاں اوہناں دے ماپیاں وچوں کوئی ات واد دا شکار ہووے، بالاں تے ایہدا اثر پیندا اے۔ بالاں دے ات واد وچ رلتی ہوون دا ایہہ مطلب نہیں اے کہ بال آپ مارو دھاڑے مارن۔ اوہناں دسیا کہ اوہناں دی کاہڈ وچ ایہہ گل وی ساہمنے آئی اے کہ اندرون سندھ دے قبائلی جھیڑیاں وچ وی بالاں نوں ورتیا جاندا اے۔ ایہدی وجہ ایہہ ہے کہ اوتھے دے مرد قبائلی جھیڑیاں وچ یاں تے مارے گئے نیں یاں فیر اوہ ہور لڑن جوگے نہیں رہ گئے جیہدے پاروں اوہ بالاں نوں اہناں جھیڑیاں وچ ورتدے نیں۔

سپارک نے قبائلی علاقیاں اتے صوبہ سرحد وچ ستھ دے سروے دا حوالہ دیندیان آکھیا کہ اُکا جہادی ستھاں ای گھٹ عمر دے بالاں نوں اپنے ٹیچیاں لئی نہیں ورتدیان سگوں سرکاری ادارے وی اٹھاراں ورھیاں توں گھٹ عمر دے منڈیاں نوں بھرتی کر کے اوہناں نوں لڑائی دی اگ وچ ڈاھ دیندے نیں۔

فرنٹیئر کانسٹیبلری دے پردھان ظفراللہ خان نے سپارک ولوں لائے جاون والے الزاماں نوں رد کردیاں آکھیا کہ کانسٹیبلری دی پالیسی موجب اٹھاراں توں چھبی ورھیاں دے گبھرواں نوں ڈاکٹری پرکھ مگروں بھرتی کیتا جاندا اے۔ اوہناں آکھیا کہ فرنٹیئر کانسٹیبلری دا فاٹا نال کوئی سانگا نہیں اے تے نہ ای اوہناں دے جوان اوتھے لائے گئے نیں۔ اوہناں دے ادارے دا مڈھلا کم صوبہ سرحد دے بندوبستی علاقیاں وچ امن امان بنائی رکھن لئی پربندھیاں دا ہتھ ونڈاؤنا اے۔

رپورٹ وچ ایہہ وی آکھیا گیا اے کہ ودھدی ہوئی مہنگائی دا بوہتا اثر وی بالاں تے ای ہوندا اے کیوں جے اک غریب ٹبر بالاں دی پڑھائی تے ہوون والا خرچہ نہیں چک سکدا ایس لئی اوہ اہناں کولوں محنت کرواؤن تے مجبور اے۔ ایسے لئی سڑکاں دے کندے ہوٹلان، ورکشاپاں، چوڑیاں دے کارخانیاں اتے گھراں وچ وی کم کرن والے بالاں دی گنتی گھٹن دی تھاں ودھ رہی ہے۔

بالاں دے مسئلیاں وچ ہور اوکڑاں دے نال جیلاں وچ بند بالاں دی حالت تے وی چنتا دا وکھالا کیتا گیا اے۔ رپورٹ موجب جیلاں وچ قید بالاں وچ 30 فیصد توں ودھ بالاں نوں قانونی امداد دی لوڑ ہے تے قیدی بالاں دی وڈی گنتی ایس مُڈھلے حق بارے جانو نہیں ہے۔

وائس آف امریکہ دے شکریئے نال

Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels