Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> فیچرز >> کشمیر سنگھ کہانی 4: جیل دی چاردیواری وچ چوکے چھکے دی پریت

کشمیر سنگھ کہانی 4: جیل دی چاردیواری وچ چوکے چھکے دی پریت

کشمیر سنگھ
April 26th, 2008

میں بھارت دے اک سکھ ٹبر وچ جمیا کشمیر سنگھ۔۔۔۔۔۔۔۔35 ورھے پاکستان دی جیل وچ رہیا، میرا ناں بدل دِتا گیا تے ایہدے معنی ایہہ ہوئے کہ میرا دھرم وی بدل گیا سی؟
کئی لوکاں دے من وچ ایہہ سوال ضرور اُٹھدا ہووے گا ۔

میرا یقین ایس گل تے ہے کہ کوئی کسے دا دھرم نہیں بدل سکدا۔ صرف تہاڈا رب ہی تہاڈا مذہب بدل سکدا ہے، کوئی انسان نہیں۔
میں سالاں پاکستانی جیل وچ رہیاں لیکن قوم بارے میں اوتھے لوکی بوہتی گل نہیں کردے سن۔ نماز ادا کرن دی کوئی مجبوری نہیں سی۔ ہاں تُسیں اپنے من توں کجھ وی پڑھ یا کر سکدے ہو۔ ایہہ کوئی گناہ تے نہیں ہے۔
اوتھے رہ کے میں اسلام دے بارے وچ بوہت کجھ سِکھیا۔ جیل وچ رہندے ہوئے اک گل میں جم کے کیتی۔ پڑھائی ہُن میں اردو وی پڑھ لیندا ہاں۔ قرآن پاک وی پڑھنے دا موقع ملیا۔

میں باقاعدہ طب کیتی ہے، تعلیم لئی اے۔ جیویں بھارت وچ حکیم ہُندے نیں جیہڑے بیماریاں وغیرہ دا اُپا کردے نیں، کجھ اُنج دی اِی تعلیم۔
ہُن اپنے پِنڈ پرت کے میں لوکاں دیاں چھوٹیاں موٹیاں بیماریاں وچ اوہناں دی مدد کرن دی کوشش وی کر رہیا ہاں۔

اجنبی مینوں ایناں دَس۔۔۔۔۔۔۔۔۔۔۔۔

ڈائری وچ تہاڈے ناں ہُن تیک کئی کوڑیاں گلاں سانجھیاں کیتیاں ہن میں۔ پیراں وچ پئیاں لوہے دیاں بیڑیاں دے نشان، ناں وِکھن والے دِل دے گوڑھے پھٹ، اپنیاں توں وِچھوڑے داغم، اِکلاپے تے اُداسی وچ لنگھے دِن۔
پر اج میں تہاڈے نال غم نہیں کجھ ہلکے پھُلے جھٹ سانجھے کرنا چاہندا ہاں۔

پاکستانی جیل دے بند دائریاں وچ اوبھڑاں دے وِچکار رہندے ہوئے وی زندگی دے اجیہے فلسفے سِکھن نوں مِلے جیہڑے باہر دی کھُلی ہوا تے اپنیاں دے وِچ رہندیاں خورے ناں سمجھ سکدے۔
جیل وچ رہندے ہوئے میرے لئی اوبھڑ تے اپنیاں دی تعریف تے ایہدے وِچکارلا فرق کجھ دُھندلا جیہا ہون لگا سی۔
ایہہ من وی بڑا بھولا ہُندا ہے۔ غیر کدوں اپنا جیہا لگن لگے کدی کدی ایہنوں وی خبر نہیں ہُندی۔
پاکستان دی جیل وچ اُنج تے بوہتا چِر اِکلیاں اِی ٹپیا۔ رُکیا ہویا اِکلاپے بھریا جیون، لیکن ایس ٹھہراؤ وِچ ہوا دے تاز گُلھے دی طرحاں کئی ہلکے پھُلے بھٹ وی آئے اوتھے۔
جیلر، ملازماں، دوجے ملازم۔۔۔۔جیل وچ کئی طرحاں دے لوک ہُندے ہین۔ کہن نوں تے سبھ غیر پر 35 سال کوئی گھٹ نہیں ہُندے۔ اِینے لَمے چر وچ غیراں وچ وی اپناپن آجاندا ہے۔
جیل وچ رہندیاں ہوئیاں ہولی ہولی میں سمجھن لگیاں سی کہ افسراں نال کیہڑے لہجے وچ گل کرنی چاہیدی اے تے اوہناں چوں کئی لوک مینوں سمجھن لگ پئے سن۔ پردیسیاں دا خیال رکھدے ہین اوہ۔
اوتھوں دی جیل دے ملازم نوں لےکے کئی طرحاں دیاں تانگھاں ہُندیاں لوکاں دے من وچ ۔۔۔۔۔پر واپس آون مگروں میں تے ایہی سوچدا ہاں کہ اوڑک اوہ وی اپنا کم اِی کر رہے ہُندے ہن، مجبور ہُندے نیں۔ کسی دے دُشمن تے اوہ وی نہیں ہُندے۔
کجھ ملازماں نال کدی کدی ہاسہ مخول ہُندا، اک دوجے نال دِل لگی چلدی رہندی سی۔ پاکستانی اہلکار ودھیر میرے توں وطن، خاندان دِیاں گلاں پُچھدے، سوال جواب دا سلسلہ چلدا۔
تے میں ایہی آکھدا تے سوچدا کہ کیہ دَساں۔ میں تے اپنیاں نیانیاں دے بارے وی کجھ نہیں جاندا۔۔۔۔ کتھے نیں، کیویں نیں۔

کرکٹ دا بھُس

جیل جاون توں پہلاں بھارت وچ جدوں سی تے کوئی وڈا کھیڈاری ہون دا دعوٰی تے نہیں کر سکدا پر فٹبال وغیرہ کھیڈدا سی۔ کرکٹ دا شوقین سی۔ جیل دی سلاخاں پچھے وی کرکٹ دا ایہہ شوق پروان چڑھدا رہیا۔

مینوں رات نوں بھانویں روٹی کھان نوں ناں لبھے پر رات بھر کرکٹ دی کمینٹری ضرور سُنیا کردا سی۔ مینوں بڑا دلچسپ لگدا سی ایہہ سبھ کجھ۔
بھارت پاکستان کرکٹ میچ دی تے گل اِی کجھ ہور ہندی سی، جیل وچ وی کئی میچ ویکھے نیں۔ سزائے موت والے کئی قیدیاں لئی ٹی وی سیٹ ہُندے سن۔

جد پتہ لگدا سی کہ اج میچ ہے تے ملازماں توں کجھ ویہل لے لیندے سن تے اوتھے میچ دا سواد مانندے سی۔ ہُن کجھ ملازماں نال اِیناں تے میل ملاپ تے ہو ہی جاندا سی۔

سوچو جیل دی چاردیواری وچ میچاں چھِکیاں دی پریت۔۔۔۔۔۔۔۔ایویں جاپدا پئی باؤنڈری اُلانگھدی گیند پچھے ہلکان ہویا کھیڈاری نہیں سگوں میں نٹھ رہیا ہاں، اوتھے اُچھلدی گیند دے نال اِی کلپنا وی اُڈان بھردی لگدی۔

منظر کجھ عجیب جیہا ہوندا سی۔ میں بھارتی قیدی پاکستانی جیل وچ بھارت پاک کرکٹ میچ دیکھدا سی۔ انج کہدا پکھ ماریئے؟ سوال ٹیڈھا ہے۔
پاکستان چنگا کھیڈدا تاں اوہدی تعریف کردا سی تے جیکر بھارت بازی مار جاندا تے اوہدی تعریف ہُندی سی۔ جیہڑا کھیڈاری چنگا کھیڈدا، جیہڑی چنگا کھیڈ رہی ہووے، یاں جِتے اوہنوں داد دِتی جاوے۔ میرا ہمیشاں سِدھا ساہواں ایہی فلسفہ سی۔
جیل دی چاردیواری وچ کدی کدائیں ملن والے ایہناں ہلکی پھُلکی گھڑیاں دی گرمائش لئے ایویں اِی دِن لنگھدے چلے گئے۔

اُلتھا: جیوے پنجاب

Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels