Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> فیچرز >> میں سندھی نہیں، بلوچ ہاں۔قومیتی شناختاں تے کوڑ بیانیے،کوڑ ہائر ایجوکیشن

میں سندھی نہیں، بلوچ ہاں۔قومیتی شناختاں تے کوڑ بیانیے،کوڑ ہائر ایجوکیشن

October 26th, 2017

بی بی سی والیاں اک سٹوری چھاپی ہے جس پاروں اوہ مسلے سامنے آئے نیں جنہاں بارے اکثر ساڈے ایتھے گل کرن دی تھاں کنی کترائی جاندی ہے۔سندھیاں تے آردو بولن والیاں دے جھیڑیاں دی گلاں تے ہوندیاں نیں ، پر سندھیاں، بلوچاں اتے سرائیکی لہجے والے پنجابیاں دے آپسی جھیڑیاں بارے گل گھٹ ہوندی ہے۔ پر ہن انہاں دی مڈل کلاساں وڈیاں ہورہیاں نیں تے آپسی جھیڑے وی۔ قومیتاں بارے، انہاں دے تفاخراں تے تعصباں بارے ، اتے ایس دے گھاٹیاں دی گل وی ہون لگی ہے۔جیہڑے ضلعے صوبیاں دے باڈراں تے رہندے نیں انہاں دے مسلے وادھواتے ملن ورتن وی۔ہن بلوچ تے تواریخی طور تے پنجاب ، سندھ وچ وادھو نیں پر اوہ سندھی تے پنجابی رہتل دا حصہ نیں اتے سندھی تے پنجابی بولدے نیں۔جھیڑیاں نوں ودھائے بغیر انہاں مسلیاں نوں کنج چلانا چاہیدا ہے ایس دی سمجھ ہلے نہیں آئی۔ہویا ایہہ سی پئی گوادر وچ اتے تھلے کجھ سندھی مزدوراں نوں ہورے ٹارگٹ کلنگ وچ ماریا گیا سی۔ ہورے، نامعلوم جتھے بندی، بلوچ لبریشن آرمی ذمہ واری وی قبولی۔ایہہ بلوچ جتھے بندی سندھیاں تے پنجابیاں نوں بلوچستان وچ نشانہ بناندی رہندی ہے اتے ایہہ بلوچستان دے بلوچ قوم پرستاں دے وی خلاف ہے جیہڑے اسمبلیاں دی چوناں لڑدے نیں۔ہن اوہ پٹھاناں نوں جے ٹارگٹ نہیں کردے تاں اساں کیہہ پختوناں تے شک کرئیے؟جے اوہ سندھیاں بلوچاں یا پنجابیاں تے بلوچاں نوں لڑوانا چاہندے نیں تے سانوں ایس کھیڈ نوں سمجھنا چاہیدا ہے۔ہورے سندھ کونسل والیاں ایس نوں سمجھے بغیر، احتجاجی جلسہ، جلوس کیتا اتے فیر بلوچ کونسل انہاں نال لڑ پئی کیونجے اوہ بلوچاں نوں نشانہ بنا رہے سن۔ بس فیر قائداعظم یونیورسٹی وچ جھیڑا ہویا اتے مئی دے میہنے اک ہفتہ یونیورسٹی بند وی رہی۔کجھ طالب علم کڈ دتے گئے۔ہفتے بعدوں یونیورسٹی کھل گئی اتے سب من گئے کہ کڈ دتے منڈیاں نوں واپس نہیں لتا جائے گا اتے کھوج لایا جائے گا۔ جے انہاں نال زیادتی ہوئی سی تے اوہ عدالت چلے جاندے۔کجھ چلے وی گئے تے انہاں نوں امٹھاناں وچ بیٹھن دی اجازتاں مل گیاں۔ہن انہاں پاس ہو چکے منڈیاں دی سزاواں مک جاندیاں تے مسلہ حل ہو جاندا۔ منڈیاں نوں بہوں سزا مل چکی سی۔پر سنڈیکیٹ اتے وی سی ہوری اڑ گئے۔ بلوچ کونسل اپنے بلوچ ممبر اسمبلیاں کول چلے جاندے؟ پر انہاں یونیورسٹی وچ رولا پانا ہی اہم سمجھیا۔ایس جھیڑے تے تیل پاون دا کم انہاں استاداں وی کیتا جیہڑے آپدا کھیڈ کھیل رہے نیں۔ جھیڑیاں بعدوں فیر گل بات ہوئی تے مسلے حل کر لتے گئے۔ایہو کم طریقے نال وی ہو سکدا سی۔جھیڑے پاون والے زیادہ تر منڈے سوشل سائنسز دے شعبیاں دے سن۔انہاں شعبیاں دے استاد ٹھیک نہیں، منڈیاں بارے کیہہ گل کرئیے۔نکمی ہائر ایجوکیشن پاروں اساں نلائقاں دی اک پنڈ اپنے تعلیمی اداریاں وچ پیدا کر چکے ہاں، استاداں وچ وی تے طالب علماں وچ وی۔ایس شرفو ہائر ایجوکیشن نوں بدلائے بغیر گل اگے نہیں ودھ سکدی۔ہن تساں بی بی سی دی لکھت پڑھو۔پوری لکھت پڑھ کے جے مسلہ سمجھ نہ آئے تے میرا قصور نہیں۔

Who is killing Punjabis & Sindhis in Baluchistan
http://www.wichaar.com/news/117/ARTICLE/32713/2017-04-05.html
توں تاں کشمور دا رہن والا ہیں اتے کشمور سندھ دا حصہ ہے پر توں بلوچ کانسل وچ ہیں؟ توں تے سندھ کونسل نوں جوئن کردا، جس دا ناں مہران کونسل ہے۔ میں آکھیا پئی میں خود نوں بلوچ سمجھدا ہاں، میری رہتل بلوچاں والی ہے۔ ایہہ گلاں کیتیاں امجد خان ہوراں نے جیہڑے قائداعظم یونیورسٹی دے شعبہ مطالعہ پاکستان وچ ایم ایس سی دے اخیرلے سیمسٹر وچ نیں ۔اوس کہندے نیں کہ ایہہ جھگڑا انہاں دے اتے کجھ سندھی طالبعلماں دے درمیان ہویا سی ۔ایس جھگڑے پاروں مئی وچ یونیورسٹی دی چھ چوں دو یعنی بلوچ تے مہران (سندھی) کونسلاں وچکار لڑائیاں ہو گیاں۔ 10 طالب علماں نوں یونیورسٹی توں کڈھ دتا گیا۔ دوجے پاسے 30 توں وادھو نوں جرمانے وی ہوئے تے انہاں دے سمسٹرز فریز کر دتے گئے۔
 10 Labourers killed in Quetta
http://www.wichaar.com/news/120/ARTICLE/32963/2017-05-13.html
چار اکتوبر توں یونیورسٹی دی طویل بندش تے پچھلے روز ہون والے پلس کریک ڈاؤن دے بعد 70 توں وادھو طلبا دی گرفتاری نے قائداعظم یونیورسٹی دے اندر انتظامی مسائل تے سہولتاں نوں منظر عام تے لیایا۔ ودھی ہوئی فیس ہاسٹل وچ تھاں تے سہولیات مختلف شعبیاں دا رجسٹرڈ نہ ہونا فکلیلٹی تے وائس چانسلر دے درمیان تنازعات انتظامی امور وچ خرابی تے ناکافی فنڈز ورگے مسئلے بشمول اک لسانی جھگڑے دے درست طریقے نال حل نہ ہون دے مقابلے نوں بھرپور احتجاج دی شکل اختیار دے دتی۔ انہاں نے مسائل نوں 13 مطالبات دی شکل وچ پیش وی کیتا گیا۔ احتجاج جس وچ مختلف شعبیاں دے طلباو طالبات شریک ہوئے 21 دن تک جاری رہیا تے طلبا دے تعلیمی سال نوں خطرے وچ پادتا۔ 13 چوں 12 مطالبات نوں ایچ ای سی دی معاونت توں غور کرن دے بعد کم و پیش من لتا گیا پر بے دخل کیتے جان والے طلبا دا معاملہ سنڈیکیٹ کمیٹی دے سپرد کیتا گیا۔ دوجے کونسلز نے تے کمیٹی دے فیصلے دا انتظار کرن تے احتجاج ختم کرن دا اعلان کیتا پر پر بلوچ کونسل دے چہریاں تے ہن وی اضطراب سی کیونکہ یونیورسٹی نے کوئی باضابطہ نوٹس جاری نہیں کیتا سی۔ پیر نوں جامعہ وچ کلاسز وی شروع ہوئیاں پر بلوچ کونسل تے انہاں دے حامی طلبا دے جاری احتجاج تے تعلیمی سرگرمیاں بند ررکھن دے مطالبے تے پلس نوں بلوا لتا گیا۔ ملکی قنون دے مطابق کسی یونیورسٹی وچ طلبا یونین بنان دی اجازت نہیں ہے۔ یونیورسٹی وچ پنجابی مہران (سندھی) بلوچ سمیت کل چھ کونسلز وچ جو مختلف علاقیاں دی نمائندگی کردے نیں تے کیو ایس ایف دی چھتری تلے جمع سن پر ہن بلوچ کونسل ایس اتحاد دا حصہ نہیں۔ گرفتار ہون والے طلبا دے خلاف کوئی ایف آئی آر تے درج نہیں کیتی گئی تاہم انہاں توں اک تحریر تے دستخط کروائے گئے جس وچ ایہہ درج سی کہ جے اوہ کوئی احتجاج کرن گے یا کسی وی ایس قسم دی سرگرمی وچ حصہ لین گے تے انہاں نوں اک لکھ جرمانہ ادا کرنا ہوئے گا۔ بی بی سی نال گل بات وچ بلوچ کونسل دے جنرل سیکرٹری احسان بلوچ نے آکھیا رات یاراں وجے سانوں اک پیپر تے سائن کرواکے ساڈے انگوٹھیاں دے نشان گھر دا ایڈریس تے والدہ دا ناں پچھ کے چھڈ دتا گیا۔ پر ایس حلف نامے دے باوجود منگل دی صبح ڈیڑھ وجے احسان بلوچ دے ہمراہ 50 توں 60 طلبا نے پوری یونیورسٹی وچ پلے کارڈز چک کے مارچ کیتا۔ انہاں دا کہنا سی کہ جداں تک انہاں اٹھ طلبا نوں واپس کلاساں وچ جان دی اجازت نہیں ملے گی اودوں تک انہاں دا امن مارچ جاری رہے گا۔ اساتذہ دی خموشی طلبا دی گرفتاری دے بعد ٹوٹی جداں جینڈر سڈیز توں منسلک اساتذہ نے اک تفصیلی مذمتی بیان جاری کیتا گیا تے انتظامیہ توں مطالبہ کیتا گیا کہ مسائل دے حل لئی طلبا، اساتذہ تے انتظامیہ دے درمیان اوپن ڈائیلاگ کیتا جائے تاکہ طلبا و طلبات دے مسائل نوں حل کیتا جائے۔ یونیورسٹی دے سکیورٹی انچارج کیپٹن مظہر کہندے نیں کہ صورتحال انہاں دے کنٹرول وچ نہیں سی ایس لئی سب کجھ اسلام آباد انتظامیہ دے حوالے کردتا گیا۔ بی بی سی ولوں وائس جانسلر توں بارہا گل کرن دی کوشش کیتی گئی تاہم کوئی کامیابی نہیں مل سکی۔ 29 اکتوبر کو ٹیچر ایسوسی ایشن دے صدر ڈاکٹر اشتیاق نے پریس کانفرنس توں خطاب وچ طلبا دی بہت سی ڈیمانڈز دی حمایت تے کیتی تاہم انہاں نے طلبا نوں دتی جان والی سزا دی حمایت کیتی۔ انہاں نے ایس موقع تے یونیورسٹی دے وائس چانسلر ڈاکٹر جاوید اشرف نوں عہدے توں فارغ کرن نوں مسائل دا حل تجویز کیتا۔ ایس پریس کانفرنس وچ ایہہ گل وی سامنے آئی کہ اساتذہ تے وائس چانسلر دے درمیان شدید کشیدگی پائی جاندی ہے۔ پیر دے واقعے دے بعد بی بی سی نال گل بات وچ طلبا دے نازیبا رویے دا تذکرہ وی کیتا مینوں اساتذہ کہندے نیں کہ سانوں دھمکیاں دتیاں جارہیا نیں ہراساں کیتا جارہیا ہے دوجے پاسے وائس چانسلر کہندے نیں کہ ایسوسی ایشن سٹوڈنٹس توں احتجاج کروا رہی ہے۔ میں بچیاں نوں وی آکھیا ہے کہ اوہ احتجاج ختم کرن رویہ ٹھیک رکھن۔ ایس احتجاج وچ شرکت والے طلبا دی گنتری سینکڑاں وچ سی تے اوہ کسی مخصوص صوبائی گروپ توں تعلق نہیں رکھدے سن پر ایہہ گل قابل ذکر ہے کہ زیادہ تر طلبا دا تعلق سوشل سائنسز سی تے انہاں وچ بہوں سارے ہوسٹل دے مکین سن۔ جتھے فیس وچ کمی تے یونیورسٹی دوبارہ کھلن تے طلبا تے طلبات خوش نظر آندے نیں اوتھے ہر اک ایس گل متفق ہے کہ احتجاج دے نتیجے وچ کسی وی طالبعلم دا سال ضائع کرنا یا ایس نوں یونیورسٹی توں کڈھ دینا کسی وی طور تے قابل قبول نہیں۔ طلبا تے طالبات وچ مختلف علاقیاں توں تعلق رکھن والے طلبا نے ایہہ شکوہ وی کیتا کہ میڈیا تے ایس نوں بلوچ ایشو سمجھیا جارہیا ہے جداں دراصل یونیورسٹی دے طلبا لسانی جھگڑیاں دے حامی نہیں۔ اوتھے کجھ ایسے وی طلبا سن جو احتجاج دے حق وچ نہیں سن تے کجھ ایسے وی سن جو سمجھدے نیں کہ یونیورسٹی دے سالہا سال توں قائم جمہوری طرز نوں مذہب دی آڑ وچ بدلن دی کوشش کیتی جارہی ہے جو شاید کدی وی تسلیم نہیں کیتی جائے گی۔ احتجاج کرن والے طلبا دا دعویٰ ہے کہ انہاں دے حمایت لئی دوران احتجاج وفاقی دارالحکومت دی دوجی جامعات دے طلبا وی آئے تے آن والے عرصے وچ اوتھے وی ایسی صورتحال ویکھن نوں مل سکدی ہے۔
Wichaar reported it since April 2017 and all links are there.

When first time issue came to surface, many concerned groups including media remained silent
http://www.wichaar.com/news/117/ARTICLE/32999/2017-05-20.html
University opened yet things were pushed under carpet
http://www.wichaar.com/news/117/ARTICLE/33027/2017-05-25.html
Issue remained there
http://www.wichaar.com/news/117/ARTICLE/33111/2017-06-07.html


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels