Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> فیچرز >> بچے سکولاں وچ تے جاندے نیں پر سکھدے کجھ نہیں۔ورلڈ بینک رپورٹ تعلیمی ناخداواں لئی۔

بچے سکولاں وچ تے جاندے نیں پر سکھدے کجھ نہیں۔ورلڈ بینک رپورٹ تعلیمی ناخداواں لئی۔

وچار ڈیسک
October 6th, 2017

ایہہ رپورٹ ورلڈ بینک جاری کیتی اتے پچھلے ہفتے بی بی سی ایس بارے خبر چھاپی سی ۔ایہہ رپورٹ ساڈے جہے ملکاں وچ تعلیمی ناکامیاں دی کہانی وی ہے اتے تعلیمی ڈونراں دے گھاٹیاں دی داستان وی۔ رپورٹ ایہہ گل کیوں نہ چکی پئی پچھلے پندرہ سالاں توں تعلیمی ڈونر’’مسنگ سہولتاں‘‘ وچ رقماں روڑدے رہے اتے تعلیمی معیاراں بارے کجھ نہ کیتا۔چیتے رہے پئی پنجاب وچ مسنگ سہولتاں دے باوجود تعلیمی معیاراں تے سمجھوتے نہیں ہوندے سن۔ اج پاکستانی یونیورسٹیاں توں پی ایچ ڈی کرن والا پرانے ویلے دے میٹرک توں وی بھیڑا۔ساڈی تھاواں تے 1849بعدوں جیہڑا تعلیمی بندوبست اساریا گیا اوہ بہوں سارے حوالیاں نال عوامی پدر تے معیاری تعلیم دین دے قابل ہی نہیں سی۔پچھلی صدی دی اخیری دہاکیاں وچ عوامی مفاداں نوں سامنے رکھے بغیر جنج نجی تعلیمی گھمے نوں ہر مسلے دا حل دسیا گیااوس نے مسلہ ہور چوڑ کر دتا۔تعلیم علم حاصل کرن دا رستہ ہے یا روزگار دا کہ ایس بحث نوں نجکاریاں دے ہڑھ وچ ڈبن دتا گیا۔1980دے دہاکے توں اج تیک تعلیم وچ جیہڑے تجربے کیتے گئے انہاں دا رزلٹ ایس رپورٹ پاروں تہاڈے سامنے ہے۔انہان گھاٹیاں بارے جے چپ رہیا گیا تاں اگے وی ایہو رزلٹ نکلے گا۔ ہن تساں Schooling without learning بارے عالمی رپورٹ آپ پڑھو۔رپورٹ دا لنک وی اخیر وچ دے رہے ہاں، ہورے کوئی شوہدا پڑھ ہی لے۔

اقوام متحدہ دے بچیاں لئی کم کردے ادارے یونیسکو دی اک رپورٹ وچ خبردار کیتا گیا ہے کہ دنیا بھر وچ ہر دس چوں چھ بچے اتے 20 سال توں گھٹ عمر دے نوجوان سکھن دے عمل وچ مہارت دی بنیادی پدر تک پہنچن تک ناکام رہندے نیں۔ اقوم متحدہ نے ایس رپورٹ دے نتائج نوں حیرت انگیز قرار دتا ہے جو’’ سکھن دے بحران‘‘ دی نشاندہی کررہی ہے۔ تعلیم لئی دتی جان والی عالمی مدد زیادہ تر افریقہ وچ صحرائے صحارا دے تھلرے علاقیاں دے غریب ملکاں یا فیر شورش زدہ علاقیاں وچ بنئے یا چلدے سکولاں تک رہی ۔ یونیسکو انسٹیٹیوٹ فار سٹیٹسٹکس دی تازہ کھوج وچ سکولاں وچ دتی جان والی تعلیم دے معیاراں بارے خبردار کیتا ہے۔ ایس دا کہنا ہے کہ سکول جان والے 60 کڑوڑ توں زیادہ بچیاں وچ ریاضی تے سکھن دی بنیادی مہارتاں نہیں نیں۔ رپورٹ دسدی ہے پئی صحرائے صحارا دے تھلڑے علاقیاں وچ 88 فیصد بچے اتے نوجوان وڈے ہون تک لرنگ وچ بنیادی مہارتاں حاصل کرن وچ ناکام رہندے نیں تے وسطی تے جنوبی ایشیا وچ 81 فیصد خواندگیاں دی مناسب پدر تک نہیں پہنچ پاندے۔ رپورٹ وچ خبردار کیتا گیا ہے کہ سماجی تے معاشی ترقی دے ٹیچے آبادی نوں خواندہ بنائے تے انہاں دے مکمل ڈیٹا توں بغیر پورے نہیں ہون گے۔ شمالی امریکہ تے یورپ وچ صرف 14 فیصد جوان افراد اپنی تعلیم ایس انتہائی تھلڑی پدر تے چھڈ دیندے نیں۔ اقوام متحدہ دی تحقیقاں دے مطابق دنیا بھر وچ سکول جان والے صرف 10 فیصد بچے ترقی یافتہ ملکاں وچ رہندے نیں۔ یونیسکو انسٹیٹوٹ آف سٹیٹسٹکس دی ڈائریکٹر سلویا مونٹویا کہندی ہے انہاں چوں زیادہ تر بچے اپنی کمیونٹیز تے حکومت دی نظراں توں پوشیدہ یا کتھے وکھ نہیں ہوندے۔ سگوں اوہ کمرہ جماعت وچ بیٹھے ہوندے نیں۔ انہاں دا کہنا سی کہ ایہہ رپورٹ معیار تعلیم دی بہتری اتے ایس کم تے ہور وادھو رقماں خرچن دی لوڑ بارے اک ویک اپ کال ہے۔’’ سکولنگ ود آؤٹ لرننگ‘‘ دا مسئلہ عالمی بینک نے وی رواں ہفتے جاری کیتی جان والی اپنی رپورٹ وچ چکیا ہے۔ ایس وچ خبردار کیتا گیا ہے کہ گھٹ تے درمیانی آمدنی والے ملکاں توں تعلق رکھن والے لکھاں افراد ایسی تعلیم حاصل کررہے سن جو انہاں نوں گھٹ تنخواہاں والی تے غیر محفوظ نوکریاں دے جال وچ پھنسا دیندی ہے۔ عالمی بینک دے صدر یونگ کِم نے رپورٹ بارے گل کردے ہوئے آکھیا کہ تعلیم دے شعبے وچ ناکامیاں پاروں اقتصادی تے اخلاقی بحران چوڑ ہونداہے۔ تحقیق کاراں نے کینیا، تنزانیہ، یوگینڈا، تے نکاراگوا دے طالبعلماں دے بارے وچ خبردار کیتا ہے کہ اوہ آسان جمع تفریق وی نہیں کرسکدے تے سادہ جملے وی نہیں پڑھ سکدے۔ انہاں دے مطابق جاپان دے پرائمری سکولاں وچ شاگرداں دی بنیادی مہارت 99 فیصد تک پہنچ گئی سی پر مالی وچ ایہہ شرح صرف ست فیصد ہے۔ رپورٹ دے مطابق ملکاں دے اندر وی وڈی پدر تے پاڑ موجود ہے۔ کیمرون وچ پرائمری سکول دے اختتام تے صرف پنج فیصد غریب کُڑیاں اپنی تعلیم جاری رکھ پاندیاں نیں جداں کہ ایس دے مقابلے وچ امیر گھراں دی 76 فیصد کُڑیاں اپنی تعلیم جاری رکھدیاں نیں۔
ایس تحقیق وچ خبردار کیتا گیا ہے کہ غریب ملکاں وچ طالب علم ایسی حالت وچ سکول آندے نیں جس وچ سکھیا نہیں جاسکدا۔عالمی بینک دا کہنا ہے کہ کئی طلبا خوراک دی کمی دا شکار تے بمارر ہوندے نیں۔ محرومیاں تے انہاں دی گھریلو زندگی وچ غربت دا مطلب ایہہ ہوسکدا ہے کہ انہاں نوں جسمانی تے ذہنی نشوونما دے بغیر ہی سکول آنا شروع کردتا ہے۔تدریس دے معیار دے بارے وچ وی تحفظات نیں کہ بہوں سارے ایسے اساتذہ وی نیں جو آپ اعلیٰ تعلیم یافتہ نہیں نیں۔
صحرائے صحارا دے زیریں علاقیاں دے کجھ ملکاں وچ اساتذہ دا غیر حاضر رہنا وی اک مسئلہ سی جو کہ اساتذہ نوں تنخواہاں نہ دین نال جڑیاہے۔ عالمی بینک دے چیف اکنامسٹ پال رومر دا کہنا ہے کہ ایمانداری نال اعتراف کیت جاسکدا ہے کہ بہوں سارے بچیاں دے سکول وچ ہون دا مطلب ایہہ نہیں ہے کہ اوہ قابل قدر انداز وچ سکھ وی رہے نیں۔ انہاں دا کہنا ہے کہ ترقی دا انحصار ایس گل تے ہے کہ تسلیم کیتا جائے پئی تعلیم دے بارے وچ حقائق نے تکلیف دہ سچ توں پردہ چکیا ہے۔ رپورٹ وچ معیار نوں مد نظر رکھدے ہوئے جانچ پڑتال دی کمی تے طلبا دی کامیابیاں دے بارے وچ بنیادی معلومات دی عدم دستیابی دے بارے وچ وی خبردار کیتا گیا ہے۔ ایسے وقت وچ جداں مغربی ملکاں وچ بہوں زیادہ جانچ پڑتال دے بارے وچ بحث کیتی جارہی ہے، عالمی بینک کہندا ہے کہ غریب ملکاں وچ سکھن دے بارے وچ کھوج بہوں گھٹ ہے۔کھوجیاں انہاں ملکاں دی وی نشاندہی کیتی ہے جیہناں نے کجھ کر کے وکھایا ہے۔ انہاں ملکاں وچ جنوبی کوریا تے ویتنام شامل نیں۔ پچھلے ہفتے اقوام متحدہ وچ ایہہ گل کیتی گئی کہ عالمی پدر تے تعلیم تے ہور رقماں لائیاں جان گیاں۔ فرانس دے صدر امینول میکرون دا کہنا سی کہ میں طے کرلتا ہے کہ تعلیم نوں فرانس دی ترقی تے خارجہ پالیسی وچ سب توں پہلی ترجیح تے رکھاں گا۔ برطانیہ دے سابق وزیراعظم تے اقوام متحدہ دے تعلیم دے سفیر گورڈن براؤن دا کہنا ہے کہ اوہ تعلیم بارے عالمی شراکت داریاں چاہندے نیں جو تعلیمی منصوبیاں نوں مدد دے۔ ایس لئی 2020 تک دو ارب ڈالر ہونے چاہیدے نیں۔ یورپی یونین نے اعلان کیتا ہے کہ ایس دے انسانی مدد دے بجٹ دا اٹھ فیصد تعلیم تے خرچ ہوئے گا۔ یجوکیشن ابوو آل فاؤنڈیشن، یونیسیف تے دوجے فلاحی اداریاں نے وعدہ کیتا ہے کہ اوہ شام وچ ایسے بچیا ں دی تعلیم تے اضافی چھ کڑوڑ ڈالر خرچ کرن گے جیہناں نے لڑائی دی وجہ توں سکول چھڈ دتا ہے۔
 Link of the World Bank report regarding Learning in Schools
http://www.worldbank.org/en/news/press-release/2017/09/26/world-bank-warns-of-learning-crisis-in-global-education


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels