Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> فیچرز >> 6 سالاں وچ 5.5 لاکھ پاکستانی باہرلے ملکاں توں واپس:ادھے سعودی عرب،یو اے ای تے برطانیہ توں

6 سالاں وچ 5.5 لاکھ پاکستانی باہرلے ملکاں توں واپس:ادھے سعودی عرب،یو اے ای تے برطانیہ توں

وچار ڈیسک
August 25th, 2017

کیہہ ایہہ پاکستانی سیاستاں وچ اک نواں اصافہ ہے؟انہاں وچوں پونے ترے لکھ توں وادھو پاکستانیاں نوں سعودی عرب نے کڈیاجے۔ہن وائس آف امریکہ نے تے وچلی گل نہیں دسنی ہے۔کیہہ سعودی عرب نے ایڈی گنتری وچ ہی بھارتی تے بنگلہ دیشیاں نوں وی کڈہیا ہے؟کیہہ سعودی عرب کم کرن والے پاکستان دی ایران مخالف سعودی ایجنڈے وچ رلت نہ کرن دی قیمت ادا کر رہے نیں؟نہ چاہندے ہوئے واپس آون والیاں وچ غصہ وادھو کہ ایہہ ہن پاکستان وچ کیہہ کرن گے؟ہر سال پاکستان آون والی غیر ملکی کرنسی وچ گھاٹے پئے رہے نیں۔ایس گھاٹے توں چینی سرمایہ کاریاں پاروں بچیا جا سکدا ہے اتے واپس آئے پاکستانیاں نوں روزگار وی دتا جاسکدا ہے پر 28جولائی دے فیصلے بعدوں وڈے چینی اخباراں وچ سی پیک دے مستقبل بارے شک کیتا گیا۔پہلی وار چینی اخباراں اینج دی خبراں چھاپیاں جس دی پہلے کوئی ریت نہیں۔سعودی عرب، متحدہ عرب امارات اتے برطانیہ دا گٹھ جوڑ نرا پاکستانیاں نوں کڈہن تیک نہیں کہ ایران مخالفت تے چین مخالفت وچ تناں وچ سانجھ ہے۔ہن تساں وائس آف امریکہ دی ہشیار خبر پڑھو تے سیاستاں وچ نویں کھڈاریاں بارے وی جھات پاؤ۔

باہر دے ملکاں وچ محنت مزدوری راہیں اپنے خاندان تے عزیزاں لئی رقماں وطن گھلن والے لکھاں پاکستانی ملک دی معیشت وچ اپنا حصہ پارہے نیں۔ پر ہن جس جس طراں باہرلے ملکاں وچ معیشت تے دباؤ، امن و امان دے مسلے تے دوجے کئی وجوہاتاں پاروں اوتھوں دے قنون اوکھے ہوندے جارہے نیں،انہاں دی وطن واپسی دا سلسلہ وی تیز ہوندا جارہیا ہے۔ حال ہی وچ ملک واپس آن والے پاکستانیاں توں متعلق وزارت داخلہ نے ایوان بالا وچ اعداد و شمار دسے نیں جس دی اہمیتاں وادھو۔ انہاں اعداد و شمار دے مطابق پچھلے چھ سال وچ باہرلے ملکاں توں کل 5 لکھ 44 ہزار 105 پاکستانی بے دخل کردتے جا چکے نیں۔ ایس سال وچ ہن تک 87 ہزار 165 پاکستانیاں نوں واپس گھلیا چاچکیا ہے۔ چھ سال دی ایس مدت وچ 2015 دا سال سب توں اوکھا رہیا جس وچ پورے اک لاکھ 16 ہزار اک سو 85 افراد اپنے گھراں نوں پرتے۔سال 2012 وچ ایہہ تعداد 71 ہزار 7 سو 23 تھی۔ 2013 وچ 79 ہزار 5 سو 39، سال 2014 وچ 78 ہزار 4 سو9، 2016 وچ اک لکھ 11 ہزار 84۔ پاکستانیاں نوں بے دخ کرن والے ملکاں وچ سعودی عرب سب توں اگے ہے جتھوں2012 توں ہن تک 2 لکھ 80 ہزار 52 پاکستانیاں نوں واپس گھلیا جاچکیا ہے۔ایس دی اک وڈی وجہ عالمی منڈی وچ تیل دی ڈگدی ہوئی قیمتاں نیں جس توں سعودی عرب دے ترقیاتی پروگرام تے معیشت متاثر ہوئی ہے۔ رواں سال 2017 وچ سعودی عرب توں بے دخل پاکستانیاں دی تعداد وچ ریکارڈ اضافہ ہویا ہے جتھے جنوری توں تِن جون تک 64 ہزار 689 پاکستانی بے دخل کیتے گئے۔ دوجے نمبر تے متحدہ عرب امارات ہے جتھوں پچھلے 6 سالاں وچ 52 ہزار 58 افراد نوں ڈی پورٹ کیتا گیا۔ تیجے نمبر تے اومان چوتھے تے ملائیشیا تے فیر برطانیہ دا نمبر ہے جتھوں ایس مدت وچ 13 ہزار 700 افراد واپس گھلے گئے۔ امریکہ ایس فہرست وچ 44 ویں نمبر تے ہے جتھوں چھ سالاں وچ ڈی پورٹ ہون والے پاکستانیاں دی تعداد 7 سو74 ہے۔ زائد المیعاد ویزیاں دی مد وچ بے دخل پاکستانیاں دی تعداد وچ وی ریکارڈ اضافہ ہویا ہے جس وچ غیرقنونی سکونت تے سال 2012 توں ہن تک اک لکھ 93 ہزار 305 پاکستانی بے دخل ہوئے۔ رواں سال زائد المیعاد ویزیاں تے غیر قنونی سکونت اختیار کرن تے جنوری توں 30 جون تک 58 ہزار توں زائد پاکستانی ڈی پورٹ کیتے گئے۔ چنگے روزگار دی تلاش وچ کئی پاکستان انسانی سمگلراں دے ہتھے چڑھ جاندے ہیں جو انہاں توں وڈی رقماں لے کے جعلی دستاویزاں بنادے نیں ا تے انہاں نوں خطراناک رستیاں توں یورپ پہنچان دی کوشش کردے نیں۔ سمگلر ،سیکورٹی اہل کاراں دی نظراں توں بچن لئی دشوارگذار تے ہلاکت خیز زمینی تے سمندری رستے اختیار کردے نیں۔ جس وچ کئی لوک مر وی جاندے نیں، پر بہتر مستقبل دی کشش کچھ ایسی ہے کہ لوک اپنی جان نوں خطرے وچ پاکے ایہہ سفر اختیار کردے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels