Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> فیچرز >> تمام پاکستانی بربر:کھسریاں وغیرہ بارے پارلیمنٹ قنون سازیاں کر رہی جے

تمام پاکستانی بربر:کھسریاں وغیرہ بارے پارلیمنٹ قنون سازیاں کر رہی جے

August 25th, 2017

پاکستان دی پارلیمنٹ کھسریاں (ٹرانس جینڈر) نوں بربر دا پاکستانی واسی منن ا تے انہاں دے خلاف تعصباں نون مکاون لئی قنون سازی کررہی ہے۔وائس آف امریکہ لکھدا ہے پئی اک انتہائی قدامت پرست نظریے رکھن والے معاشرے وچ ایسے افراد دے حقاں دی مہم چلان والیاں دی کامیابی حیران کن جے۔کیہہ کسی وی معاشرے نوں قدامت پرست یا ترقی پسند آکھیا جاسکدا ہے؟ایہہ اک نوآبادیاتی مائنڈ سیٹ ہے جس دا لشکارا سانوں وائس آف امریکہ وچ وی لبھدا ہے۔ہر معاشرے وچ قدامت پسند وی ہوندے نیں تے لبرل یا ترقی پسند وی۔کسے وی پوری برادری یا گروہ نوں قدامت پسند یا لبرل آکھنا اک کوڑ گل ہے اتے سماجیات دے علم وچ ایس دی کوئی تھاں نہیں۔ مکدی گل ایہہ ہے پئی پاکستانی معاشرے وچ تے کھسریاں تے سپیشل لوکاں نوں دھتکاریا نہیں جاندا سی سگوں انہاں دی سیوا کرن نوں وی ثواب سمجھیا جاندا سی۔پر ساڈی ریاست ، جس نوں انگریزاں اساریا سی وچ انہاں بارے قنون نہیں سن۔ایس فرق نوں مغربی میڈیا نہیں سمجھدا۔وی او اے والیاں نے آپدی خبر وچ نیویارک ٹائمز وچ چھپن والی اک رپورٹ دا حوالہ دتا ہے جس وچ دسیاگیا ہے کہ ٹرانس جینڈر دے حقاں بارے کم کرن والے سرگرم کارکناں دا کہنا ہے کہ ہورے ایہہ بل آئندہ ہفتیاں وچ پارلیمنٹ توں منظور ہوجائے اتے ایس نوں تمام اہم سیاسی جماعتاں دی حمائیتاں حاصل نیں۔ 25 سالہ محلاب جمیل ہوری زنانی خصوصیتاں رکھن والے ٹرانس جینڈر نیں جنہاں ایس بل دی تیاری وچ مدد کیتی ہے۔ اوہ کہندے نیں کہ حکومت ایس بل دی حمایت وچ پیش پیش ہے۔ ایس بل وچ ٹرانس جینڈر کمیونٹی توں تعلق رکھن والے تمام افراد نوں چاہے انہاں دی خصوصیتاں مردانہ نیں تے بھانویں زنانہ ، اوہ پیدائشی کھسے نیں یا بعد وچ ہوئے،ایہہ سب ہن پاکستان دے مساوی شہری بن جان گے۔ پارلیمنٹ دی اک رکن نعیمہ کشور خان جو ایس بل دی حامی ہے،آکھدے نیں پئی اسی ایس بل دی ایس لئی حمایت کررہے ہاں کیونجے نہ صرف انسان ہون دے ناطے سگوں ایس ملک دے واسی ہون دے ناطے وی ایہہ انہاں لوکاں دا حق ہے۔ پچھلے سال پاکستانی علماں دے اک گروپ نے اک فتویٰ جاری کیتا سی جس وچ آکھیا گیا سی کہ ایسے ٹرانس جینڈر افراد جنہاں دی عورت یا مرد دی شناختاں پکیاں نیں اوہ مخالف جنس نال شادی کرسکدے نیں۔ 2012 وچ پاکستان دی سپریم کورٹ نے ٹرانس جینڈر افراد نوں مساوی شہری قرار دیندے ہوئے انہاں نوں وراثت دی جائیداد وچ حصے دا حق دار قرار دتا سی تے اپنے حکم وچ اعلی عدلیہ نے انہاں نوں تعلیم تے روزگار دے مساوی موقعے دینے دا آکھیا سی۔ ایس توں اک سال پہلے انہاں نوں ووٹ پاون دا حق وی دتا گیا سی۔ ایس سال ہون والی مردم شماری وچ پہلی بار ٹرانس جینڈر افراد دی وی گنتری کیتی گئی ہے تے جون وچ پہلی وار اک ٹرانس جینڈر نوں پاکستانی پاسپورٹ جاری کیتا گیا۔ محلاب جمیل دا کہنا ہے کہ ایس قنون دی منظوری دے بعد حکومت نوں ایہہ مہماں چلان دی لوڑ ہے کہ معاشرے نوں حکومتی عہدے داراں، پلس اہل کاراں ا تے ہر کسی نوں ایہہ احساس دوایا جائے کہ ٹرانس جینڈر انہاں دی دی طراں انسان نیں تے انہاں دی ہی طراں انہاں دے وی بربر دے حق نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels