Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> فیچرز >> پاکستان وچ پین دے پانی وچ سنکھیا سنے خطرناک مادے ۔گل ٹھیک، ٹائمنگ مشکوک

پاکستان وچ پین دے پانی وچ سنکھیا سنے خطرناک مادے ۔گل ٹھیک، ٹائمنگ مشکوک

وچار ڈیسک
August 25th, 2017

بی بی سی تے وائس آف امریکہ والیاں ایس ہشیار خبر نوں بڑا چکیا ہے۔جے ایہہ خبر افغان جہاد یا طالبان مکاؤ پراجیکٹ وچ پاکستان دی رلت ویلے آندی تے عالمی تے شالمی میڈیا ایس نوں لفٹاں ہی نہیں کرانیاں سن۔من مرضیاں دی خبراں تے من مرضیاں دے انصاف دے لشکارے عالمی تے ملکی پدراں تے وادھو۔ جداں کھوج بارے ساڈی آپدے نکمے ادارے کجھ نہیں کرن گے تاں باہرلیاں دے کھوج نوں ہی مننا پیندا ہے۔اک ایسے ملک نوں جتھے پانی ہمش توں وادھو تے چنگا سی، ساڈے سامنے، ساڈی نکمی اشرافیہ ’’بوتل دے پانی‘‘ ول الار کیتا۔بغیر پلاننگ توں ایوبی دور وچ ٹیوب ویل لاون توں ایہہ نکمی پالیسی ورلڈ بینک لیا یا سی اتے ایس نے ساڈا کھانڈ بچہ کوہلو کر دتا۔جداں سٹیبلشمنٹ دا سارا زور بھارت دشمنی ،کابل تے قبصے ا تے ڈی ایچ اے لٹ ول ہوئے گا تے انسانی ترقی دے مسلیاں تے کون غور کرے؟بی بی سی دی ہشیار خبر تساں آپ پڑھو، وائس آف امریکہ وی ایسے نوں چھاپیا ہے۔

پاکستان وچ اک تحقیق دے مطابق پین دے صاف پانی وچ خطرناک زہریلے مادے سنکھیا دی انتہائی زیادہ مقدار دی موجودگی توں چھ کڑوڑ شہریاں دی زندگیاں نوں خطرا لاحق ہے۔ عالمی ادارہ صحت ڈبلیو ایچ او ولوں پاکستان بھر وچ حاصل کردہ زیر زمین پانی دے 12 سو نمانیاں دی جانچ توں پتہ لگا ہے کہ انہاں وچ زہریلا مادہ سنکھیا زیادہ مقدار وچ موجود ہے۔ ڈبلیو ایچ او دی ایہہ تحقیق جریدے سائنس ایڈوانس وچ شائع ہوئی ہے۔ سنکھیا یا آرسنک دراصل بے ذائقہ ہوندا ہے تے گرم پانی وچ حل ہوجاندا ہے۔کسی نوں مارن لئی ایس دا ہک سوواں حصہ وی کافی ہوندا ہے۔ طویل عرصے تک سنکھیا ملیا پانی استعمال کرن دے نتیجے وچ خطرناک بماریاں لاحق ہوسکدیاں نیں۔ انہاں وچ جلدی بماریاں، پیپھڑیاں تے مثانے دا سرطان تے دل دے امراض لاحق ہوسکدے نیں۔ ڈبلیو ایچ او دے مطابق دنیا بھر وچ 15 کڑوڑ افراد دا انحصار زیر زمین ایس پانی تے ہے جس وچ سنکھیا پایا جاندا ہے۔ ڈبلیو ایچ او دے معیار دے مطابق اک لیٹر پانی وچ سنکھیا دی زیادہ توں زیادہ مقدار 10 مائیکروگرام ہونی چاہیدی ہے جداں کہ حکومت پاکستان ولوں مقرر کردہ معیار دے مطابق ایہہ شرخ 50 مائیکرو گرام تک قابل قبول ہے۔ تحقیق دے مطابق پاکستان دے مشرقی علاقیاں یا دریائے سندھ دے نال میدانی علاقیاں وچ رہائش پذیر پنج توں چھ کڑوڑ افراد پین لئی اوہ پانی استعمال کررہے نیں جس وچ حکومت دی مقرر کردہ مقدار توں زیادہ سنکھیا ہے۔ سائنس داناں نے ملک بھر وچ مختلف مقامات توں پین دا صاف پانی حاصل کرن لئی نلکیاں تے کھواں توں 12 سو نمونے حاصل کیتے تے شماریات دا طریقہ کار استعمال کردے ہوئے نقشے مرتب کیتے تے انہاں دی مدد توں اندازہ لایا کہ ایس خطرے توں کینی آبادی متاثر ہوسکدی ہے۔ سوئس فیڈرل انسٹی ٹیوٹ آف ایکوٹک سائنس توں منسلک ایس تحقیق دے سربراہ ڈاکٹر جول پٹکوسکی نے بی بی سی نوں دسیا کہ تحقیق دے نتائج پریشان کن نیں۔ اسی پہلی وار پاکستان وچ ایس مسئلے دی شدت نوں وکھان وچ کامیاب ہوئے ہاں۔جیالوجی تے زمینی مادیاں تے دوجے پیمائشاں دی مدد توں اندازہ ہویا کہ دریائے سندھ دے نال میدانی علاقیاں دے زیر زمین پانی وچ سنکھیا دی انتہائی زیادہ مقدار موجود ہے۔ سائنس داناں دا کہنا ہے کہ کاشت کاری لئی پانی دے استعمال نے صورتحال نوں مزید خراب کردتی ہے۔ تحقیق وچ سنکھیا تے مٹی وچ پائی جان والی تیزابیت دے درمیان تگڑے اتے ڈونگے آپسی سانگیاں دا اندازہ وی ہویا ہے۔ ڈاکٹر جول دے مطابق وادی مہران وچ وڈے پیمانے تے کاشت کاری لئی پانی استعمال کیتا جاندا ہے تے ایتھے موسم گرم تے خشک ہے۔ جے تُسی سطح تے بہت زیادہ پانی بہا رہے نیں تے ایہہ جداں زمین وچ جذب ہوئے گا تے آسانی نال سنکھیا نوں اپنے نال زیر زمین پانی وچ ملادے گا۔ یونیورسٹی آف مانچیسٹر وچ ماحولیاتی کیمسٹری دے پروفیسر ڈیوڈ پولایا دا کہنا ہے کہ اداد و شمار بارے قابل ذکر حد تک غیر یقینی پائی جاندی ہے۔ جڈی آبادی نوں خطرہ لاحق دسیا گیا ہے ایس دا نصف وی ہوئے تے ایس توں پہلے چند دہائیاں وچ سامنے آن والے رجحان دا اندازہ ہوندا ہے جس وچ ایسے لوکاں دی تعداد وچ اضافہ ہورہیا ہے جیہناں نوں سنکھیا رلے پانی توں خطرہ لاحق ہے۔ انہاں نے آکھیا ہے کہ ایس طراں دی پڑچول دوجے علاقیاں وچ وی ہونی چاہیدی ہے تے ایس توں کوئی شک نہیں کہ پین دے پانی وچ ایس زہریلے مادے توں متاثرہ افراد دی تعداد ودھے گی۔ ڈبلیو ایچ او دے پروفیسر ریک جانسٹن دے مطابق نویں تحقیق وچ سنکھیا دی پانی وچ ملاوٹ دی شرح بارے معلومات لبھیاں نیں تے ایہہ نہ صرف پاکستان سگوں پانی دے دوجے شعبیاں لئی وی فیدہ مند ہوئے گی۔
Link of BBC news
http://www.bbc.com/urdu/pakistan-41032568
Link of Voice of America News
https://www.urduvoa.com/a/report-says-drinking-water-in-pakistan-in-contaminated-24aug2017/3998603.html


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels