Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> فیچرز >> نواں کٹا:ہر مارشلاء سپریم کورٹ توں پچھ کے لایا گیا ہے۔روائیداد خان

نواں کٹا:ہر مارشلاء سپریم کورٹ توں پچھ کے لایا گیا ہے۔روائیداد خان

وچار ڈیسک
August 7th, 2017

مشرف بعدوں روائیداد خان دی وی جمہوریت خلاف حاضریاں،قبر وچ لتاں پر جمہوریت مخالفتاں پاروں حاضریاں وادھو۔پرانی سٹیبلشمنٹ اپنی قدامت پسندیاں تے ہی کھلوتی ہے اتے روائیداد خان ورگے بیوروکریٹ اوس بدبو دی وڈی علامت۔اج انہاں وقت نیوز تے انٹرویو دیندے ہوئے اوہی گلاں کیتیاں جیہڑیاں کجھ دن پہلاں بی بی سی نوں انٹرویو وچ ڈکٹیٹر مشرف کیتیاں سن۔اوہ علینہ شگری دے پروگرام وچ گل بات کر رہے سن۔سپریم کورٹ دی حمائیت کردے کردے اوہ ایتھے تیک چلے گئے کہ ایہہ گل ہن ریکارڈ دا حصہ بن گئی ہے۔ہر مارشلاء نے باہرلیاں دے ایجنڈیاں نوں پورا کیتا پر روئیداد خان آکھدے نیں پئی ہر مارشلاء لاون وچ سپریم کورٹ پہلے توں نال رلی ہوئی سی۔ انہاں دے انٹرویو دا لنک تھلے دے رہے ہاں کہ وچاری اینکر ایس انکشاف بعدوں ایس ملی بھگت بارے سوال وی نہ کر سکی۔ہورے ایجنڈا ہور سی۔ روایئداد ہوراں دسیا کہ جیف جسٹس منیر توں مشورے توں بعدوں جنرل ایوب نے مارشلاہ لایا سی۔امریکہ نوںU-2دا اڈا ایوب نے منیر توں پچھ کے دتا سی یا نہیں ایس بارے خان ہوراں نہ گل کیتی اتے نہ اینکر نے پچھیا۔ نہاں آکھیا جے سپریم کورٹ نہ چاہندی تے کوئی ملک وچ مارشلاء نہیں لا سکدا سی۔پتہ نہیں اوہ سپریم کورٹ توں بدلہ لے رہے سن یا اوس دی طاقت بارے دس رہے سن پر اج دے جمہوری دور وچ ایس دا کیہہ مطلب ہے، ایہہ عوام سمجھ سکدے نیں۔روائیداد ہوری1951وچ سول سرونٹ بنے سن اخیر انہاں سٹیبلشمنٹ نوں نیڑے توں ویکھیا ہے، ہورے سچ ہی آکھدے ہون۔اپنے ولوں بڈھے بیوروکریٹ ہوری نواز خلاف فیصلے پاروں سپریم کورٹ اتے پنج ججاں دی تعریفاں کردے ہوئے ایہہ گلاں دس کے کیہہ سٹیبلشمنٹ دی طاقتاں دس رہے سن؟ پر عوامی پدر تے ایس دا مطلب نرا اک مک مکا ہے جیہڑا عدالت، سیکورٹی اداریاں تے سول سرونٹس وچ تال میل دا بوتھا ہے۔اپنے ولوں اوہ ایہہ دسنا چاہندے سن کہ وکلاء لہر توں پہلاں سپریم کورٹ بہوں بھیڑا سی پر اج جداں وکلا گردیاں وادھو نیں تے بھلا کون ایس نوں من سکدا ہے پئی انصاف دا بندوبست بدل گیا ہے؟ایس موقعہ تے افٹخار چوہدری بعدوں بدل چکی سپریم کورٹ دی حمائیتاں کردے ہوئے بڈھے بیوروکریٹ آکھیا کہ آئین دی محافظ نری سیریم کورٹ ہے اتے اوہی آئین دی تشریح کر سکدی ہے۔ ایہہ اوہ سفنہ ہے جہیڑا سٹیبلشمنٹ دا قدامت پسند حلقہ بڑے چر توں ویکھ رہیا ہے۔آئین نوں جیہڑے بدل سکدے نیں اوہی سب توں مقدم نیں اتے اوہ پارلیمنٹ ہے اتے ایسے نوں سولین سپرمیسی آکھدے نیں پر روائیداد یا مبشر حسن ورگے ایس نوں نہیں منیندے۔انہاں بڑی ہشیاری نال آئی سی ایس تے سی ایس پی بیوروکریٹاں نوں بچاندے ہوئے ہر مارشلاء دا ذمہ وار عدلیہ نوں آکھ دتا۔بڈھے بیوروکریٹ ہوراں تواریخ بارے اپنی ہشیار گلاں وی دسیاں اتے آکھیا پئی جناح دی کابینہ وچ وی مال بناون والے رلتی سن۔انہاں ارد شیر کاوس جی دے پیو اتے جناح صاحب وچ ہون والا مکالمہ سنایا اتے دسیا کہ کاوس جی دی پیو، جس نوں جناح، روسی آکھدے سن،نے دسیا کہ تہاڈے وزیر مال کما رہے نیں۔ایس تے قائداعظم آکھیا پئی ایس توں بعد جیہڑی حکومت آئے گی اوہ ایس توں وی کرپٹ ہوئے گی۔خان ہوراں آکھیا ایہہ گل درست ثابت ہوئی۔ایس موقعے تے اک وار فیر روائیداد نے اپنے پیٹی بیوروکریٹاں نوں بچاندے ہوئے آکھیا کہ سیکٹری کرپٹ نہیں سن کیونجے اوہ سینٗر آئی سی ایس سن۔ایس توں وڈا جھوٹ کوئی نہیں ہو سکدا تے جس نوں یقین نہ آئے اوہ اختر حمید خان نوں پڑھ لے جنہاں پاکستان بنن توں پہلاں آئی سی ایس دی نوکری کرپشن پاروں چھڈ دتی سی۔مشرف وانگ روائیداد ہوراں وی پاکستان ٹٹن وچ بھٹو نوں رلتی کیتا پر اہہ وی آکھیا کہ فوج وی ایس وچ شامل سی۔پر بیوروکریسی دے گھٹیا کردار نوں ایتھے وی بچا لیا۔اوہ آئین توڑن والیاں نوں پھانسی دین دے قائل نیں پر ایس گل بارے کجھ نہیں دس سکے پئی عدالتاں 3نومبر دے فیصلے خلاف چلن والے مدے وچ مشرف نوں باہر کیوں جان دتا؟عدالت ایان علی دا ناں ای سی ایل وچ پوا سکدی سی پر مشرف دا نہیں؟ حلانکہ ایہہ مقدمہ عدالتاں تے ججاں دے خلاف ہی سی۔روائیداد آکھیا کہ جنرل راحیل شریف دے آکھن تے ہی مشرف نوں باہر جان دتا سی۔پر اوہ ایہہ گل بھل گئے کہ افتخار چوہدری بعدوں عدلیہ تے آزاد ہو چکی سی اوس کیوں ای سی ایل وچ مشرف دا ناں نہیں پوایا؟روائداد ہوراں سٹیبلشمنٹ دا کیس لڑدے ہوئے سیاستداناں نوں وارنگ دتی کہ اوہ نہ تے قرارداد مقاصد نوں مڑ دیباچے وچ لیجاون بارے سوچن اتے نہ ہی باٹھ تے ترینٹھ نوں چھیڑن، ورنہ لکھاں لوک، نرے مذہبی نہیں، اسلام آباد نوں گھیر لین گے۔روئداد دی باڈی لینگوئج دس رہی سی کہ سٹیبلشمنٹ دے طوطے دی جان انہاں دو گلاں وچ ہی ہے۔فیرروائداد نے عمران دی تعریفاں کردے ہوئے سپریم کورٹ نوں وی اوس ویچارے تے نااہلی کیس چلاون تے تنقیداں کیتیاں۔اخیر روائداد ہوری سدھے ہو گئے تے دسیا کہ پاکستان اصل وچ بھارت توں تاں مارے پچھے ہے کیونکہ پاکستان وچ ایوب، یحی تے بھٹو سول سرونٹس نوں کڈہیا سی۔اپنے بھاشن دے اخیر وچ انہاں ایہہ وی آکھ دتا پئی ٹوائن بی وی مینوں آکھیا سی کہ پاکستان جمہورہت ورگی عیاشی دا متحمل نہیں ہو سکدا۔ایہہ ہے اوہ مائنڈ سیٹ جس پاکستان نوں70سال توں جکڑیا ہویا ہے اتے روئداد ورگے ایس مردی قدامت دا بوتھا نیں۔ تسی آپ ایس انٹرویو نوں سن سکدے ہو کہ ایہہ آپ دھاندلیاں سنے ہر بھیڑے کم وچ اگے اگے سن۔
Link of misleading interview of a cronie at Waqat News
https://youtu.be/mAcfDyd5ct8


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels