Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> فیچرز >> ٹرمپ امریکی ڈیورنڈ لین بنا سکن گے؟چھ رکاوٹاں : بی بی سی رپورٹ

ٹرمپ امریکی ڈیورنڈ لین بنا سکن گے؟چھ رکاوٹاں : بی بی سی رپورٹ

وچار ڈیسک
June 29th, 2017

نعرے لانا سب توں آسان کم ہے پر جداں عمل دا ویلہ آئے تاں لگ پتہ جاندا ہے۔امریکی ڈیورنڈ لین بنادے ہوئے میکسکو دے باڈر تے ٹرمپ نوں اوہی اوکڑاں پیش آرہیاں نیں جیہڑیاں بش نوں وی آئیاں سن۔تسی ہن ایہہ آرٹیکل آپ پڑھوتانجے پتہ چلے چوناں جتن لئی بڑکاں لان دا انجام کدی کدی سامنے وی آجاندا ہے تے پئے بھرتو جاندے نیں تے اج کل ٹرمپ اجہیے بھرتواں نال ہی نبڑ رہے نیں۔گنڈاں دنداں نال کھولن وچ ناکامی نال انہاں نوں غصہ جیہا چڑھ جاندا ہے۔

صدر ٹرمپ اپنی انتخابی مہم دے دوران امریکہ تے میکسیکو دے وِچ اک وڈی تے خوبصورت دیوار بنان دا نعرہ لاندے رہے نیں۔ ہن صدر ٹرمپ نے ایس دیوار دے ڈیزائن لئی آئیڈیاز منگے نیں جیہناں چوں کجھ دا انتخاب کیتا جائے گا تے انہاں نوں سان ڈیاگو وچ اک تقریب وچ پیش کیتا جائے گا۔ ڈونلڈ ٹرمپ دو ہزار میل لمبی سرحد چوں نصف تے دیوار چاہندے نیں جدوں کہ باقی علاقے وچ پہاڑ تے دریا قدرتی دیوار دا کم کرن گے۔ تاہم دیواردی تعمیر کتھے ہو سی، ایہہ سوال ہے۔ ایتھے بہت ساریاں جنگلی حیات پائیاں جاندیاں ہے تے ایہہ ایسی زمین توں وی گزرے گی جس دے مالک قبائل یا فیر عام شہری نیں۔ کیہ دیوار دی تعمیر ممکن وی ہے؟ ایہہ اوہ کجھ رکاوٹاں نیں جیہناں تے صدر ٹرمپ نوں قابو پانا ہوئے گا۔ سرحد تے باڑ پہلے توں موجود ہے۔ صدر بش دے دور وچ گڈیاں تے راہ گیراں لئی 650 میل توں زیادہ طویل رکاوٹاں نصب کیتیاں گئیاں سن۔ جس جس طراں سرحد کیلیفورنیا دے علاقے سان ڈیاگو توں مشرق وچ ٹیکسس دے علاقے براؤنزویل ول ودھدی ہے تے ایہہ دریا دے نال نال نسبتاً سیدھی ہو جاندی ہے۔ ریو گرانڈے دریا دے درمیان دیوار بنانا تعمیراتی لحاظ نال تے چیلنج ہے ہی ایس وچ کجھ قنونی مشکلات وی نیں۔ 1889 وچ امریکہ تے میکسیکو دے اک معاہدے دے تحت دریا دے بہاؤ نوں متاثر نہیں کیتا جاسکدا یعنی جے دیوار بنے گی تے اوہ کنارے تے ہی بن سکدی ہے۔ جے تُسی ایس جگہ نوں فضا نال ویکھو تے اندازہ نہیں لا سکدے کہ دریا دے درمیان وچ دو ملک تقسیم ہو رہے نیں کیونکہ اوتھے اک ہی ایکو سسٹم ہے جو محفوظ ہے پر ایس تقسیم لئی دو ملکاں دی ضرورت ہے۔ امریکہ دی جنوبی سرحد دا دو تہائی حصہ دریاواں دے نال واقع ہے پر ایس وچ کیلیفورنیا تے ایریزونا دے صحرا تے نیو میکسیکو دے پہاڑ وی نیں۔ مشرقی کیلیفورنیا وچ ایلگوڈونز یعنی ریت دے شاہی ٹیلے نیں۔ ایتھے بش دورِ حکومت وچ تیرتی ہوئی باڑ لائی گئی جیہڑی ٹیلیاں دی منتقلی نال متاثر نہیں ہوندی۔ ایدھر ایریزونا تے نیو میکسیکو پہاڑی علاقے نیں۔ جنوب مشرقی ایریزونا تے جنوب مغربی نیومیکسیکو وچ واقع کوروناڈو نیشنل پارک وچ نو ہزار فٹ توں بلند کئی چوٹیاں نیں۔ایتھے دیوار دی تعمیر ناممکن لگدی ہے۔ امریکہ تے میکسیکو دی سرحد دا نازک ایکو سسٹم کسی وی نویں رکاوٹ نال متاثر ہو سکدا ہے ایتھے دیوار کدی تعمیر جانوراں نوں اپنی شکارگاہاں یا پانی دے ذخائر تک جان توں روک دے گی۔ سرمئی بھیڑیے، تیندوے تے جنگلی بھینسے سرحد دے دونوں ول شکار کھیلدے نیں۔ سرحد دے آر پار موجود دوجے جنگلی حیات وچ وڈے سینگاں والی بھیڑاں تے ریچھ رلتی نیں۔ ماہرین نے خبردار کیتا ہے کہ انہاں جانوراں دی تقسیم نال نہ صرف تنوع وچ کمی آئے گی سگوں انہاں دی آبادی وچ وی کمی آ سکدی ہے۔ امریکہ تے میکسیکو دے 12 فیصد سرحدی علاقے وچ جنگلی حیات دا تحفظ مغربی ٹیکسس دے بگ بینڈ نیشنل پارک دی ذمہ واری ہے۔ ایس علاقے وچ امریکہ دے کسی نیشنل پارک دے مقابلے وچ زیادہ قسماں دے جنگلی حیات پائے جاندے نیں۔ پارک دے عملے نوں ڈر ہے کہ کوئی وی رکاوٹ نہ صرف صحرائے چیؤاوا دے ایکو سسٹم نوں نقصان پہنچائے گی سگوں ایس توں انہاں دے دریائے گرینڈے دے پار کم کرن والے اہلکاراں نال تعلقات وی متاثر ہون گے۔ بگ بینڈ نیشنل پارک دے گائیڈ مائیک ڈیوڈسن مندے نیں کہ علاقے دی جنگلی آبادی دے تحفظ لئی دوناں ملکاں دے درمیان تعاون ضروری ہے۔ مائیک کہندے نیں کہ دیوار یا باڑ بنانا بہت افسوسناک ہے۔ ایس توں لوگ نیشنل پارک آن توں گریز کرن گے۔ دیوار دی تعمیر لئی صدر ٹرمپ ولوں دتے گئے اٹھ توں بارہ ارب ڈالر دا تخمینہ بہت تھاواں تے چیلینج کیتا گیا ہے۔ صدر بش دے زمانے وچ 650 میل دی باڑ تے ست ارب ڈالر خرچ آیا سی تے ایس نوں ناقابلِ عبور، بلند، مضبوط تے خوبصورت وی قرار نہیں دتا جا سکدا ددجے سرکاری محکمیاں ولوں ٹرمپ دے تخمینے توں بالکل مختلف اعدادوشمار پیش کیتے گئے نیں۔ سینیٹ وچ رپبلکن پارٹی دے رہنما مچ میکونل دا کہنا ہے کہ ایس دیوار تے 12 توں 15 ارب ڈالر خرچ آئے گا جداں کہ ہوم لینڈ سکیورٹی دے محکمے دی اک رپورٹ دے مطابق ایہہ رقم 21 ارب 60 کڑوڑ توں 25 ارب ڈالر دے درمیان ہوئے گی۔ سینیٹ وچ ڈیموکریٹس دی اک رپورٹ دے مطابق ایس دیوار دی تعمیر تے تقریباً 70 ارب ڈالر تے ایس دی سالانہ دیکھ بھال تے15 کڑوڑڈالر لگ سکدے نیں۔ وال سٹریٹ دی تحقیقاتی تے بروکریج کمپنی برینسٹین ریسرچ دا کہنا ہے کہ ایہہ رقم 15 توں 25 ارب ڈالر دے درمیان ہوئے گی جداں تعمیراتی معاملات دی مشیر کمپنی گلیڈزدے مطابق ایہہ رقم 31 ارب ڈالر دے لگ بھگ ہوئے گی۔ اک گل طے ہے کہ ایہہ اک مہنگا منصوبہ ہے تے ایس لئی رقم ہلے تک تلاش نہیں کیتی جا سکدی۔ مارچ وچ اپنے مجوزہ بجٹ وچ صدر ٹرمپ نے رواں مالی سال وچ ایس دیوار لئی اک ارب 40 کڑوڑ ڈالر مختص کیتے جداں کہ 2018 دے بجٹ وچ ایہہ رقم دو ارب 60 کروڑ ڈالر ہوئے گی۔ تاہم کانگریس نے ایس سال دیوار دی تعمیر لئی کوئی فنڈنگ منظور نہیں کیتی تے صدر ٹرمپ نے وی اپنی اک ارب 60 کروڑ ڈالر دی درخاست وچ 60 کروڑ دی کمی کیتی ہے۔ ہوم لینڈ سکیورٹی دے محکمے دے مطابق اک ارب ساٹھ کڑوڑ دی رقم 74 میل لمبی دیوار تے خرچ کیتی جائے گی جس چوں زیادہ تر دریائے ریو گرانڈے دے نال ہوئے گی۔ صدر ٹرمپ نے ابتدائی طور تے پوری دو ہزار میل دی سرحد دے نال اک دیوار تعمیر کرن دا وعدہ کیتا، انہاں نے بعد وچ آکھیا کہ ’قدرتی رکاوٹاں‘ دی وجہ نال ایہہ اک ہزار میل تے بنے گی۔ اونچائی لئی انہاں نے 30 توں 50 فٹ دا اندازہ دتا ہے۔ ان دے مطابق پیچیدہ تعمیراتی کم دے علاوہ، سروے، زمین دے حصول تے رسائی دین والی سڑکاں دی تعمیر اہم حل طلب معاملات نیں۔ ڈیزائنز گھلن لئی کمپنیاں نوں دعوت دیندے ہوئے آکھیا گیا کہ دیوار ری انفورسڈ کنکریٹ نال بننی چاہیدی ہے تے گھٹ و گھٹ 18 فٹ بلند ہونا چاہیدا ہے۔ ایس تے سیڑھی یا آنکڑاں دی مدد نال چڑھنا ممکن نہ ہوئے تے ایس وچ آلات دی مدد نال سوراخ کرن وچ گھٹ و گھٹ اک گھنٹہ لگے ایس دی بنیاد چھ فٹ گہری ہونی چاہیدی ہے تاکہ ایس دے تھلے سرنگ دا نہ کھودی جا سکے ایہہ اردگرد دے ماحول دے مطابقت رکھدی ہوئے تے شمالی سمت ولوں جاذب نظر ہوئے ایس وچ راہ گیراں تے گڈیاں لئی 25 تے 50 فٹ اوچے دروازے بنائے جان۔ نیویارک دے انجینئر ایلکس وینبرگ نے بی بی سی نوں دسیا کہ ایس حجم دی اک دیوار انجینئرز لئی مسئلہ نہیں کیونکہ ایس وچ انجینئرنگ دے لحاظ نال کجھ مشکل نہیں۔ اصل اوہ وڈا پیمانہ ہے جس تے ایہہ کم کیتا جا رہیا ہے۔ زمین دا سروے تے خریداری دی ضرورت ہوئے گی۔ بنیاداں کھودیاں جان گیا تے تعمیراتی سامان بنانا ہوئے گا۔ ایس دے علاوہ کیونکہ تعمیراتی سائٹ دوردراز مقامات تے ہوئے گی تے اوتھے تک رسائی لئی سڑکاں چاہیدیاں ہون گیاں تے افرادی قوت لئی رہائش، ٹرانسپورٹ تے طبی سہولیات دی ضرورت ہوئے گی۔ نارمنڈی طرز دی باڑ(گڈیاں لئی)دوہرے سٹیل دی باڑ ( راہ گیراں لئی)راہ گیراں لئی رکاوٹاں والی باڑگڈیاںں لئی رکاوٹاں والی باڑ جارج ڈبلیو بش دی متعارف کردہ باڑ دی قسماں دے بارے وچ انفوگرافک ذریعہ: جی اے او تاہم حکومت نے کنکریٹ دی دیوار دے ڈیزائن دے علاوہ ایسے ڈیزائن وی طلب کیتے نیں جیہناں وچ دیوار دے آر پار ویکھیا جا سکدا ہوئے کہ اودھر کے حالات توں باخبر رہیا جا سکے۔ ایس توں ظاہر ہے کہ حکومت تعمیر لئی کنکریٹ دے علاوہ دوجیاں چیزاں تے وی غور کر رہی ہے۔ ہوم لینڈ سکیورٹی دے محکمے دے سیکریٹری جان ایف کیلی نے ایہہ گل رواں ماہ سینیٹ دی ہوم لینڈ کمیٹی دے ارکان نوں دسی۔ تاہم انہاں دا کہنا سی کہ اہم مقامات تے دیوار حقیقی شکل وچ موجود ہوگی تے جتھے اوہ دکھائی نہیں دے گی اوتھے سینسرز، ڈرونز تے دوجے ٹیکنالوجی نگرانی دا کم کرے گی۔ تاہم امریکہ تے میکسیکو دی سرحد تے %66 زمین لوکاں دی نجی ملکیت ہے یا قبائلی ایس دے مالک نیں۔ ایس صورت وچ، سرکاری املاک دی وڈے پیمانے تے رضاکارانہ فروخت یا دیوار دے نال رستے لئی مالکان توں گفت و شنید دی ضرورت ہوئے گی۔ ایس توں ہزاراں مالکانِ زمین متاثر ہو سکدے نیں جیہناں وچ ٹیکسس دی رینچز دے مالکان وی نیں تے انہاں وچ ٹرمپ دے ووٹر وی شامل نیں جیہناں دے مویشیاں لئی ریو گرانڈے دے کنارے بنی چراگاواں نہایت اہم نیں۔ میں ایس دیوار دا حامی ایس لئی ہواں گا کہ ایہہ ہمیش لئی نہیں ہے۔ بس اس وقت تک لئی جدوں تک لوکاں نوں عقل نہیں آ جاندی۔ ایس زمین دی خریداری اک وڈا چیلنج ہو سکی ہے تے جے لوگ انکار کردے نیں تے حکومت نوں زبردستی کرنا پئے گی۔ ایمیننٹ ڈومین اک نظام ہے جس نوں عوامی استعمال لئی نجی زمین دی ملکیت حاصل کرن نوں استعمال کیتا جاندا ہے۔ عوامی استعمال نال مراد سڑکاں تے ریلوے لائن ہے۔ ایس وچ عموماً مالک نوں معاوضہ دتا جانداہے۔ ایہہ طریقہ ماضی وچ وی سرحدی باڑاں لئی استعمال کیتا جا چکیا ہے۔ یونیورسٹی آف پٹسبرگ دے شعبے قنون دے اسسٹنٹ پروفیسر جیرلڈ ایس ڈکنسن دا کہنا ہے کہ ایمیننٹ ڈومین دی ایہہ قنونی جنگ کئی سالاں تک جاری رہ سکدی ہے۔ انہاں نے واشنگٹن پوسٹ نوں دسیا کہ ایس توں پہلے کہ تعمیر شروع وی ہوئے وفاق ولوں ایمیننٹ ڈومین دا وڈے پیمانے تے استعمال دہائیاں تک جاری ہون والے تنازعات نوں جنم دے سکدا ہے۔ 1990 دی دہائی وچ بش انتظامیہ نوں سینکڑاں زمین مالکان نال سودے کرنے پئے سن۔ کئی شہریاں تے مقامی حکومتاں نے مزاحمت وی کیتی جس دے نتیجے وچ خاصی تاخیر ہوئی۔ ان وچ اک ایسا خاندان وی سی جس دی نصف زرعی زمین تے گھر انہاں توں لے لتا گیا تے ہن اوہ باڑ دے پار میکسیکن علاقے وچ رہنے تے مجبور ہے۔ امریکی علاقے وچ آن لئی انہاں نوں اک دروازے توں گزرناپیا ہے۔ ڈیموکریٹ سینیٹر کلیئر مکاسکل نے سینیٹ دی ہوم لینڈ سکیورٹی کمیٹی نوں دسیا کہ موجودہ باڑ لئی زمین دے حصول دے 400 معاملات وچ 330 معاملے عدالت وچ گئے جیہناں چوں 90 تاحال حل طلب نیں۔ تاہم کجھ زمیندار ایسے نیں جو موجودہ حکومت دے اقدامات نوں سراہندے نیں۔ ولاریئل خاندان دی زمین ٹیکسس وچ ریو گرانڈے شہر دے نواح وچ دریا دے نال واقع ہے۔ انہاں دا کہنا ہے کہ صدر ٹرمپ دے امیگریشن دے معاملے وچ سخت موقف دی وجہ توں خود نوں زیادہ محفوظ تصور کردے نیں۔ ڈینیئل ولاریئل دا کہنا ہے ’میں یقیناً زیادہ محفوظ محسوس کردا ہا۔ جدوں توں سانوں (غیر قنونی پناہ گزیناں دے اپنی زمین توں گزرن دا) مسئلہ درپیش ہے اسی ہمیش مسلح ہو کے ایتھے (دریا تے)آندے سن۔‘ اس خاندان توں بش انتظامیہ نے باڑ دی تعمیر توں پہلے وی رابطہ کیتا سی۔ رینے ولاریئل دا کہنا ہے کہ انہاں دا خاندان اپنی زمین تے غیر مستقل بنیاداں تے دیوار دی تعمیر دا مخالف نہیں کیونکہ اوہ غیر قنونی طور تے سرحد عبور کرن والے لوکاں نوں روکن وچ مدد دے گی۔ رینے دا کہنا ہے کہ ’میں ایہہ دیوار چاہندا ہا کیونکہ ایہہ اک مستقل چیز نہیں ہوئے گی۔ ایہہ ابد تک ایتھے نہیں رہے گی سگوں صرف ایس وقت تک جدوں تک لوکاں نوں عقل نہیں آ جاندی۔‘ تاہم چاہے کجھ زمینداراں نوں اعتراض نہ وی ہوئے قبائلی علاقیاں وچ رہن والیاں نے ایس دی مخالفت شروع کر دتی ہے۔ اہم قبائلی ایسی زیادہ تر زمین دے مالک نیں جیہناں وچ ایریزونا دی سرحد دے نال 75 میل دا محفوظ قرار دتا گیا علاقہ وی شامل ہے۔ قبائلی سرحد دے دونوں ول رہندے نیں تے ایس علاقے نوں اپنی آبائی سرزمین سمجھدے نیں۔ اوہ اشارہ دے چکے نیں کہ دیوار دی تعمیر دی صورت وچ اوہ ایس دی مخالفت کرن گے۔ جے اینج ہویا تے صدر ٹرمپ نوں ایہہ زمین حاصل کرن لئی کانگریس توں اجازت دی ضرورت ہوئے گی کیونکہ ایس زمین نوں قنون دے تحت تحفظ دتا گیا ہے جس طراں بہت سارے لوک نشاندہی کر چکے نیں، جے مستقل نگرانی نہ ہوئے تے کنکریٹ دے اوچے ٹکڑے لوکاں نوں ہمیش لئی نہیں روک سکدے۔ ہوم لینڈ سکیورٹی دے سیکریٹری جان ایف کیلی خود کہہ چکے نیں کہ ’صرف اک دیوار دی تعمیر توں مقصد حاصل نہیں ہوئے گا۔‘ تے ایہہ کہ تہانوں ایس نوں کامیاب بنان لئی گشتی ٹیماں، سینسرز تے نگرانی دے دوجے آلات دی ضرورت پئے گی۔ صدارت سنبھالنے دے پنچ دن بعد جاری کردہ صدارتی حکم وچ ٹرمپ نے پنچ ہزار سرحدی محافظاں تے دس ہزار امیگریشن افسراں دی بھرتی نوں آکھیا پر بجٹ وچ صرف پنچ سو سرحدی محافظاں تے اک ہزار امیگریشن افسراں لئی منظوری دتی گئی۔ ریو گرانڈے وادی دی سرحدی گشتی محافظ مارلین دا سترو دا خیال ہے کہ سرحد نوں محفوظ بنان لئی کافی تعداد وچ عملے دی موجودگی ایس پیکیج دا حصہ ہے۔ اوہ دسدی ہے کہ دراندازی روکن لئی ٹیکنالوجی، حالات توں آگاہی تے بنیادی ڈھانچے دے نال افرادی قوت کس طراں اہم ہے۔ مس کاسترو نے ڈونلڈ ٹرمپ دے انتخاب دے بعد اپنے علاقے وچ بہت سارے غیرقنونی رستے بند ہوندے ویکھے نیں تاہم ایس دے نال ہی اانہاں نے سرحدی محافظاں تے حملیاں وچ تیزی وی آندی ویکھی ہے۔ ایہہ انہاں حملیاں نوں ایس جھنجھلاہٹ دا نتیجہ قرار دیندی ہے جس دا شکار رستے بند ہون توں غیرقنونی تارکینِ وطن ہوئے نیں۔ کوئی وی دیوار چاہے اوہ کینی خوبصورت، کینی وڈی تے کینی مہنگی ہی کیوں نہ ہوئے، ایسے افراد نوں نہیں روک سکدی جو مضطرب، ضرورت مند تے غریب نیں۔ ’ہارس‘ دے ناں توں معروف اک سمگلر دے مطابق ایس دا کاروبار بش دور دی باڑ توں متاثر ہویا سی تے اک وڈی دیوار نال انسانی سمگلنگ دے معاملات مزید پیچیدہ ہو جان گے۔ تاہم انہاں نے خبردار کیتا کہ میکسیکن مافیا سرحد پار کرن دے نویں طریقے تلاش کردی رہے گی بس ایس دی قیمت ودھ جائے گی۔ سانتا کروز کاؤنٹی دے شیرف ٹونی ایسٹراڈا تسلیم کردے نیں کہ لوک کوئی نہ کوئی راہ کڈھ ہی لین گے۔’ا یہ لوگ ہزاراں میل دور توں وڈی رقم خرچ کر کے تے بہت وڈا خطرہ مول لے کے آندے نیں۔ سارے رستے انہاں دا استحصال ہوندا ہے۔ تہاڈے خیال وچ کیہ اک دیوار انہاں نوں روک سکے گی؟ نہیں بس ایہہ انہاں لئی اک ہور رکاوٹ ہوئے گی۔‘ سرحد بند کر دین نال انہاں قصبات دی معیشت تے خصوصاً تے امریکہ۔میکسیکو معیشت تے عموماً اثر پئے گا تے ایہہ اوہ چیز ہے جو اکثر امریکی سیاستدان نہیں چاہن گے۔ سرحد دی امریکی ولوں وسن والے افراد نے میکسیکن شہراں توں گہرے اقتصادی تعلقات قائم کر لیتے نیں۔ بہت سارے امریکی کارخانے میکسیکو دے مختلف شہراں وچ قائم نیں جیہناں چوں ہزاراں افراد ملازم نیں تے امریکہ دی سرحدی ریاستاں وچ میکسیکن شہری خریداری تے ہر سال کڑوڑاں ڈالر خرچ کر دیندے نیں۔ میکسیکو وچ سستی مزدوری دی وجہ توں اوتھے کارخانیاں دی تعداد ودھدی ہے جیہناں نوں میکویلادورا آکھیا جاندا ہے۔ انہاں کارخانیاں نوں ٹیکس وچ چھوٹ ملدی ہے تے ایہہ مال تیار کر کے برآمد کردے نیں۔ ایہہ سب شمالی امریکن فری ٹریڈ معاہدے دا نتیجہ ہے 1994 وچ ہویا سی تے ایس دے نتیجے وچ امریکہ، کینیڈا تے میکسیکو دے درمیان تجارت وچ کئی ٹیکساں دا خاتمہ ہو گیا سی۔ دیوار دی وجہ توں امریکہ تے میکسیکو دے معاشی تعلقات تے اثر ہو سکدا ہے۔ میکسیکو امریکہ دی برآمدات لئی دوجی سب توں وڈی مارکیٹ ہے جداں کہ میکسیکو لئی امریکہ برآمدات لئی سب توں وڈی مارکیٹ ہے۔ ولسن سنٹر دے میکسیکو انسٹیوٹ وچ کم کرن والے کرسٹوفر ولسن دا کہنا ہے کہ دوناں ملکاں دے اک دوجے دے نال معاشی طور تے گہرے تعلقات نیں تے ایس دے سبب تقریباً پنجاں لکھ امریکی برسر روزگار نیں۔ ولسن سنٹر دی تحقیق دے مطابق امریکہ تے میکسیکو دے درمیان تجارت معطل ہو جائے تے 49 لکھ امریکی بے روز گار ہو جان گے۔ مسٹر ولسن دے مطابق دوناں ملکاں دی معشیت اک دوجے نال جڑی ہوئی ہے تے ہن اوہ اک دوجے نوں تیار چیزاں نہیں وچدے سگوں’سامان رل کے بناندے نیں۔‘ ’پیداواری عمل دے دوران ایہہ سامان کئی دفعہ سرحد توں گزار کے دوجی ول لے جایا جاندا ہے‘ انہاں نے آکھیا۔ ’دوناں میکسیکو تے امریکہ ایس سامان دی قدر وچ اضافہ کر رہے نیں جو ایس خطے وچ ویچی جاندی ہے تے فیردنیا بھر وچ انہاں نوں بر آمد کیتا جاندا ہے۔‘ ٹرک ڈرائیور ہوزے انتونیو گارسیا نوئیوو لاریدو وچ رہندے نیں ہور جاندے نیں کہ سرحد دے دوناں طرف اک دوجے تے کینا انحصار کردے نیں۔ ہوزے ہر ہفتے سرحد پار جاندے نین تے نویں دیوار دے اثرات دے بارے وچ فکرمند نیں۔ ’فرض کرو کہ ایتھوں 14 ہزار ٹرک روزانہ گزردے ہون اوہ تعداد 4 ہزار رہ جائے۔ ایتھے ٹرک ڈرائیور بیروزگار ہو جان گے۔‘انہاں نے نشاندہی کیتی کہ نوکریاں تے کاروبار واپس امریکہ لے جان نال دوناں ملکاں لئی نقصان دہ ثابت ہو سکدا ہے۔ انہاں دے مطابق ’امریکہ وچ مزدوری مہنگی ہے۔ اوہ اک کارکن نوں 14 ڈالر فی گھنٹہ دیندے نیں۔ ایتھے ایس رقم وچ تِن میکسیکن مل جاندے نیں۔‘ ’ایہو وجہ ہے کہ میکسیکو تے امریکہ دے درمیان تجارتی رابطے توڑنا مشکل ہے۔ امریکہ میکسیکو وچ رقم بچاندا ہے۔ تے اسی نوں خطرہ ہے‘


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels