Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> فیچرز >> دنیا وچ ساڑھے چھ کڑوڑ بندے پناہ گزیں، مہاجر تے بے وطنے۔ترکی پہلے تے پاکستان دوجے نمبر تے

دنیا وچ ساڑھے چھ کڑوڑ بندے پناہ گزیں، مہاجر تے بے وطنے۔ترکی پہلے تے پاکستان دوجے نمبر تے

وچار ڈیسک
June 20th, 2017

امیر ملک پناہ گزیناں، مہاجراں تے بے وطنیاں بارے کوڑ پالیسیاں بدلن اتے جن ملکاں وچ انہاں بے وطنیاں دی گنتری وادھو ہے انہاں بارے خصوصی توجہ لوڑی دی ہے۔
اقوامِ متحدہ دا آکھنا ہے کہ ایس وقت دنیا وچ ساڑھے چھ کڑوڑ افراد مہاجر ، پناہ دے متلاشی یا فیر بے وطنے نیں جدوں کہ انہاں وچوں دو کڑوڑ تے 20 لکھ اوہ نیں جنہاں نال اقوام متحدہ دا ادارہ یو این ایچ سی آر کم کردا ہے۔انہان وچوں ادھے اٹھارہ سال توں گھٹ عمراں دے نیں۔اک کڑوڑ بے وطنے نیں جیہڑے Statelessnessدا شکار نیں۔پاکستان 14 لکھ پناہ گزیناں دا میزبان ہے۔ ایس طراں ترکی دے 30 لکھ پناگزیناں بعد پاکستان اوہ دوجا ملک ہے جس نے سب توں زیادہ پناہ گزیناں نوں پناہ دے رکھی ہے۔ انہاں دی بڑی تعداد افغان باشندیاں تے مشتمل ہے۔ترکی تے پاکستان بعدوں جن ملکاں وچ وڈی گنتری وچ اجہے لوک موجود نیں انہاں وچ لبنان(دس لکھ)،ایران(نو لکھ80 ہزار)،یوگنڈا(نو لکھ40ہزار) تے ایتھوپیا(اٹھ لکھ) رلتی نیں۔اقوامِ متحدہ دے پناہ گزیناں دے ادارے دی سالانہ رپورٹ دے مطابق 2015 دے مقابلے تے 2016 وچ ایس تعداد وچ تِن لکھ دا اضافہ ہویا ہے۔ ایہہ تعداد 2014 تا 2015 دے مقابلے تے خاصی گھٹ ہے جدوں تقریباً 50 لکھ افراد بے گھر ہوئے سن۔ تاہم اقوامِ متحدہ دے ہائی کمشنر برائے پناہ گزینان فلیپو گرانڈی دا کہنا ہے کہ ایس دے باوجود ایہہ بین الاقوامی سفارت کاری دی مایوس کن ناکامی ہے۔ انہاں نے آکھیا: 'انج لگدا ہے کہ دنیا امن قائم کرن دے قابل نہیں رہی۔ 'تُسی دیکھدے ہو کہ پرانے تنازعات ہن وی اونج دے اونج ہی چلے آ رہے نیں، تے نال ہی نال نت نویں تنازعات وی پیدا ہو رہے نیں، تے انہاں دوناں دے نتیجے وچ لوک در بدر ہو رہے نیں۔ جبری دربدری کدی نہ ختم ہونے والی جنگاں دی علامت ہے۔' گرانڈی نے خبردار کیتا کہ ایس دا بوجھ دنیا دے غریب ترین ملکاں تے پئے رہیا ہے، کیوں کہ دنیا دے 84 فیصد توں زیادہ پناہ گزیناں دا تعلق غریب تے متوسط آمدنی والے ملکاں توں ہے۔ انھوں نے آکھیا: 'میں افریقہ تے مشرقِ وسطیٰ دے گھٹ وسائل دے حامل ملکاں توں ایہہ کینج کہہ سکدا ہا کہ اوہ پناہ گزیناں نوں قبول کرن جدوں کہ امیر ملک اینج کرن توں انکاری نیں؟' اقوامِ متحدہ نے امید ظاہر کیتی ہے کہ ایس رپورٹ دی اشاعت توں امیر ملکاں نوں دوبارہ سوچن دا موقع ملے گا کہ اوہ نہ صرف زیادہ پناہ گزیناں نوں قبولن، سگوں امن لئی بنیادی ڈھانچے دی تعمیر وچ حصہ پاون۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels