Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> فیچرز >> ڈیڑھ کڑوڑ توں وادھو بچیا ں توں مشقتاں کروائی جاندیاں جے۔آئی ایل او۔نویں دنیا دا بوتھا؟

ڈیڑھ کڑوڑ توں وادھو بچیا ں توں مشقتاں کروائی جاندیاں جے۔آئی ایل او۔نویں دنیا دا بوتھا؟

وچار ڈیسک
June 14th, 2017

پچھلے گھٹ و گھٹ40سالاں توں جنگاں، سرحدی لڑائیاں تے قدرتی آفتاں پاروں واپری اتھل پتھل وچ جوان ہون والے اج پالیسی سازیاں تے میڈیا وچ بیٹھے نیں۔سپر پاور بنن یا سپر پاور اکھوان والے ملکاں دے مراثی بنن دی خاہشاں پاروں دنیا جنگاں تے سرحدی لڑائیاں ول دھکیلی گئی اتے تاں مارے جدید سائینس نوں قدرتی آفتاں نال نبڑن دی ویل ہی نہ ملی۔کنج نکی موٹی لڑائیاں ،تعصباں تے تفاخراں پاروں بچیاں نال ہون والے تشدد توں انکاری ہویا جاندا ہے ایس دی وڈی مثال طیبہ تشدد کیس۔تھلڑی پدر توں ملکاں دی پدر تیک ایہہ مسئلہ گھمبیرتا دا شکار جے۔جے ڈیجیٹل دنیا اج دی حقیقت ہے تے ایہہ کڑوڑاں بے ااسرا تے بے گھر بچے وی اج دی نویں دنیا دا بوتھا نیں۔وائی ااف امریکہ دی خبر تے اساں تھلے چھاپ رہے ہاں پر بی بی سی، وی او اے یا پی ٹی وی، جیو وغیرہ تے پورا سچ نہیں وکھا یا جاندا۔اج دنیا ایہہ گل منیندی ہے کہ دنیا وچ ودھ چکی ات گردیاں تے انتہا پسندیاں دا اک وڈا حوالہ نکے فرشتیاں نال کیتا جان والا سلوک ہے۔12جون دا دیہاڑ عالمی چائلڈ لیبر ڈے ہوندا ہت تے ایہہ رپورٹ تاں مارے میڈیا وچ چھپی سی۔کل15جون نوں’’وڈیاں دے بچیاں نال بھیڑے سلوک‘‘ دا دیہاڑ ہے کہ سب دیہاڑ مناون دا ودا ٹیچا ایہو ہے پئی اسی آون والے دناں بارے سوچیے۔
بچیاں توں مشقت دی روک تھام دے عالمی دیہاڑ دے موقع تے آئی ایل او نے حکومتاں توں اپیل کیتی ہے کہ اوہ اپنے اپنے ملکاں وچ بچیاں دی مشقت دی بد ترین قِسماں دا خاتمہ کرن۔ محنت دے بین الاقوامی ادارے آئی آیل او آکھیا ہے کہ جنگاں تے قدرتی آفتاں وچ گھرے علاقیاں وچ رہن والے بچیاں دے متعلق ایہہ خطرہ وادھوہوندا ہے کہ اوہ مشقت، انسانی اسمگلنگ دے ذریعے جنسی استحصالاں تے زیادتیاں دا سب توں ودھ نشانہ بن جاندے نیں۔ دنیا ایس وقت پناہ گزیناں تے نقل مکانی کرن والیاں پاروں وڈے بحراناں توں لنگھ رہی ہے۔ ہن تیک 65 لکھ توں زیادہ لوک جنگ تے مار کٹ پاروں اپنے گھر بار چھڈن تے مجبور ہوچکے نیں۔ خاندان تے سماجی نظاماں دے ٹوٹن توں لے کے گھر، سکول تے روزگار توں وانجھے جان دے خطریاں دا سب توں زیادہ شکار ہون والیاں وچ بچے رلتی نیں۔ محنت دے عالمی ادارے نے اپنی رپورٹ وچ دس پائی ہے کہ دنیا بھر وچ ایس وقت لگ بھگ اک کڑوڑ 68 لکھ بچے ایسے نیں جیہناں نوں مشقتاں دے مسئلیاں دا سامنا جے۔ انہاں وچ 85 لکھ بچے چائلڈ لیبر دی بد ترین قِسماں دا شکار نیں۔ انہاں قِسماں وچ بچیاں دا غلام ورگے حالات وچ خطرناک کماں مثلاً کان کنی تے زراعت وچ اتے یا جنگاں،ات گرد جتھے بندیاں یا جسم فروشی لئی ورتے جانا عام ہے۔ آئی ایل او نے اپنی رپورٹ وچ دسیا ہے کہ ایشیا تے افریقہ وچ بچیاں دی مشقت دا مسئلہ سب توں زیادہ ہے۔ آئی ایل او نے وائس آف امریکہ نوں دسیا کہ افریقہ وچ بچے خاص طور تے کوڑحالاتاں دا شکار نیں جتھے جنگ توں متاثرہ اکثر ملکاں وچ مسلح گروپ بچیاں نوں چائلڈ سولجر دے طور تے بھرتی کر لیندے نیں۔ انہاں ملکاں وچ صومالیہ، جنوبی سوڈان جمہوریہ کانگو تے وسطی افریقی جمہوریہ رلتی نیں۔ انہاں دا آکھنا سی کہ کجھ مسلح گروہ بچیاں نوں خود کش بمباراں دے طور تے ورتدے نیں اتے نکی بچیاں دے زبردستی ویاہ کروائے جاندے نیں یا انہاں نال جنسی غلاماں دا کم لتا جاندا ہے۔ ایس لئی بچیاں دے استحصال دی قِسماں وچ بہت اضافہ ہو چکیا ہے۔ بچیاں نوں ایشیا تے مشرق وسطیٰ وچ جاری تنازعیاں وچ وی چائلڈ سولجر دے طور تے بھرتی کیتا جاندا ہے۔ فلپائن تے میانمیر(برما) ورگے ملکاں وچ بچے قدرتی آفاتاں دے نتیجے وچ مسائل دا زیادہ شکار ہوندے نیں۔جنگ، سرحدی لڑائیاں تے قدرتی آفتاں پاروں بچیاں تے زیادہ اثر پیندا ہے اتے انہاں حالاتاں وچ جوان ہون والے بچے وڈے ہو کے پالیسی سازیاں کر دے نیں تے اوہی اج کل ہو رہیا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels