Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> فیچرز >> پاکستان وچ بچیا ں دی اندرونِ ملک سمگلنگ لئی کوئی قنون ہی نہیں (بی بی سی رپورٹ) طیبہ تشدد کیس؟

پاکستان وچ بچیا ں دی اندرونِ ملک سمگلنگ لئی کوئی قنون ہی نہیں (بی بی سی رپورٹ) طیبہ تشدد کیس؟

وچار ڈیسک
April 25th, 2017

فیصل آباد تے رحیم یار خان دی کہانیاں، طیبہ تشدد کیس تے عدالت تے میڈیا کیوں خموش۔جے عدالت طیبہ تشد کیس دا فیصلہ کیتا ہوندا تاں بی بی سی والے ایس بارے وی لکھدے پر اوہ کیس کس عدالت سننا ہے ایس بارے اسلامابادی ہائی کورٹ فیصلہ محفوظ کیتا ہویا ہے۔وڈی عدالت توں لے کے میڈیا تیک سب خمش نیں۔ہورے ایہہ وی کوئی ’’قومی مفاد ‘‘جے۔تساں ہن بی بی سی دی رپورٹ پڑھو۔حکومتاں، عدالتاں تے میڈیا جو کیتا اوہ تہاڈے سامنے پر اک نظر اپنے آپ تے آل دوال وی مارو، اساں آپ تے ایس وچ رلتی نہیں، ایہہ سچ تساں جاندے ہو۔

بچیاں دے حقاں لئی کم کرن والیاں دا کہنا ہے کہ ایہہ قنون نہ ہون دی وجہ توں بچیاں نوں استحصالاں دا سامنا ہے جس وچ گھریلو ملازماں تے تشدد پہلے نمبر تے ہے۔ فیصل آباد دے رہائشی محمد اشرف تے انہاں دے بچے ایسے ہی اک گروہ دے ہتھے چڑھے تے انہاں نوں ایہہ وی نہیں پتہ کہ اوہناں دے بچے کس شہر وچ نیں تے کتھے کم کر رہے نیں۔ محمد اشرف دی اک کڑی تے اک منڈا پچھلے اٹھ مہینیاں توں غائب نیں۔ انہاں نے ہی بی بی سی نال گل کردے ہوئے آکھیا اک باجی ساڈے گھر آئی تے آکھیا کہ اپنا پُتر تُسی مینوں کم لئی دے دیو۔ انہاں نے سانوں بدلے وچ 20 ہزار روپئیے دتے تے ایس توں بعد اج تک میرے پُتر نال میری گل نہیں ہوئی۔ انہاں آکھنا سی کہ ساڈی دھی وی لاپتہ ہے۔ مینوں میرے دوناں بچیاں دا نہیں پتہ اوہ کتھے نیں، کس شہر وچ نیں یا کس گھر وچ نیں۔ باجی نوں فون کردے ہاں تے اوہ فون نہیں چُکدی تے جیہڑا شخص اوہنوں ساڈے گھر لیایا سی اوہ وی فون نہیں چُکدا۔ بچیاں دے حقاں دے تحفظاں لئی کم کرن والے کارکن ایہہ دسدے نیں کہ بچیاں نوں کم دی غرضاں نال اپنے گھر، کھروالیاں تے ماحول توں دور کرن نوں بچیا دی اندرونِ ملک سمگلنگ یا انٹرنل چائلڈ ٹریفکنگ آکھیا جاندا ہے۔ ایس سلسلے وچ کارکن قدسیہ محمود آکھدی ہے کہ حال ہی وچ جیہڑے کیس سامنے آئے نیں انہاں وچ اسی ایہو ویکھیا کہ پہلے تے بچیاں نوں نیڑے دی تھاواں کم لئی گھلیا جاندا ہے۔ پھیر انہاں نوں وڈے شہراں وچ گھل دیندے نیں۔ ایہہ سب ٹریفکنگ وچ آندا ہے تے ایس دا بچیاں تے بہوں بھیڑا اثر ہوندا ہے۔
انہاں نے مزید آکھیا کہ بچیاں نوں دوجے شہراں وچ کم کرن لئی گھلن دا فیصلہ والدین دا ہوندا ہے تے بچے اکثر نہیں جانا چاہندے۔ فیر ایس توں بعد بچیا ں توں کم کروان لئی جس طرح دا سلوک کیتا جاندا ہے ایس نال اوہ ذہنی دباؤ دا شکار ہوندے نیں۔ انہاں تے تشدد کیتا جاندا ہے۔ بچے نوں تے نراوس دے گھروں کڈھنا وی تے اوس نمانے لئی پریشانی دا باعث بن دا ہے۔ محمد اشرف کلا نہیں جہناں دے بچے انٹرنل ٹریفکنگ دا شکار ہوئے۔ چند مہینے پہلے اک کمسن گھریلو ملازمہ طیبہ تے اسلام آباد دی عدلیہ دے اک رکن دے گھر وچ تشدد دے واقعے نے ملک بھر وچ سنسنی پھیلا دتی سی۔ طیبہ دے والدین نے سپریم کورٹ نوں دسیا کہ اوہناں نے اک ایجنٹ دے ذریعے اپنی دھی نوں اپنے شہر فیصل آباد وچ اک گھر وچ کم لئی گھلیا سی۔ انہاں نوں نہیں پتہ سی کہ طیبہ اسلام آباد وچ کسی جج دے گھر وچ کم کر رہی ہے۔ بچیاں توں مشقت پاکستانی آئین تے قنون دے تحت جرم ہے پر ایس مقصد لئی انہاں دی اندرونِ ملک سمگلنگ دے حوالے نال پاکستان وچ ایسا کوئی قنون ہی نہیں ہے جیہڑا بچیاں خلاف ایس جرمکرن والیاں نوں پھڑیچے۔ رحیم یار خان توں اک گھنٹے سفر تے جنت بی بی دا گھر ہے۔ اوہ غربت دے مارے ایس پنڈ دے لوکاں لئی کمائی دا ذریعہ بن دی ہے۔ کراچی دے وڈے گھراں وچ صفائی ستھرائی یا انہاں دے مالکاں دے بچیاں نوں سانبھن لئی جنت بی بی اپنے پنڈ توں بچے کراچی لے جاندی ہے تے ایس کم توں انہاں دے اپنے گھر دا چولھا وی جلدا ہے۔ جنت بی بی نے بی بی سی نوں دسیا کہ جیہڑے بچے چھوٹے بچیاں نوں سنبھالن دا کم کردے نیں انہاں نوں بہت گھٹ پیسے ملدے نیں کیونکہ مالک آکھدے نیں کہ بچیاں دے نال کھیڈنا تے کوئی کم نہیں۔ میں اپنے جان پہچان والے لوکاں نوں کم لئی بچے دینی ہاں۔ مالک اکثر مینوں کرایہ دے دیندے نیں یا فیر کدی مینوں ہزار دو ہزار مل جاندے نیں۔ اوہ اکثر آکھدے نیں، مجبوری ہوندی ہے تے تسی ساڈے کول آندے ہونا۔ اسی غریب لوک ہاں کی کریے؟


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels