Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> فیچرز >> اوڈاں تے خانہ بدوشاں دے بچیاں دی تعلیم

اوڈاں تے خانہ بدوشاں دے بچیاں دی تعلیم

سحر اقبال (کھلا ترجمہ)
April 1st, 2017

تعلیم دا مقصد لوکاں نوں اگے ودھن دے موقع دینا ہے۔ 2016-17 دے بجٹ وچ پنجاب سرکار نے سوشل سیکٹر ڈویلپمنٹ پروگرام (SDP) لئی 168.9 ارب روپے رکھے نیں اتے انہاں وچ 73.3 ارب روپے تعلیم لئی نیں۔ (ایہہ تنخواہاں توں وکھری رقماں نیں) انہاں 73.3 ارب وچوں 47.76 ارب روپے بیرونی امداد ہے۔ 87.5 ملین (8کڑوڑ70لکھ تے 50ہزار)روپے ہائر ایجوکیشن، 962 ملین نیشنل ایجوکیشن اتے تقریباً 2 ارب روپے خواندگی لئی نیں۔ ماضی دے مقابلے وچ ایہہ وڈی رقم ہے اتے سرکار دی سنجیدگی دی اک مثال وی۔ ساڈی سوسائٹی وچ خانہ بدوشاں دی وڈی تعداد وسدی ہے۔ انہاں نوں اوڈ، جپسی (پکھی واس) آکھدے نیں۔ انہاں دے قومی شناختی کارڈ تاں مارے نہیں بن سکدے کیونجے اوہناں دا کوئی مستقل پتہ یا ٹھکانہ نہیں ہوندا۔ اجہے لوکاں نوں تعلیم دینا اک وڈا سفنہ ہے۔ انہاں نوں تے روز مرہ عام سہولتاں وی نہیں ملدیاں۔ انہاں دے جوان منڈے عمارتاں وچ اٹاں ڈھون دا کم کریندے نیں اتے یا فیر ایہہ بچے منگ تنگ گذارہ کردے نیں۔ میرا رابطہ اک اجہے سرکاری افسر نال ہویا جیہڑا اج کل خانہ بدوشاں دی فلاح لئی کم کررہیا ہے۔ اوہ اپنی ذاتی حیثیتاں وچ انہاں دربدراں دے بچیاں نوں تعلیم حاصل کرن تے تیار کررہیا ہے۔ کمشنر سرگودھا ندیم محبوب ہوراں نے اک وکھری ٹائپ دے طریقے نال انہاں دی ٹھکانیاں تے جاکے تعلیم دین دا بندوبست اساریا ہے۔ ندیم ہوراں نے وزیراعلیٰ دے پروگرام راہیں گیارہ نان فارمل سکول بنائے نیں۔ انہاں سکولاں وچ 335 خانہ بدوش بال پڑھ رہے نیں۔ اوس دے کم نوں ویکھ کے خواندگی دے محکمے نیں وی ضلع دی اک بلڈنگ وچ چار سنٹر بنائے نیں اتے انہاں وچ وی 127 خانہ بدوش بالاں نوں پڑھایا جارہیا ہے۔ گیارہ سنٹراں وچوں 2 بکھر وچ نیں، 2 میاں والی وچ نیں جتھے 45 بال پڑھ رہے نیں۔ اینج ہی خشاب وچ 3 سنٹراں وچ 87 بال پڑھ رہے نیں۔ میں انہاں خانہ بدوش بالاں دے ماپیاں نوں آپ جاکے ملیا۔ انہاں دا آکھنا سی پئی اساں اپنے بچیاں نوں سکول نہیں گھل سکدے پر انہاں سکولاں پاروں ہن ساڈے منڈے کڑیاں پڑھ لکھ جاون گے۔ سانوں لگدا ہے پئی انہاں دا مستقبل ہورے چنگا ہوجائیگا۔ جے ویکھیا جائے تے خانہ بدوشاں دا شمار ساڈے معاشرے دی سب توں ہیٹھلی پرتاں وچ ہوندا ہے۔ جے اساں انہاں نوں رجسٹرڈ کروا سکیے تے ایہہ وڈا کم ہوسی۔ ہن ایس طریقے نال انہاں نوں سوسائٹی نال جوڑیا گیا ہے اتے ایہہ اک وڈا کم ہے۔
ایہہ آرٹیکل ڈیلی ٹائمز چھاپیا سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels