Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> فیچرز >> لمزیونیورسٹی وچ پنجابی صوفیاں بارے لیکچر:صوفیاں پنجاب وچ جاگرتی بارے وڈا کردار ادا کیتا۔مشتاق صوفی

لمزیونیورسٹی وچ پنجابی صوفیاں بارے لیکچر:صوفیاں پنجاب وچ جاگرتی بارے وڈا کردار ادا کیتا۔مشتاق صوفی

وچار ڈیسک
February 3rd, 2017

لمز یونیورسٹی اوہ کم کیتا جہیڑا پنجاب دی ہر یونیورسٹی تے کالج نوں کرنا چاہیدا ہے بھانویں اوہ سرکاری تعلیمی ادارہ ہوئے یا پھیر پرائیوٹ ادارہ۔پنجاب ٹیکسٹ بک تے کریکلم بورڈ نوں وی ایس بارے ہور کم کرنا چاہیدا ہے۔لمز یونیورسٹی وچ زبانان بارے کم کرن والے گرمانی سنٹر ایس کم دا آہر کیتا ہے جس دے آگو معین نظامی نیں۔نوآبادیاتی بندوبست وچ کیونجے پنجابی صوفیاں دے کلام نوں شامل ہی نہ کیتا گیا سی تاں مارے ساڈے تعلیمی ناخداواں نوں صوفیاں دے کلام نوں نصاباں دا حصہ بناون تے اعتراض رہے۔پر لگدا ہے ستر سالاں بعد اساں برطانیہ دے پھیلائے جھوٹاں توں نکل رہے ہاں۔تاں مارے لمز یونیورسٹی والیاں ہن اک لیکچراں دی سیریز پلان کیتی ہے اتے ایس وچ ہر جمعہ نوں چار وجے اک لیکچر ہو سی۔ہر لیکچر اک پنجابی صوفی شاعر بارے ہو سی جس وچ بابا فرید، مادھو لال حسین،سلطان باہو،بلھے شاہ،وارث شاہ،میاں محمد بخش تے خواجہ فرید ورگے وڈے پنجابی صوفی شاعراں بارے دانشور گل بات کرن گے۔لمز یونیورسٹی دی استاد دسیا پئی اساں یونیورسٹی وچ پنجابی شاعراں بارے اک کورس وی شروع کیتا ہے جس وچ90سٹوڈینٹ رلتی نیں۔ ایہہ پہلا لیکچر سی تاں مارے پنجابی ادبی بورڈ دے صدر مشتاق صوفی ہوراں ساریاں پنجابی صوفیاں بارے گل بات چھوئی۔انہاں دسیا پئی پنجابی صوفی شاعراں کنج اک وڈا کردار ادا کیتا اتے ماڑیاں دی گل وی کیتی اتے زنانیاں بارے وی گل کیتی۔انہاں گرمانی سنٹر والیاں نوں آکھیا پئی ایس لسٹ وچ بابا نانک دا ناں رہ گیا ہے اتے اوہ ایس گھاٹے نوں دورکرن۔بابا نانک توں بغیر پنجابی جوگی صوفی ریت بارے پوری گل نہیں ہو سکدی۔گرمانی سنٹر دے پردھان معین نظامی وی ایس لیکچر سیریز بارے جھات پائی۔سوال جواب دے سیشن وچ منڈے کڑیاں ودھ ودھ کے چوکھے سوال کیتے۔ایہہ لیکچر سیریز21اپریل تیک چل سی پر سنٹر والیاں نوں ایس دی ریکارڈنگ سوشل میڈیا راہیں پھیلانی چاہیدی ہے۔اگلے جمعہ نوں بابا فرید بارے مقصود ثاقب ہوری لیکچر دین گے۔ایس توں بعدوں نبیلہ عمر،احمد سعید ہمدانی،اقبال قیصر،سعید بھٹہ،عاصمہ قادری، معین نظامی تے مشتاق صوفی گل بات کرن گے۔اخیری سیشن وچ سارا کاظمی عارفانہ کلام سناون گیاں۔وچار ایس بارے لکھتاں چھاپے گا۔
Watch a Clip of the lecture
https://www.facebook.com/aamirr/videos/10154518494539032/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels