Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> فیچرز >> پاکستان دی ترقی پسند لہر:گلاں چوہدری رحمت اللہ (سی۔ آر) اسلم دیاں15جنوری1915۔10جولائی2007

پاکستان دی ترقی پسند لہر:گلاں چوہدری رحمت اللہ (سی۔ آر) اسلم دیاں15جنوری1915۔10جولائی2007

وچار ڈیسک
January 15th, 2017

شیخوپورہ وچ شاہ کوٹ دے پنڈ کوٹ نظام دین جمے سی آر جی آپدی حیاتی ترقی پسندیاں نال گذاری۔انہاں دے وڈے بھرا حبیب اللہ ہوری ونڈ توں پہلاں دے چندپنجابی آئی سی ایس افسراں وچوں اک سن جہیڑے پہلاں دلی اتے بعد وں کراچی محکمہ انفارمیشن وچ نوکری کر دے رہے۔انہاں دے نکے بھرامحمد حسین قمرپاکستان بنن ویلے ڈاکٹری پڑھ رہے سن اتے پھیر ڈاکٹری بعدوں فوج وچ رلتی ہوئے تے برگیڈئیر رٹائر ہوئے۔آپدے چوہدری ہوری وی ایم اے اکنامکس سن اتے وکیل وی اوہ وی 1942 دے۔انہاں دا اخیری تفصیلی انٹرویو عوامی جمہوری فورم وچ چھپیا سی اتے ایس دا لنک آرٹیکل دے اخیر وچ دتا جے۔
علامہ اقبال تے محمد علی جناح دے حمائیتی سی آر اسلم شیخ سعدی دی گلستان و بوستان بچپن وچ پڑھی سی پر اوہ مردے دم تیک اوس دے قائل رہے۔انہاں دے گھروچ سب سہولتاں سن، اک بھائی آئی سی ایس افسر وی سی، اک ڈاکٹر وی تے آپ اوہ وکیل سن پر انہاں آپدی ساری حیاتی مزدوراں، کساناں دے ناں لائی پئی ترقی پسندی لئی کم کرنا اوہناں دی مجبوری نہیں سگوں چوائس سی۔1948توں 1954تیک تے اوہ کمیونسٹ پارٹی آف ویسٹ پاکستان دے نال رہے جس دا ہیڈکواٹر لہور وچ سی اتے پھیر انڈر گراونڈ پارٹی وچ کم کردے رہے کیونجے پارٹی تے پابندیاں لگ چکیاں سن۔انڈر گراونڈ پارٹی1956وچ بنن والی نیشنل پارٹی دی موڈھی سی جس پاروں کمیونسٹاں تے قوم پرستاں دا ’’لوؤ افیئر‘‘شروع ہویا۔ ایہہ پارٹی1957وچ نیشنل عوامی پارٹی بن گئی کیونجے ایس وچ ہن مشرقی پاکستان یا مشرقی بنگال دے مولانا بھاشانی وی رلتی ہوگئے۔انڈر گراونڈ کمیونسٹ پارٹی کدوں تیک کم کردی رہی ایس بارے اک خموشی ہے ۔پرحسن ناصر دے قتل بعدوں جداں میجر اسحاق محمدلہور توں کراچی جاکے تحقیقاں کیتیاں تے ایس بارے انڈر گراونڈ پارٹی تحقیقاں کراندی رہی جس دا مطلب ایہہ ہے پئی پارٹی کسے نہ کسی شکل وچ 1962تک کم کردی رہی۔1962توں 1968دے سالاں وچ کھبے دی سیاستاں اندروں،باہروں ٹوٹیاں وچ ونڈی جانی شروع ہوئی۔روس چین جھگڑیاں دا زمانہ وی ایہو ہے اتے کراچی توں پنڈی، لہور تیک نویں جتھے بندیاں دا ویلہ وی ایہو ہے۔روس چین جھیڑیاں وچ چوہدری ہوری چین دے نال سن اتے اوپن فرنٹ تے نیشنل عوامی پارٹی(بھاشانی گروپ) دے لیڈر بنے۔اوس ویلے میجر اسحاق وی ایسے جتھے بندی دے ہی لیڈر سن۔چین نواز بھاشانی توں اوہناں روس نواز سوشلسٹ پارٹی کیوں بنائی اتے کون کون اوہناں نال رلتی سی ایہہ اک وکھری کہانی جے اتے ایس دے بہوں سارے پرت لکویں نیں۔
البتہ ایہہ گل پکی ہے پئی عابد حسن منٹو اوہناں دے نال سن اتے رسالہ عوامی جمہوریت انہاں دا ترجمان سی۔پھیر چوہدری ہوراں دے سجن عابد حسن منٹو وی انہاں توں وکھرے ہو گئے اتے ورکرز پارٹی بنا لتی۔شاہ محمد مری،محمد علی بھارا، میاں محمود سنے بہوں کامریڈ سی آر اسلم نال ہی رہے ۔سرد جنگ دے مکن تے سویت یونین دے ٹٹن نوں چوہدری ہوری اک ہور نظر نال ویکھدے سن۔1990دی 20 نومبر نوںیو این ولوں منظور کیتے34ملکاں دے ڈیکلیریشن نوں اوہ آپدی نویں سیاستاں دی بنیاد آکھدے سن اتے ترقی پسنداں نوں موسمیاتی وٹاندرےCliamate Change))دے مسئلیاں نوں چکن دا آکھدے سن۔گلوبلائزیشن دے حامی چوہدری ہوری آکھدے سن پئی ہن نویں دنیا وچ قومی اجارہ دارسرمایہ دار دا تواریخی رول مک چکیا ہے تاں مارے اوہ ہن قدامت پسندیاں نوں گل لائے گا اتے گلوبلائزیشن دا مخالف ہو سی۔ اج بریگسٹ تے ٹرمپ بعدوں جو کجھ یورپ تے امریکہ وچ ہو رہیا ہے اتے جس طراں ملٹی کلچرل ازم، امیگرنٹس، گلوبلائزیشن تے یورپی یونین خلاف نسل پرست قوم پرستاں امریکہ یورپ تے بھارت وچ نواں پڑ لایا ہے اوس بارے چوہدری ہوراں9سال پہلاں اشارے کر دتے سن۔پاکستان بارے اوہناں آکھیا سی پئی سرکار نوں ہن عالمی مارکیٹ وچ خام مال ویچن دی تھاں ویلیو ایڈڈمال بارے توجہ دینی ہو سی۔شراکتی جمہوریت دے حامی چوہدری ہوراں دااج جنم دیہاڑ جے۔
 Link of the interview of C R Aslam Published in Awami Jumhori Forum
http://ajfpk.org/show-art.php?artid=&bname=AJF-20&type=Art%207&image_id=1


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels