Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> فیچرز >> سمندری دا پرتھوی راج :سینما وچ پنجابی دا حصہ۔اشتیاق احمد( لڑی9)

سمندری دا پرتھوی راج :سینما وچ پنجابی دا حصہ۔اشتیاق احمد( لڑی9)

انگریزوں ترجمہ:زبیر احمد
January 9th, 2017
5 / 5 (1 Votes)

بمبئی تے کلکتہ وچ سنیما تے فلم انڈسٹری دے وادھیاں وچ پنجابیاں دی دین توں کوئی لکھاری انکاری نہیں ہو سکدا۔پر ایس بارے لکھیا کوئی وی لیکھ اوس ویلے تیک پورا نہیں ہو سکدا جد تیک پرتھوی راج ( 1906-1972 ) دی شاندار دین دی گل نہ کرے۔ کپور ٹبر دا گھر پشاور سی جتھے اوس دا پیو پلس وچ ملازم سی پر اوہدا دادا لیل پور(فیصل آباد) کول سمندری وچ تحصیلدار سی۔تاں مارے اوس اپنا بالپن لہندے پنجا ب سمندری وچ لنگھایا جتھے اوہدے دادے دی زمین وی سی۔ہنے پچھے پاکستانی میڈیا نے خبر دتی سی کہ کپوراں دے پشوری گھر دا مالک اوس حویلی نوں ڈھا رہیا اے کیوں جے ایس دی اینی بھیڑی حالت اے کہ ایہہ کسے ویلے وی ڈھیہہ سکدی اے۔ عدالت نے ایس نوں ہور ڈھاون توں منائی کردتی ہے اتے خیبرپختونخوا دی سرکار نے ایس نوں قومی ورثہ قرار دتا ہے۔ سانوں ایس دا سواگت کرنا چاہیدا اے جیہڑے پرتھوی راج دی سینما تے تھیٹر دی دین توں چنگے جانو نیں۔مہاتما گاندھی دا پکاّ چیلا تے بر صغیر دی ونڈ دے خلاف، اوہدیاں کھیڈاں ’دیوار، پٹھان‘ کئی ورھے بمبئی ویکھے جاندے رہے اتے اوہ ہندوستان پھردا رہندا سی اپنے لمے چوڑے عملے فیلے نال جس وچ اداکار،تکنیک کار،باورچی تے ہور لوک وی ہوندے سن۔یاسین گوریجہ اپنے کتاب ’لکشمی چوک‘ وچ ٹھیک آکھدا اے، پئی پرتھوی دی کھیڈ ’دیوار‘ دو قومی نظرئیے تے جناح بارے سہمت نہیں سی پر ایس دے نالو نال اوہ بمبئی تے ہور تھاواں اُتے فرقو فساداں خلاف روز وکھالا(احتجاج) کردے سن تے بینتی کردے سن پئی مسلماناں نوں نشانہ نہ بنایا جائے۔جد اوہ راجیہ سبھا دے نامزد ممبر بنے اوہناں سزائے موت مُکان دا بل پیش کرن وچ پہل کیتی۔
اوہناں بمبئی تے کلکتہ دویں تھاواں اُتے کم کیتا تے کجھ چیتے رہ جاون والیاں فلماں بنائیاں۔ اوہناں چُپ فلماں توں کم چھوہیا تے 1970 دے دہاکے تیک کم کردے رہے۔ اوہناں سکندر اعظم (1940) دا، جج رگھو ناتھ دا آوارہ ((1952 تے اکبراعظم(1960 ) فلم مُغل اعظم وچ جگ دُھمے پاتر بنن دے رول کیتے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels