Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> فیچرز >> کیدار شرماسیالکوٹی:سینما وچ پنجابی دا حصہ لکھاری اشتیاق احمد ۔۔لڑی 8

کیدار شرماسیالکوٹی:سینما وچ پنجابی دا حصہ لکھاری اشتیاق احمد ۔۔لڑی 8

انگریزوں ترجمہ:زبیر احمد
January 4th, 2017

دوجا وڈا پنجابی جو سبھ توں پہلے کلکتہ گیا تے پھیر بمبئی اوہ سی لکھاری،گیت کار،ہدایت کار اتے فلم کار کیدار شرما(1910-1999)۔ شرما ضلع سیالکوٹ،ناروال دے اک غریب براہمن ٹبر وچ جمیا پر امبرسر وچ وڈا ہویا۔ اوس دی جیون کہانی اوہدے پُتر ڈاکٹر وکرم شرما، ’ اکو اک کیدار شرما‘، لکھی جو اک من کھچویں لکھت اے اوس لئی جو سکھنا چاہندا اے کہ غیرمعمولی گُنی بندے لئی تے اوس دے فلم صنعت وچ پیر جماون بارے۔شروع وچ اوہنوں کلکتے کم لبھن وچ بڑیاں اوکڑاں آئیاں پر پھیر اوس دی ملنی پرتھوی راج نال ہوئی ، جس بمبئے چھڈ کلکتہ وچ گھر پا لیا سی۔ پرتھوی اوس نوں اک ہور پنجابی کول لے گیا، اکو اک اُستاد کندن لال۔ ایہہ اوہناں دی چھتر چھاں سی کہ کیدار شرما اخیر فلماں وچ کم کرن لگا۔اوس گاؤن تے سکرپٹ لکھے اتے ہدایت کاری وی کیتی۔ اوس دی مہان فلم جد اوہ کلکتہ سی،’ دیوداس (1936)‘ سی، جس وچ کے۔ایل۔سیگل نے دیوداس دا کردار کیتا۔ مُڑ دلیپ کمار تے شاہ رُخ نے وی ایہہ کردار کیتے۔ بمبئی وچ کیدار شرما نے ’تان سین ‘لئی وی گاؤن تے سکرپٹ لکھیا، جس وچ سیگل تے خورشید(ارشاد بیگم جیہڑی چونیاں،ضلع لہور) کم کیتا۔ ایس دا سنگیت ہن تیک من نوں ٹُنبدا اے، کیوں جے کھیم چند پرکاش نے راگ تے راگنیاں مہاں اُستادی نال ورتیاں نیں تے کجھ گیت بنائے نیں۔
شرما دی سبھ توں مہاں فلم بناں شک دے ’جوگن‘(1950) سی،جس وچ نرگس تے دلیپ کمار سن، تے راجندر کمار نے وی نکّیا جیہا کم کیتا سی۔ نرگس نے مُڑ آکھیا سی ایہہ ایس دی شاندار فلم سی۔’باورے نین‘ وچ گیتا بالی تے راج کپور، کم کرن والے تے فلم بناون والے بہتے پنجابی سن۔ سنگیت کار روشن نے اپنے کجھ بہت ودھیا گانے ایس فلم وچ بنائے سن۔ خاص کر میکش دا ’تیری دُنیا میں دل لگتا نہیں‘ بہوں جگ دُھمیا سی۔ کئی سالاں پچھوں مبارک بیگم نے اوس دا لکھیا گیت گایا سی،’ کبھی تہنائیوں میں جو تمہاری یادآئے گئی‘۔ ایہہ آکھیا جاندا اے پہلے لتاّ منگیشتر نے ایہہ گانا گانا سی پر پھیر اوہنوں اوکھا لگا تے پھیر مبارک بیگم نے گایا تے جادو کر دتا۔ کیدار شرما ہمیش اُچا معیار رکھدا سی،اوس دے کم دی قدر پیراں اُستاداں نے وی کیتی تے ایس نوں بہوں گُنی تے اصل آکھیا گیا۔
اک ہور پنجابی جس نے بولن آلیاں فلماں وچ بڑا ناں کمایا اوہ سنگیت کار تے اداکار کے ۔ایل۔سیگل (1904-1947 ) سی۔جس دا ویروا اسیں اگے دیاں گے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels