Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> فیچرز >> سینما وچ پنجابی دا حصہ اشتیاق احمد۔ 6

سینما وچ پنجابی دا حصہ اشتیاق احمد۔ 6

انگریزوں ترجمہ:زبیر احمد
December 26th, 2016

      لہورجمے ہنڈھے ورتے تواریخ کار تے سنگیت نوں چھتر چھاں دین والے پران نیول نے اپنی جگ دُھمی کتاب ’لہور:اک موہ بھریا پندھ‘
(A sentimental Journey) وچ ودھدے پُنگردے جان دار سینما رہتل دی گل کیتی اے۔ ڈھیر گنتی وچ لوک تھیڑ ویکھن آندے سن تے بمبئے دے سرکڈھ فلمی تاریاں دے لہور پھیرے چیتے رکھن والے سماجی دیہاڑ بن جاندے سن۔ ایہناں وچ ای چیتے وچ کُبھ جان والا پھیرا 2 دسمبر 1937وچ کے ایل سہگل دا لہور آون سی جس چوکھے لوگاں نوں کچ پائی۔سہگل دا تعلق جموں،جالندھر توں سی۔شروع وچ لہورجیہڑیاں فلماں بنائیاں جاندیاں سن اوہ اصلوں پنجابی وچ ای ہوندیاں سن۔ سن 1940تک پنجابی فلماں ان ونڈے پنجاب وچ وکھایاں جاندیاں سن تے ایس دے نال دہلی،کلکتہ ،بمبئے تے کان پور وچ وی وکھایاں جاندیاں سن جتھے ویہویں صدی دے شروع توں پنجابی اباد ہو ندے گے۔بہرحال 1940s دے دہاکے وچ کجھ بہت کامیاب اُردو تے ہندی دیاں فلماں لہور وچ بنیاں جیہناں وچ کندن(1942) خزانچی(1941) اتے داسی (1944) شامل نیں۔
کسی وی وقوعے وچ بھاویں لہور 1940sوچ اک نواں فلم دا مرکز بن کے اُسر رہیا سی،بوہتا سرمایہ ہالے وی بمبئے تے کلکتہ وچ سی۔ایس لئی پنجاب دے سوہنے بندیاں تے زنانیاں توں اڈ تے جیہناں وچ ولن وی سن،کریکٹر ایکٹر تے مخولی اداکار وی ایہناں شہراں وچ پیر جماون دا آہر کردے سن،پنجابی اپنے کلاّ تے دوجے تکنیکی گُناں راہیں ایہناں شہراں وچ
رزق لبھدے سن۔ اصلوں ایہہ کوئی انہونی نہیں سی پئی کجھ فنکار ایہناں شہراں وچ کم کردے سن تے ایہناں شہراں وچ مقامی تھاواں اُتے فلماں وی شُوٹ ہوندیاں سن۔ میرا پکا یقین اے پاکستان تے ہندوستان وچکار رہتلی سانگے اینے تگڑے نیں پئی ایہناں نوں قومی سیاستاں تے ہتھار بندھ لڑائیاں توڑن جوگ نہیں ہن۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels