Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> فیچرز >> فوج نے ہڻ انتہا پسندی نوں مکاؤڻ دا پکا ارادہ کر لیا:تجزیہ کار

فوج نے ہڻ انتہا پسندی نوں مکاؤڻ دا پکا ارادہ کر لیا:تجزیہ کار

وچار ڈیسک
June 22nd, 2011

پاکستانی فوج دے سپاہیاں یاں نان کمیشنڈ آفیسرز دی کھاڑکواں دے نال سانگیاں دے مڈھ تے گرفتاریاں تے ہوئیاں جیویں کہ دو ہزار تن وچ اودوں دے صدر جنرل پرویز مشرف تے دھاڑیاں دے مگرون ائیر فورس تے آرمی دے نان کمیشنڈ بندیاں نوں پھڑ لیا گیا سی۔ پر تجزیہ کاراں موجب ایس الزام ہیٹھ کسے وڈے فوجی افسر دی گرفتاری دی ایہہ پہلی واپری ہے۔
راکھی دے تجزیہ کار تے پاکستانی فوج دے اک گذریل جنرل (ر) طلعت مسعود دے موجب، کئی واری انج ہویا ہے جو کجھ سینئر افسراں نوں پھڑیا گیا ہے۔' جیہڑے کئی کارناں توں پاکستان دے خلاف کم کر رہے سی یاں ادارے دے خلاف سی۔'
پر اوہناں دے خیال وچ انج دی گرفتاری پہلی واری ہوئی ہے۔ ' جیہڑے اک انج دیاں ستھاں نال کم کر رہے سی جیہڑے ریاست دے خلاف جنگ کر رہے نیں،فوج نوں نشانہ بڻا رہے نیں۔ انٹیلی جنس ، سیکورٹی ایجنسیاں تے معصوم لوکاں نوں قتل کر رہے نیں۔
جنرل (ر) طلعت نے کہیا انج دے لوکاں نال تعاون کرنا، اوہناں موجب اک جرم ہے۔ مبصراں دا کہڻا ہے ایہہ گرفتاری بہت اہم ہے، کیوں جو ایہدے نال کئی ہور سانگیاں بارے پتہ لاؤڻ دا موقع ملے گا۔
جنرل طلعت نے کہیا ہڻ ویکھڻا ایہہ ہے پئی جیہڑی پڻ چھاڻ ہووے گی اوہدے نال کیہ پتہ لگدا ہے پئی پھڑے ہوئے بریگیڈئیر اکلے سی یاں اوہناں دے نال کئی ہور لوک وی سی۔ اوہناں موجب سارے سوالاں دے جواباں نوں لوک اُڈیک دے رہڻ گے۔
ایس سوال تے پئی کیہ ایس گرفتاری نال فوج دے ادارے نوں نقصان ہویا ہے، اوہناں نے کہیا پئی ظاہر ہے' اپڑ تے رہیا ہے ' پر جے اوہناں دے خلاف ایکشن نہ لیڻ تے ہور وی نقصان ہووے گا۔'
اوہناں دا کہڻا سی جو چنگا ہویا جو پڻ چھاڻ کیتی جارہی ہے۔ اصل وچ ہڻ فوج نوں ایہہ احساس ہو گیا ہے پئی انج دے لوکاں دی کوئی تھاں نہیں تے پاکستان فوج نوں انج دے لوکاں توں صاف کیتا جاوے۔'
فوج دے وچ مذہبی انتہا پسندی بارے اک سوال تے سیاسی تے راکھی دے تجزیہ کار حسن عسکری دا کہڻا سی جو پہلوں وی انج دیاں خبراں آؤندیاں رہیاں سی پئی کجھ لوک ذاتی طور تے اپنے رجحاناں نوں مذہبی انتہا پسندی ول کھڑ رہے نیں۔ لگدا ایہہ ہے جو ہڻ فوج نے ایہہ فیصلہ کیتا ہے پئی اوہ ایہناں معاملیاں دا اک حقیقت پسند انداز وچ جائزہ لوے گی، تے میرا خیال ہے انج آرمی ہڻ پروفیشنلزم نوں بہتی اُچیچتا دیوے گی'۔
ایہہ پچھڻ تے پئی ایہہ خفیہ اداریاں دی ناکامی نہیں ہے، ڈاکٹر رضوی نے کہیا پچھوکڑ وچ پاکستان وچ فوج دے وچ تے باہر کئی معاملیاں نوں جریا جاندا رہیا۔ اوہناں کہیا فوج دے وچ انتہا پسندی دا رجحان جنرل ضیا دے وارہے توں شروع ہویا تے اوہدے مگروں کئی گلاں نوں نظر انداز نہیں کیتا گیا، اوہناں موجب ہڻ فوج نے فیصلہ کر لیا ہے جو معاملے اینے وگڑ گئے نیں پئی اسیں اوہناں نوں نظر انداز نہیں کراں گے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels