Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> فیچرز >> مرد زنانیاں توں بہتے جھوٹھے ہوندے نیں: سروے

مرد زنانیاں توں بہتے جھوٹھے ہوندے نیں: سروے

وچار ڈیسک
May 20th, 2010

برطانیہ وچ کیتے گئے اک سروے موجب زنانیاں دے مقابلے وچ مرد بہتے جھوٹھے ہی نہیں ہوندے سگوں اوہناں نوں ایہدے تے نموشی وی نہیں آؤندی۔ ایہہ سروے لندن دے سائنس میوزیم نے کیتا جیہدے وچ تن ہزار لوک رلتی نیں۔

سروے موجب کھوج وچ ایہہ گل وی پتہ لگی ہے پئی اک عام برطانوی مرد ہر روز دن وچ تن واری جھوٹھ بولدا ہے تے انج اوہ سال وچ اک ہزار بانوے جھوٹھ بولدے نیں۔

مرداں دے مقابلے وچ برطانوی زنانیاں دن وچ دو جھوٹھ بول کے ایمانداری دا وکھالا کردیاں نیں۔ اک عورت سال وچ ست سو اٹھائی واری جھوٹھ بولدی ہے۔ سروے موجب بہتے جھوٹھ لوک ماں نال مار دے نیں جیہناں وچ پنجھی فیصد مرد تے ویہہ فیصد زنانیاں رلتی نیں۔

ماں دے مقابلے وچ صرف دس فیصد لوک اپنے جیون سنگی نال جھوٹھ بولدے نیں۔ بیاسی فیصد عورتاں نوں جھوٹھ بولن توں مگروں جرم دا احساس ہوندا ہے جدوں کہ مرداں وچ ایہہ تناسب ستر فیصد ہوندا ہے۔

ایس سروے نال ایہہ گل وی ساہمنے آئی ہے پئی چوتالی فیصد لوکاں نوں انج دا جھوٹھ جیہڑا دوجیاں نوں نقصان نہ اپڑائے قبول ہے۔ پچونجاہ فیصد برطانوی مرد ایہہ سمجھدے نیں پئی بھاویں زنانیاں گھٹ جھوٹھ بولن پر مرداں توں چنگے طریقے نال بولدیاں نیں۔

ماہراں موجب جھوٹھ انسانی فطرت دا انج دا عمل ہے جیہدے توں بچیا جاسکدا پر سماجی سانگیاں وچ ایہدی اُچیچتا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels