Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> فیچرز >> اٹھارویں ترمیم تے امریکی ماہر کیہ کہندے نیں ؟

اٹھارویں ترمیم تے امریکی ماہر کیہ کہندے نیں ؟

وچار ڈیسک
April 22nd, 2010

پاکستان دے آئین وچ کیتی جان والی اٹھارویں ترمیم نوں ملک وچ جمہوری کم مضبوط بناؤن لئی جتھے اک پاسے سلاہیا جارہیا ہے اوتھے کجھ جتھے ایہدیاں کجھ شقاں نوں جمہوری اصولاں دے خلاف وی متھ رہے نیں۔ اٹھارویں ترمیم اُتے پاکستان وچ تے بحث ہو ای رہی ہے پر واشنگٹن وچ وی ماہر پاکستانی آئین وچ ہون والی ایس ترمیم تے ایہدے جمہوریت تے پین والے اثراں تے نظر رکھی بیٹھے نیں۔

پاکستانی صدر آصف علی زرداری نے ایس تاریخ بل تے دستخط کیتے۔

فوجی حکمران ضیاء الحق نے اپنی کرسی مضبوط کرن لئی اُنی سو اسی وچ ایہہ اختیار لئے سی، جیہناں وچ چنی ہوئی اسمبلی نوں توڑنا، ججاں دی تعیناتی تے ملک دی فوج دے پردھان دا چون رلتی نیں۔ ایہہ اختیار ہن چنی ہوئی اسمبلی تے وزیر اعظم نوں دے دتے گئے نیں۔

اجوکے دھاکے وچ اک ہور فوجی حکمران پرویز مشرف نے ایہہ اختیار اپنے فائدے لئی ورتے۔ مڈل ایسٹ انسٹی ٹیوٹ دے مارون وائن بام کہندے نیں ایہہ اک تاریخی قدم ہے۔

اوہ کہندے نیں پاکستان پیپلز پارٹی دی حکومت نے ایہہ کرنا ہی سی۔ اوہناں پہلوں ہی آپنے آپ نال وعدہ کر لیا سی پئی اوہ ایہہ کرن گے۔ ملک وچ ایس وچار تے ایکا سی پئی اُنی سو تہتر دے آئین ول پرتن دا مطلب جمہوریت ول پرتنا ہووے گا۔

پاکستان پیپلز پارٹی دے دوہویں حکمران ذوالفقار علی بھٹو تے بینظیر بھٹو، ملٹری حکومت دے خلاف کھلو گئے۔ ذوالفقار علی بھٹو نے ایکے نال ملک نوں آئین دتا تے بینظیر بھٹو نے مسلم لیگ نون تے ہور اپوزیشن جماعتاں نال رل کے میثاق جمہوریت تے دستخظ کیتے جیہدے پاروں ایہناں ترمیماں تے ایکا ہویا۔

ماہر کہندے نیں ایہہ ظلم ہے پئی ایہناں اصلاحواں تے دستخط صدر آصف علی زرداری نے کیتے جیہڑے ہن اپنی مری ہوئی تیویں بینظیر بھٹو دی حکومت دے وارہے وچ کرپشن دے الزاماں پاروں جانے جاندے نیں۔ مارون وائن بام کہندے نیں ترمیم صدر زرداری نوں ایہہ حق دیندی ہے پئی اوہ اپنی پارٹی دے چیف رہن تے ایسے پاروں پاکستانی سیاست وچ صدر زرداری دا اثر رہوے گا۔

اوہناں کہیا اوہناں اپنے لئی پوری مدت صدارت پکی کر لئی ہے۔ تے جے اوتھے اک مڈٹرم ہوندا الیکشن ہوندا تے وی اوہ صدر ہون گے۔ اتے اوہناں دی سیاسی جماعت دا بھلک جو وی ہووے صدارت اوہناں کول ہی رہوے گی۔ جیہنوں اوہ کسے قسم دے سیاسی لین دین لئی ورت سکن گے۔

ڈاکٹر نثار چودھری واشنگٹن وچ وسنیک پاکستانی تجزیہ کار نیں اوہ کہندے نیں ایس ترمیم دی تیاری وچ کئی سیاسی جماعتاں وچ ایکا ویکھیا گیا ایہہ بڑی چنگی گل ہے۔

اوہ کہندے نیں پاکستان بچاؤن لئی مضبوط جمہوریت بہت ضروری ہے۔ ساڈے سیاستداناں نے ایکے نال ایہہ کم کیتا ہے ہن ویکھنا ایہہ ہے پئی زمین تے ایہناں شیواں نوں کیویں گھلیا جاندا ہے۔ ایہہ بہتا اہم ہے تے ایہہ سیاستداناں دا امتحان ہے پئی اوہ کنے سیانے نیں۔

سیاسی مضبوطی تے آرہی ہے پر پاکستانی لوکائی تے غربت، بے روزگاری، مہنگائی تے بجلی دی بندش دا بھار ودھدا جارہیا ہے۔ ماہر کہندے نیں آئینی اصلاحواں پاکستان دی ماڑی جمہوریت لئی چنگیاں ثابت ہون گئیاں۔ پر ایہدا فائدہ لوکائی تیکر اپڑؤن لئی سیاستداناں نوں ہن ایہناں مسئلیاں نوں نبیڑن لئی رل کے کم کرنا ہووے گا جیہڑے پاکستانی لوکائی نوں روز پیش نیں۔
وائس آف امریکہ دے شکرئیے نال


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels