Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> فیچرز >> ایہہ دھاڑا کیویں ہویا؟

ایہہ دھاڑا کیویں ہویا؟

ہارون رشید
October 11th, 2009

بھاویں فوجی ہیڈ کوارٹر تے دھاڑے دی حالی پوری تصویر ساہمنے نہیں آئی پر کجھ وسیلیاں توں ملن والیاں مڈھلیاں اطلاعواں موجب مسلح دھاڑویاں نے تناں پاسیوں جی ایچ کیو تے دھاڑے دا جتن کیتا سی۔ پر اوہ وڑھے بس دوہواں پاسیوں۔

اکھیں ویکھن والے لوکاں موجب دھاڑا فوجی نمبر پلیٹ والی چٹی سوزوکی نے گیٹ نمبر اک توں شروع کیتا۔ اوتھے ڈیوٹی تے لگے فوجیاں دی مدد لئی اوہدے توں اگلی چیک پوسٹ دے سیکورٹی اہلکار ایس پاسے آئے جیہدا فیدا چک کے مسلح دھاڑویاں دا اک دوجا جتھا ظاہر وچ آئی ایس پی آر دے دفتر راہیں اندر وڑھن وچ کامیاب ہو گیا۔

دوجا جتھا دوجی چوکی تے فوجیاں دے نہ ہوون یاں گھٹ ہوون دا فیدا چکدیاں ہوئیاں سیکورٹی عمارت تیکر اپڑ گیا جتھے اوہنے اٹھائی بندیاں نوں جنہاں وچ وڈی گنتری سویلین نوکراں دی دسی جارہی ہے یرغمال بنا لیا۔ اکھیں ویکھن والے لوکاں دسیا پئی مرن والے بریگیڈئیر انوار الحق تے لیفٹینٹ کرنل وسیم نوں جان کے نشانہ نہیں بنایا گیا سی سگوں اوہ '' غلط ویلے تے غلط تھاں '' ہوون دی واپری سی۔

پر اطلاعواں نیں پئی دھاڑویاں دے اک ہور جتھے نے پچھلے گیٹ نمبر تن تے وی دستی بمباں یاں مارٹراں نال دھاڑا کیتا پر ایس دھاڑے دا ظاہر وچ مقصد اندر وڑھنا نہیں سکوں سیکورٹی اداریاں دی توجہ ونڈھنا سی۔وسیلیاں موجب جی ایچ کیو وچ دھاڑے دے ویلے اک اہم اجلاس وی ہورہیا سی۔ کل وزیر اعلیٰ سرحد امیر حیدر خان ہوتی نے وی پردھان جنرل اشفاق پرویز کیانی نال ملنی کیتی سی۔

فوجی ماہر مندے نیں پئی ایہہ دھاڑا کسے عام کھاڑکو جتھے دا نہیں ہوسکدا سگوں بہت ہی سکھے ہوئے تے گجی جانکاری رکھن والے جتھے دی کاروائی ہے۔ ایس دھاڑے وچ ہن تیکر اٹھ دھاڑویاں دے رلتی ہوون دی تصدیق ہوئی ہے۔ وزیر داخلہ رحمن ملک نے ایس پاسے اشارہ کردیاں ہوئیاں کہیا پئی جیہڑی قسم دا اسلحہ تے سکھلائی اہناں دھاڑویاں دی سی اوہ مقامی نہیں ہوسکدے تے اوہناں دی کنڈھ تے غیر ملکی نیں۔ ایس بارے اوہناں دا کہنا ہے پئی اہناں کھاڑکواں نوں سارا اسلحہ افغانستان توں مل رہیا ہے جیہدے تے اوہناں نے کابل توں بھرویں کاروائی دی منگ وی کیتی سی۔

پن چھان کرن والے وسیلیاں موجب راولپنڈی دے نیڑے جیہڑے مکان نال اہناں دھاڑویاں دا سانگا ثابت ہویا ہے اوہ اوتھے دوہواں مہینیاں توں ایس دھاڑے دی منصوبہ بندی کر رہے سی۔ ماہر اہنوں لہور وچ مناواں پلس اکیڈمی تے سری لنکن کرکٹ ٹیم تے دھاڑیاں وچ رلتی کھاڑکواں ورگی کاروائی کہہ رہے نیں۔

پاکستانی پربندھی پر ایس دھاڑے نوں سکیورٹی ' بریچ '' منن توں ناں کر رہے نیں۔ اوہناں دا کہنا سی پئی ایس تفصیلی طور تے پلان کیتے گئے منصوبے نوں ایس سیکورٹی دے کارن ہی ناکام بنایا گیا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels