Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> فیچرز >> '' بڑے اوکھے دن سی ''

'' بڑے اوکھے دن سی ''

وچار ڈیسک
July 14th, 2009
مالا کنڈ وچ فوجی کاروائی دے دو مہینے پہلوں لکھاں دی گنتری وچ لوک محفوظ تھاواں ول ٹر گئے۔ پر کجھ لوک انج دے وی سی جنہاں نے خطرے نوں خیمہ وستیاں تے ترجیح دتی۔ اہناں وچ ضلع سوات دے صدر مقام مینگورہ دے فضلِ معبود وی نیں جنہاں دا سارا خاندان شہر وچ اہناں اوکھے دوہواں مہینیاں وچ موجود رہیا۔ ایس وچکار اوہناں تے کیہ بیتی ایہہ اوہناں دی زبانی۔

'' میرے ماپے تے بھین بھرا سارے ایدھر ہی رہے۔ علاقہ چھڈن والیاں دے جدوں قصے سن دے سی جیہڑے حال وچ اوہ ایتھوں گئے، اوہناںنوں گڈیاں نہیں ملیاں، پھیر زنانیاں تے بڈھیاں دے نال انج نکلنا بڑا اوکھا سی۔

شروع دے کجھ دن واہوا اوکھے لنگھے پر پھیر مگروں ہولی ہولی اسیں گج گئے سی۔ پہلوں بجلی گئی ایہدے مگروں ہولی ہولی گیس وی چلی گئی تے پھیر ٹیوب ویل وی بند ہو گئے۔ اوہ پہلے دیہاڑے بڑے اوکھے سی۔

فوج نے مینگورہ شہر ویہلا کرن لئی اُنج تے نہیں کہیا سی ۔ اوہناں دے آلے دوالے دے قمبر، چہار باغ یاں خوازہ خیلہ تے کریم آباد ورگے علاقے ویہلے کروائے سی۔ تے اسیں وچاریا پئی جدوں ویہلے نہیں کروائے جارہے تے اسیں کیوں چھڈ دئیے۔

جیہڑا سب توں بوہتا اوکھا ویلا سی اوہ اوہ دیہاڑ سی جدوں ایتھے زمرد دیاں کاناں تے لڑائی ہوئی سی۔( ایہہ کاناں اوہناں دے محلے دے نیڑے سن) ایس وچکار گن شپ ہیلی کاپٹراں نال شیلنگ وی ہوندی سی، میزائل وی فائر ہوندے سی۔ نال مارٹر وی مارے جاندے سی۔ ایہہ بڑے اوکھے دیہاڑ سی۔

ایہدے وچ نیانے وی ساڈے نال سی۔ اوہ کناں وچ انگلیاں لے لیندے سی۔ اوہ پچھدے سی پئی ایہہ آوازاں کاہدیاں نیں۔ اوہ غسل خانیاں وچ لک جاندے سی، پر مگروں اوہ وی گج گئے۔ اوہ ایتھوں تیکر گج گئے سی پئی بناء کسے خوف خطرے دے گلی وچ کھیڈن نکل جاندے سی۔ اسیں روکدے تے اوہ دسدے پئی ایہہ گن شپ نہیں سامان بردار ہیلی کاپٹر ہے۔ جیہڑے دیہاڑ ہیلی کاپٹر نہیں آوندے سی اوہ پچھدے سی پئی اوہ کتھے گئے اوہ کیہ آرام کر رہے نیں؟

پہلے دناں وچ تے گھر وچ جیہڑا کھان دا سامان سی ایسے تے گزارا کیتا۔ پھیر لوک ایہہ پہاڑ پار کر کے بونیر ول جاندے سی تے سبزیاں تے گوشت خرید لیاوندے سی۔

میرے خیال وچ۔۔۔ ساڈے تے گزرن والیاں مصیبتاں دے ذمے وار۔۔۔ دوہویں نیں۔ دوہواں نے صبر توں کم نہیں لیا۔ قصور دوہواں ( حکومت تے طالبان ) دا سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels