Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> فیچرز >> طالبانائزیشن ودھ گئی حالات ٹھیک کرن لئی پاکستان نوں چھیتی کجھ کرنا ہووے گا

طالبانائزیشن ودھ گئی حالات ٹھیک کرن لئی پاکستان نوں چھیتی کجھ کرنا ہووے گا

وچار ڈیسک
April 14th, 2009
پاکستان دے وزیر اعظم یوسف رضا گیلانی نے کہیا ہے پئی امریکہ نوں پاکستان دی اقتصادی امداد دے نال شرطاں نہیں رکھنیاں چاہی دیاں۔ ایہہ گل اوہناں نے سینیٹر جان کیری نوں اوہناں دے پاکستان دے دورے وچ ملنی وچ کہی۔ جنوبی ایشیا دے ماہراں نے ایس ڈر دا وکھالا کیتا ہے پئی پاکستان دے کول حالات ٹھیک کرن لئی ویلا تنگ ہوندا جارہیا ہے کیوں جو طالبان پنڈاں تھاواں وچ اپنیاں جڑاں مضبوط کر رہے نیں۔

کھاڑکواں نے اتوار نوں پشاور دے نیڑے دس ٹرکاں نوں اگ لا دتی۔ ایس دھاڑے وچ گولیاں دا وٹاندرا وی ہویا۔ پربندھیاں نے اسلام آباد وچ سیکورٹی پربندھ ودھا دتے نیں کیوں جو طالبان ودھ گئے نیں۔ اوباما پربندھی علاقے وچ استحکام لئی پاکستان دی اقتصادی تے فوجی امداد وچ ارباں ڈالر دے وادھے دے نال نال سفارتی کوششاں وی تیز کر رہے نیں۔

امریکہ وچ پاکستان دے سفیر حسین حقانی کہندے نیں پئی اوہ چاہندے نیں امریکہ پاکستان تے افغانستان لئی تریہہ ارب ڈالر دا پنج سالہ منصوبہ شروع کرے امریکہ نے اُنی سو پنجاہ، سٹھ تے ستر دے دھاکیاں وچ ایہہ بھل کیتی سی پئی اوہنے پاکستانی فوج دیاں خوبیاں نوں تے چنگا بنایا پر پاکستانی وسیب دی بھلیائی لئی سرمایا کاری نہیں کیتی۔''

ہن جدوں کہ اوباما پربندھیاں پاکستان توں امداد دیاں رقماں بارے بوہتی پچھ پرتیت کیتی ہے، پچھلے ہفتے امریکہ دے اُچیچے نمائندے تے پاکستان دے وزیر خارجہ شاہ محمود قریشی وچ گل بات وچ کجھ پاڑ ہویا۔ پاکستانی وزیر خارجہ نے کہیا اسیں بس ایس صورت وچ رل مل کے کم کرسکنے آں جے اسیں اک دوجے دا آدر کرئیے تے اک دوجے تے بھروسہ کرئیے۔

پاکستان نے امریکی ڈرونز نال کھاڑکواں تے میزائل دے دھاڑیاں تے کھل کے اعتراض کیتا ہے۔ ایس وچکار امریکی عہدے داراں نے پاکستان دی انٹیلی جنس سروسز بارے اپنی چنتا دا وکھالا کیتا ہے جیہڑا پچھوکڑ وچ شمال مغربی قبائلی علاقیاں وچ عسکریت پسنداں دی کنڈھ تے ہتھ رکھ رہی ہے۔

پاکستانی کھاڑکواں نے حالیں ملک دے چواں وچوں تناں صوبیاں وچ کاروائیاں کیتیاں نیں۔ کہیا ہے پئی اوہ اپنی جنگ اسلام آباد لے جاون گے۔کجھ ماہراں نے کہیا ہے پئی اوہ ایہہ حکمت عملی ہے جیہڑی طالبان افغانستان وچ ورت رہے نیں۔ پنڈاں تھاواں وچ جتھے حکومت دی عملداری نہیں ہے طالبان ایس خلا نوں پورا کردے نیں۔

واشنگٹن وچ اٹلانٹک کونسل دے جنوبی ایشیا دے ڈائریکٹر شجاع نواز کہندے نیں پئی مقامی پربندھیاں دے کول اینے وسیلے نہیں ہین پئی اوہ مقامی آبادی دیاں لوڑاں نوں پورا کر سکے۔ ایسے کارن طالبان نوں اپنیاں کاروائیاں کرن دا موقع مل جاندا ہے۔''واشنگٹن وچ
Heritage foundation دی Lisa curtis کہندیاں نیں پئی واشنگٹن تے اسلام آباد نوں چھیتی ہی رل کے کاروائی کرنی چاہی دی ہے '' سانوں انج دی کاروائی وچ کویل نہیں کرنی چاہی دی نہیں تاں ملک وچ عدم استحکام ودھدا جاوے گا تے حالات عملی طور تے وسوں باہر ہو جاون گے۔

شجاع نواز کہندے نیں پئی ایہہ سوچنا غلط ہے میں نہیں سمجھدا پئی انج دی کوئی دوڑ لگی ہوئی ہے تہانوں چھ مہینے وچ ایس پورے معاملے نوں طے کرنا ضروری ہے۔ تے جے تسی انج نہ کیتا تے طالبان جت جاون گے۔'

کھاڑکواں دے خطرے نال نبڑن لئی اہناں دناں وچ پاکستانی تے امریکی عہدے داراں نے دوہواں ملکاں دے وچکار اعتماد دی لوڑ تے زور دتا ہے۔
Lisa Curtis کہندیاں نیں پئی باغیاں نال جنگ وچ حصے دار بنن لئی اسلام آباد نوں اپنی قومی وچار بدلنی پوے گی۔ میں سمجھنی آں ایہہ گل امریکی عہدے دار دے ذہن وچ ہے۔

اول تے ایہہ پئی اسیں پاکستانیاں دی سوچ انج بدل سکنے آں پئی اوہ ہندوستان نوں نہیں سگوں ات واد نوں اپنے وجود لئی خطرہ سمجھ سکدے نیں پئی اوہ ہندوستان نوں نہیں سگوں ات واد نوں اپنے وجود لئی خطرہ سمجھن لگن۔دوجا ایہہ کہ جے اسیں انج کرسکنے آں تے ایس کم وچ کنا ویلا لگے گا''۔ تجزیہ کار کہندے نیں پئی ایہہ گل ظاہر ہے پاکستان چاہندا ہے بین الاقوامی برادری نوں ایس علاقے توں ات واد دا جیہڑا خطرہ ہے اہنوں مکاون لئی امریکہ پاکستان دی اقتصادی ترقی لئی واہوا چر تیکر امداد دیون دا پکا ارادہ کرے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels