Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> فیچرز >> رحمان بابا دے مزار تے دھماکہ نندن جوگ کم ہے: باچا خان مرکز پشاور

رحمان بابا دے مزار تے دھماکہ نندن جوگ کم ہے: باچا خان مرکز پشاور

وچار ڈیسک
March 5th, 2009

رحمان بابا دے مزار تے دھماکہ نندن جوگ کم ہے
باچا خان مرکز پشاور وچ ہوئے اکٹھ دی قرارداد ۔

پشاور باچا خان ریسرچ سینٹر وچ رحمان بابا دے مزار تے کل ہونے والے دھماکے دے حوالے نال ایک نکھیدی اکٹھ ہویا۔ اجلاس دی پردھانگی ریسرچ سینٹر دے ڈائریکٹر ڈاکٹر فضل رحیم مروت نے کیتی۔

اکٹھ وچ پختون صوفی شاعر عبدالرحمان بابا دے مزار تے ہون والے بم دھماکے تے ہرکھ وکھالا کیتا گیا تے ایہنوں اک ڈونگھی سازش متھیا گیا۔ ایس موقعے تے اک قرارداد پاس کیتی گئی جیہدے وچ آکھیا گیا پئی پختون وسیب، تاریخ اتے پچھوکڑ نوں جس بے دردی نال نشانہ بنایا جا رہیا ہے اوہنوں جنا وی نندیا جاوے گھٹ ہے۔ قرارداد وچ آکھیا گیا ہے پئی ایہہ کم بڑا مارُو ہے ۔ جیہڑا ملک کے دوجے حصیاں تیکر وی پُج سکدا ہے۔ جیہدے نتیجے وچ علاقے وچ وسدیاں دوجیاں قوماں دے وڈھکیاں دے مزار اتے مقبرے وی نشانہ بن سکدے ہیں۔

اکٹھ وچ ڈاکٹر فضل رحیم توں اڈ جیہناں بندیاں رلت کیتی اوہناں وچ مشہور شاعر اتے پختون میگزین دے چیف ایڈیٹر رحمت شاہ سائل، پبلی کیشن سیل دے مشتاق مجروح یوسفزئی، امجد شہزاد، عبداللہ وردک، میڈیا سیل دے فضل رحمان زاہد، باچا خان مرکز دے دفتر سیکرٹری قاضی حضور اللہ اتے ڈاکٹر زبیر حسرت رلتی ہین۔

ولوں
میڈیا سیل
باچا خان مرکز پشاور


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels