Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> فیچرز >> جو بائیڈن دی حیاتی تے اک جھات

جو بائیڈن دی حیاتی تے اک جھات

وچار ڈیسک
January 18th, 2009
خارجہ معاملیاں وچ اک وڈا ناں جو بائیڈن امریکا دے اگلے نائب صدر ہوون گے۔ 66 ورھیاں دے جو بائیڈن نے 35 ورھے تیکر امریکی سینیٹ وچ ریاست ڈیلاویر دی اگوائی کیتی ہے۔ ملک دے دوجے وڈے عہدے تیکر اپڑن لئی تیاری کردیاں حالیں سینیٹ توں استعفیٰ دتا ہے۔

استعفیٰ دین توں پہلاں تیکر اوہ خارجہ سانگیاں دی کمیٹی دے چیئرمین سن تے نائب صدر دے عہدے تے خارجہ پالیسی دے بھرویں تجربے نال جا رہے ہین۔ سینیٹ وچ اوہ عدلیہ دی اوس کمیٹی وچ رلتی سن جیہڑی سپریم کورٹ دیاں تقرریاں لئی ووٹ پاؤندی ہے۔

جو بائیڈن نے جمعرات دی دیہاڑے سینیٹ نوں چھڈیا ہے۔ اوہ عراق اتے ات واد دے خلاف جنگ سنے بش سرکار دیاں خارجہ پالیسیاں دی بھرویں نکھیدی کردے رہے ہین۔

بائیڈن ریاست پینسلوینیا وچ اک رومن کیتھولک صنعتی مزدور دے گھر جمے۔ اوہ دو واری ملک دی پردھانی دا جتن وی کر چکے ہین۔ 1988ء دی چوناں مہم وچ اوہ ایس الزام توں مگروں پارٹی دی نامزدگی لین دی مہم توں وکھ ہو گئے سن پئی اوہناں نے اپنی کسے تقریر وچ برطانوی پارلیمنٹ دے کسے ممبر دی تقریر نوں ورتیا سی۔ 2008ء دی چوناں مہم وچ اوہناں نے اپنے اوس ویلے دے مقابلے دے امیدوار باراک اوبامہ بارے آکھیا سی پئی اوہناں دے خیال وچ اوہ وائٹ ہاؤس جان لئی تیار نہیں ہین۔ اوہ 2008ء وچ مڈھلے مقابلے وچ بھیڑی ہار مگروں مقابلہ چھڈ گئے سن۔

بائیڈن دی حیاتی جتھے کامیابیاں نال بھری ہوئی ہے اوتھے ای اوہنوں بڑے دکھ وی جھلنے پئے ہین۔ 29 ورھیاں دی عمرے پہلی واری سینیٹ دا ممبر بنن توں تھوڑا چر مگروں ای 1972ء وچ اوہناں دی بیوی تے اک دھی کار ایکسیڈنٹ وچ ماریاں گئیاں سن۔ ایس واپری وچ اوہناں دے دو پُتر وی بھیڑے پھٹڑ ہوئے سن پر مرنوں بچ گئے سن۔

ایس واپری دے کجھ ورھے مگروں بائیڈن نے دوجا ویاہ کروا لیا سی۔ ہن بائیڈن تے اوہناں دی دوجی زنانی جِل دی اک دھی ہے۔

Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels