Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> دیس دیس دیاں کہانیاں >> اکبر کہانیاں >> اکبر کہانی :ٹیڈھیاں کھوپڑیاں

اکبر کہانی :ٹیڈھیاں کھوپڑیاں

اکبر لہوری
March 11th, 2008

ٹیڈ ھیاں کھو پڑیاں
بت گھاڑے نے ورھیاں بدھی سوچ تے مہینیاں دی محنت لا کے ترے بت گھڑے تے تناں لئی وکھو وکھ کم۔پہلا بت اک اجیہا جنا سی جیہد ا قد سرو دے بوتے ہار سدھا، یک قلعے دی باہی وانگوں چوڑی ، دینی ساہن وانگوں موٹیری تے پنجا شیر ور گا بھارا۔ اکھاں بھندے انگیار ے۔ جوان دی پجوانی دی جھال نہ جھلی جاوے تے دوروں ویکھ کے دہشت بھندے انگیارے۔ جوان دی جوانی دی جگال نہ جھلی جاوے تے دوروں ویکھ کے دہشت پئی آوے۔۔۔۔ گھاڑے نے ایہہ بت اپنی ہٹی دے مونہہ وچ بڑے میٹھے تے دل موہ لین والے بول پائے تاں جے ایہنوں کھلوتیاں ویکھ کے کوئی آون والا دوروں ای ڈر کے نس نہ جاوے بو ہے تے کھلھار کے اوس بے دی پرکھ کیتی۔ گھاڑا باہر دے پاسیوں ہٹی وچ وڑیا تے بت نے اڈیاں جوڑ کے سلام کیتا۔ اڈیاں جور کے سلام کردیاں بت دے جسے دی آن بان اجاگر ہو گئی تے سلامی لین والے نوں وی سلامی دا سواد آگیا۔ نال ای بت دے مونہوں ایہہ بول ڈاڈھے چج تے مٹھے سبھا نال نکلے "جیو آیاں نوں جی ! ایہہ چن کد ھروں چڑھیا اے۔ حکم دیو تاں جے پورا کر یے۔ " گھاڑے دی جاچ وچ بت نے اوہدی محنت دا پورا پورا لیکھا تار دتا سی تے گھاڑا اپنے کر تب تے ڈاڈھا راضی سی۔ اوہنے سجرے بنے ہوئے بت نوں ہیٹوں باہر واؤ لے سکن لئی پا دتا۔
دو جا بت وچکار لے جسے دا بابو سی۔ بابواں والا مونہہ مہاندرا تے بابوواں والی پو شاک۔ کوٹ پتلون، گٹ گھڑی تے بوٹ۔ سر دے والاں نوں پٹھی کنگھی واہ کے پشانہہ کیتا ہویا تے اک بنے ونگا چیر۔ چال وچ پھرتی تے اکھاں وچ سوچ سمجھ دی لشک ۔ گل گل تے جو حکم سرکار آکھے تے مالک دے امر نوں اپنا دین ایمان جانے تے مالک جے کدی جھاڑ پونجھ کر دے تے اگوں نہ کوئی اتر دے، نہ کوئی غصہ گلہ کرے۔ نمھا نمھا مسکا ندا رہوے۔ بت گھاڑے نے اوہدی وی چوکھی پرکھ کیتی تے اورک اوہنوں وی سکن لئی واؤ پادتا۔
تیجا بت جیہڑا گھاڑے نے گھڑیا اوہ انج جاپدا سی جے دوجے دونہاں بت ورگی سی، جیہدا مونہہ مہاندرا بابواں وانگوں سی۔ ایس بت نوں گھڑن دا کارن ایہہ سی پئی بت کھاڑے مونہہ مہاندرا بابواں وانگوں سی۔ ایس بت نوں گھڑن دا کارن ایہہ سی پئی بت گھاڑے دی ہٹی دا سارا کاروبار چلاوے۔ جتھے کوئی گھا تے دا ونج ہوندا د سے اوتھے اپر کے کم ٹھیک کردے۔ اوہدے ہندیاں بت گھاڑے نوں اپنی ہٹی دے کاروبار وچ بہتی چتنا کرن دی لوڑ نہیں سی۔ اوہدی بول کلام پہلے دو نہاں بتاں مال رلدی ملدی سی۔ کدی پہریدار وانگوں کھروی تے کدی بابوواں وانگوں نرم تے مہین۔ جنا چر ایہہ بت کم کاج وچ لگا جہندا انج جاپدا سی جیویں ہر کم سوتر وچ ہو رہیا اے تے کوئی گل کسوتر ہندی نہیں جاپدی ۔لوڑ وندی ، پچھ پر تیت تے پن جھان پچھوں بت گھاڑے نے ایس تیجے بت نوں وی سکن لئی باہر پا دتا۔
گھر دی بھانویں باد شاہ دی ہووے تے بھانویں فقیر دی اوہ اپنے گھر دے کم وچ تکھنی دتیاں بنا نہیں رہ سکدی۔ اوہ چپ جاپ بنے نکلی تے سکنے پئے بتاںنوں اتھل پتھل کر گئی۔
بت سکے تے بت گھاڑا اوہناں نوں تھاؤ ں تھائیں کم لان لئی آیا۔ اوس پہریدار نوں بوہیوں باہر کھلھا ر دتا تے جدوں اوہدے کولوں دی لنگھ کے اندر آون لگا تے " جیو آیاں" دی تھاں بت نے دونویں پیر زور نال زمین تے مار کے آکھیا "دو دو دفع ہو جا، کون ایں توں۔ "بت گھاڑا ڈر کے اندر جا وڑیا تے بابو نے "جو حکم سرکار" دی تھاں کڑک کے آکھیا "کیہڑا ایں اوئے توں؟ نکل جا ایتھوں۔ ایس گھردا مالک میں واں۔"
بت گھاڑے امداد لئی تیجے بت ول ویکھیا تے اوہدے وچوں اک اواز آئی "توں مرجا تے ایہہ ٹکانا خالی کر جا، تیرا ایتھے کوئی کم نہیں۔ "
بت گھاڑا ہٹی دے رو شندان دیاں سیخاں پت کے پچھواڑیوں باہر کدیا تے سدھا پیر استاد دے ڈیرے اپڑیا۔ ہفیا ہویا پیر استاد دے پیریں جا ڈگا تے رو رو کے آکھن لگا " جدوں سکن لئی باہر پائے سن اودوں دے تریوے بت چنگے بھلے سن۔ سوادھان تے میرے ہر حکم تے قربان۔ پتہ نہیں ایہہ پل جھل وچ کیہ ہو گیا اے۔ "
استاد آکھیا " قسمت
دیا ولیا! ردھی کھیر تے ہو گیا دلیا۔ میرے کولوں پچھنا ایں۔ جے جان لوریندی او، جتھوں آیا ایں اوتھے ای تر جا تے ہن اودھر مونہہ نہ کریں۔ "
بت گھاڑے پچھیا "مینوں نکرمے نوں ایہہ تاں دسو میرے چنگیان بھلیاں بتاں نوں ایہہ کیہ وگ گئی؟" استاد آکھیا۔ " ہور تے کجھ نہیں ہویا ذرا ایہناں دیاں کھوپڑیاں ٹیڈھیاں ہو گئیاں نیں تے جدوں کھوپڑیاں تیڈھیاں ہو جان تے ایس روگ دا دارو نہیں ہو سکدا تے گل سدھی مغز تیک نہیں اپڑ دی۔ "


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels