Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کتاباں >> فوزی القاوقجی۔اک عرب جیہڑا بنیاد پرست یہودیاں اتے برٹش تے فرنچ نال لڑیا

فوزی القاوقجی۔اک عرب جیہڑا بنیاد پرست یہودیاں اتے برٹش تے فرنچ نال لڑیا

وچار ڈیسک
December 23rd, 2017

اوہ سلطنت عثمانیہ دا جرنیل سی اتے عرب قوم پرستیاں دا اوہ حوالہ جیہڑا لمیرے چر تیک باہرلیاں نال لڑیندا رہیا۔19جنوری1890وچ شمالی لبنان دے مشہور شہر طرابلس(ٹریپولی) جمے ایس لیڈر دا ذکر وادھو کہ امریکہ دی Yaleیونیورسٹی توں پڑھی اتے کنیڈا دی McGill یونیورسٹی وچ تریخ پڑھاندی لیلی پارسنز ہوراں ایس بندے دی حیاتی بارے کتاب وی لکھی ہے۔لیلی ایس توں پہلاں دروزاں بارے وی کتاب لکھ چکی ہے اتے20ویں صدی دے وچ مڈل ایسٹ نال کیہہ ہویا اوس بارے جھات پاندی رہندی ہے۔مشہور عرب میڈیا مڈل ایسٹ آئی ڈاٹ نیٹ والیاں ایس کتاب دے حوالے نال ایس بی بی دا انٹرویو چھاپیا ہے جس دا لنک تھلے دے رہے ہاں۔
فوزی ہوری ترکمان خاندان وچ جمے سن اتے عرباں وچ مشہور ہوئے اتے بہوں سارے عرب انقلاباں وچ کم کیتا۔عثمانی پادشاہتاں مکن بعدوں اوس شام تے فرانسیسی قبضیاں خلاف لڑائیاں وچ رلت کیتی اتے فیر حجاز ٹر گیا پر اوس نوں کنگ عبدالعزیز وی برٹش دے تھلے لگیا جاپیا۔1930دے دہاکے وچ اوہ فلسطینیاں لئی لڑدا رہیا اتے ڈیفنس آف فلسطین نامی عراقی جتھے بندی نال ہو گیا اتے پروشلم نوں آزاد رکھن دی جدوجہد دا حصہ رہیا۔عراق وچ وی اوہ انگریزاں دے قبضیاں خلاف لڑدا رہیا۔دوناں وڈیا ں لاماں وچ اوہ جرمناں نال سی کہ اوس نوں1916 دے اوس پلان دی پوری خبر سی جس پاروں مڈل ایسٹ نوں بہوں سارے ملکاں وچ ونڈن دے فیصلے ہوئے سن۔اوہ برطانیہ تے فرانس دی اوس ڈیل دے خلاف سی جس پاروں مڈل ایسٹ ونڈیا جارہیا سی۔سبھاش چندر بوس وانگ اوس نوں جرمناں نال بہوں سارے اختلاف وی سن پر اوہ اپنی دھرتی نوں ونڈ توں بچانا چاہندا سی۔1945وچ اوس نوں روسیاں گرفتار کیتا تے دو سال تیک قید وچ رکھیا۔فروری1947وچ اوس نوں رہائیاں ملیاں تے اوہ فرانس توں ہوندا ہویا مصر اپڑ گیا۔اسرائیل بنن جا رہیا سی کہ ہشیار فرانسیسیاں تے برطانویاں اپنا پلان نویں آقا امریکہ نوں ویچ دتا سی۔اوہ مڑ فلسطینیاں ولوں اسرائیل خلاف جت گیا اتے اوس نوں پتہ چل گیا پئی اسرائیل بناون وچ امریکہ نال لڑن والا روس وی رلتی ہے۔وڈے ملکاں دی نظراں نرے عرباں دے تیل تے نہیں سن سگوں اوس پردھان سمندری رستے تے سن جیہڑا نہر سویز راہیں سمندری تجارتاں نوں ودھاندا سی۔اسرائیل نال جنگ بعدوں اوہ1977تیک زندہ رہیا اتے دمشق ، بیروت تے طرابلس وچ کم کردا رہیا۔
لیلی ہوراں اپنے انٹرویو وچ آکھیا ہے پئی اوہ ایس کتاب نوں لکھدے ہوئے انگریزاں دے حوالے نہیں سگوں عرب حوالے ورتے نیں۔اج جو کجھ مڈل ایسٹ وچ ہو رہیا ہے اوہ اسلام تے مسلماناں خلاف نہیں سگوں تیل اتے سمندری تجارتاں اوتے کنٹرول دی لڑائیاں نیں کہ جس بارے ساڈے ایتھے گل گھٹ ہوندی ہے۔
آرٹیکل ایتھے پڑھو
http://www.middleeasteye.net/news/interview-fawzi-al-qawuqji-commander-laila-parsons-life-arab-fighter-1363633262
کتاب بارے ایتھے کلک کرو
http://www.saqibooks.com/book/commander/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels