Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کتاباں >> نین سکھ دی نویں کتاب مارکیٹ وچ

نین سکھ دی نویں کتاب مارکیٹ وچ

وچار ڈیسک
November 20th, 2017

چھ پنجابیاں بارے کہانیاں داٹائٹل ’’آئی پرے دی ہوا‘‘ اتے ایس دے لکھاری ڈاھاں ایوارڈ جتو لکھاری خالد محمود ایڈوکیٹ نیں جیہڑے نین سکھ دے ناں توں لکھدے نیں۔چھ کہانیاں دی ایہہ کتاب نین سکھ دی چھویں کتاب ہے تے ایس چھکے تے وچار انہاں نوں ودھائیاں دیندا ہے۔ کتاب مارکیٹ وچ ہے اتے ایس دے ڈسٹری بیوٹر ریڈنگز، لہور ہے جنہاں دا ایڈریس تے لنک اخیر وچ دتا جارہیا ہے۔کتاب نوں کوئی وی آن لائن وی مگوا سکدا ہے۔ کتاب دے بیک ٹائٹل تے لکھت نوں تساں پڑھو اتے کتاب بارے جانو۔
مُڈھ قدیم توں لے کے اج تائیں لکھاں کروڑاں جی جمّے، جیوے تے اوڑک موئے جیہناں چوں گِنتی دے بُت انسانی چیتے وچ اَمر ہوئے۔ حاکم ٹابری راجیاں، سُورمیاں تے عاشقاں بارے اپنی مرضی دے قِصّے لکھوائے۔ ہُن پِچھلے تِن سو سالاں توں دُنیا وطنی ریاستاں وچ ونڈی جاچکی جیہدے وچ دھرمی ادھرمی جَتھے بندِیاں ایس کم نوں اپنے سیاسی تے مالی لوبھ پاروں ہور اَگے ودھایا۔ تے اج مطلب دِیاں توارِیخاں دا بھنڈار ساڈے ساہمنے کیوں جے حالے لوکائی دی نِرپکھ وار اوہدی اپنی بولی وچ کسے پورے طور چھیڑی نہیں۔ بادشاہِیاں توں وطنی ریاستاں تِیک پیپلز ہِسٹری تے لوک ادب دی گل کراہے پئی رہی۔ خورے نَین سُکھ ایہو سوچ کے چھ اجیہے جِیاں بارے کہانیاں لِکھیاں نیں جیہڑے لوکائی دا لشکارا۔ جیہناں وچ مسافری تے دیس نکالا بھوگن والے کامریڈ دادا امیر حیدر تے مولانا عبیداللہ سندھی، چُوڑھیاں تے مُصلّیِاں وچ جوت جتن کرن والے پادری آئی ڈی شہباز تے آغا خاں سہوترا، اتے دو کجاک سوانِیاں جیہناں چوں عالیہ بیگم، ایکٹرس تے نسرین انجم بھٹی، شاعرہ۔ ایہناں کہانیاں دے سارے آہری مُکھ پاتر نمانے پر آہرے جی۔ لکھاری ایہناں کُھردِیاں بُھردِیاں ’ٹھیکرِیاں‘ نال اوس ویلے دی سیاسی سماجی ’اُتھل پتھل‘ نوں کہانیاں وچ کیویں اُجاگر کیتا اتے ککر تے انگور کنج چڑھایا، ایہہ تُساں آپ جانو۔
A link about the book with some extracts
https://punjabpunch.blogspot.com/2017/11/lok-lhar-nain-sukh-new-book-short.html
کتاب منگوان دا لنک
http://www.readings.com.pk


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels