Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کتاباں >> سرخ سیاست: عبدالروف ملک دی ہڈ بیتی چھپ گئی

سرخ سیاست: عبدالروف ملک دی ہڈ بیتی چھپ گئی

وچار ڈیسک
May 28th, 2017

پیپلز پبلشنگ ہاوس دے پردھان، کیمونسٹ پارٹی آف ویسٹ پاکستان دے ممبر، سنئیر ترقی پسند عبدالروف ملک اکتوبر1926وچ لہور دے ککے ذئیاں گھر اندرون شہر دے تواریخی محلہ چابکسواراں جمے اتے اج انہاں دی عمر90سال توں ودھ ہے۔اپنے والد دے یار فصل الہی قربان تے اپنے وڈے بھرا عبداللہ ملک پاروں چڑھدی جوانی وچ کیمونسٹاں نال جڑے تے پارٹی دے فیصلے پاروں مسلم لیگ تے ایم ایس ایف وچ کیتے کم توں اپنی کہانی کھول کے سامنے رکھ دتی ہے۔کتاب دا ناں ہے’’سرخ سیاست:کتاب زیست کے چند کٹے پھٹے اوراق‘‘ اتے ایہہ لہور دے جمہوری پبلیکیشنز نے روسی انقلاب دی 100ویں سالگرہ دے سرناویں نال جھاپی ہے۔پبلشر دا لنک تھلے دے رہے ہاں کہ تسی آپ ایس دا آڈر کر سکدے ہو۔ وچار ایس کتاب دے ٹوٹے چھاپے گا۔کتاب دے 5 حصے تے13ضمیمے نیں اتے اعشاریہ وادھو۔اج تے ہر کوئی چین دا ماما بندا ہے پر ملک ہوراں اک اجہے پمفلٹ دا ذکر کیتا جیہڑا پارٹی دے حکم توں انہاں چینی انقلاب توں کجھ مہینے پہلاں چھاپیا تے سرکار پاکستان تے اوس تے پابندی لا دتی سی کیونجے نوآبادیاتی ملازم بیوروکریسی سرخ چین نوں برداشت کرن لئی تیار نہیں سی۔کیمونسٹ پارٹی آف انڈیا کیوں تحریک پاکستان دا ساتھ دتا؟صدر کانگرس پنجاب میاں افتخارالدین تے ممبر ورکنگ کمیٹی کانگرس راجہ جی راج گوپال اچاریہ ’’ہندوستان چھڈو‘‘لہر توں پہلاں کانگرس نوں کیوں ’’مسلم اکثریتی صوبیاں‘‘ دی حمائیتاں تے قائل نہ کر سکے؟ادھیکاری تھیسس مگر کون کون سی؟کیمونسٹ پارٹی کیوں کابینہ مشن منصوبہ دی حمائیتاں کیتیاں؟پاکستان دے شروع دے سالاں وچ کون کون ترقی پسنداں دے خلاف سی تے بعد وچ لبرل، سیکولر بن گیا؟لہور وچ 1949نومبر نوں ہون والی پہلی ترقی پسند مصنفین دی کانفرنس دے وادھیاں، گھاٹیاں تے حمائیتیاں تے مخالفاں دا احوال، پنڈی سازش کیس،احمد راہی،امرتاپریتم دی پنجابی کتاباں دی چھپائی،پاکستان کیمونسٹ پارٹی دے ہیڈ کواٹر(مرکزی دفتر)114میکلورڈ روڈ دی کہانی تے پارٹی اوتے لگن والی پابندی دا قصہ سب کتاب وچ کہ نال نال بہوں سارے ضمیمے وی۔اک ایسی صورتحال وچ جداں آرکائیول ریکارڈ نہ ہوئے اوس وچ اجہی کتاباں ترقی پسند سیاست نوں جانن دا وڈا گھما۔
For orders and other details click here. Book Price is Rs 950
http://jumhooripublications.com/contact


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels