Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کتاباں >> اشفاق سلیم مرزا دی نویں کتاب(نویاں کتاباں بارے انفارمیشن)

اشفاق سلیم مرزا دی نویں کتاب(نویاں کتاباں بارے انفارمیشن)

وچار ڈیسک
March 13th, 2017

کھبے دے دانشوراں اپنی لکھتاں را ہیں بہوں اثر پایا ہے اتے ادب، شاعری، تواریخ بارے انہاں لکھتاں نے نویں پرانی بحثاں نوں وی اگے ودھایا ہے۔ انہاں لکھتاں تے بھر نویں گل ہونی چاہیدی ہے کہ ایہہ گھاٹا اج کجھ زیادہ ہی ہے۔ اشفاق سلیم مرزا انہاں لکھاریاں وچ رلتی نیں جہناں عملی سیاستاں وچ رلت کیتی اتے کھوجی کم وی کیتے اتے شاعری وی۔ انہاں دی ویں کتاب ’’مقالات تاریخ و فلسفہ‘‘ فکشن ہاؤس چھاپی ہے اتے ایس وچ انہاں دے کجھ پرانے تے کجھ نویں آرٹیکل رلتی نیں۔ انہاں وچ مرزا ہوراں بنیادی مسلیاں تے بحثاں کیتیاں نیں اتے جے تسان وی انہاں کھتان بارے گل کرنا چاہندے ہو تاں وچار تہاڈے لئی حاضر جے۔مرزا ہوراں ایس کتاب وچ قوم پرستی، نوآ بادیاتی بندوبست، ترقی پسند لہر دے وادھے تے گھاٹے، پاکستان وچ جمہوری سوال تے جمہوری تحریک، آرکائیولوجی، آئین تے فلسفہ بارے بحثاں کیتیاں نیں۔ اک مضمون چین بارے وی ہے اتے مرزاہوری پرانے چینی نیں پر انہاں دا ایہہ مضمون چین وچ تہذیب دے ارتقاء بارے ہے۔ اج دے چین نوں سمجھن لئی قدیمی چینی تہذیباں نوں جانناں لوڑی دا ہے۔ اخیری باب ہیگل دے فلسفہ بارے ہے اتے ایس دے ترے حصّے نیں۔ مرزا ہوراں کتاب دے دیباچے وچ ہی اپنے آپ نوں عالم دی تھاں طالب علم آکھ کے نویں گنجائشاں دے بوہے کھلے رکھے نیں۔ ایہو مرزا صاحب دا وادھا ہے پئی اوہ کجھ سینئر تریخ دا ناں تے سیاسی دانشوراں وانگ اپنے آپ نوں ’’عقل کل‘‘ نہیں سمجھدے۔ 266 صفیحاں دی کتاب دی قیمت 500 روپے رکھی گئی ہے پر تسی فکشن ہاؤس 68، مزنگ روڈ، لہور (فون 042-36307550) توں ایہہ کتاب سستی وی حاصل کرسکدے ہو۔ انہاں دا ای میل fictionhouse2004@hotmail.com ہے۔کتاباں بارے انفارمیشن اک نویں انداز وچ شروع کر رہے ہاں تے کتاباں بارے تبصرے وی چھاپاگے۔ تسی ایس ای میل تے رابطہ کروaamirriaz1966@gmail.com


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels