Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کتاباں >> سیانیا کِس لئی بندا ایتھے پھُلاّں نیڑے ہوئے

سیانیا کِس لئی بندا ایتھے پھُلاّں نیڑے ہوئے

افضل احسن رندھاوا
October 1st, 2014

سیانیا کِس لئی بندا ایتھے پھُلاّں نیڑے ہوئے
اِک اِک پھُل نے دو دو گُلچیں ہین سہیڑے ہوئے

عقل نے ڈَکیا، عشق نے ہس کے اگ چ ماری چھال
صِدق دے اُتے عقل تے عشق دے آن نبیڑے ہوئے

امن امان تے اُس دِن ہوسی، جِس دن ایہہ رُک جاسی
چل دی ہوئی ساہ دے جِندے! سے سو جھیڑے ہوئے

اوہنے تے بس اِس گنتی وچ چھڈی روڑھ حیاتی
آٹا گھُنیا کِنّا؟ اوہدے کِنّے پیڑے ہوئے

ہیر جے کِدرے مِل جاندی تے ایہہ تے اوہنوں پُچھدا
کیہو جیہی گھڑی سی، جس وچ ماپے کھِیڑے ہوئے

اگ دا اِک چنگیاڑا، پِنڈ نوں لُوہن لئی کافی اے
پھُوکاں مارن والی دِھر جے نیڑے تیڑے ہوئے

کِنّے لگے پار تے کِنّے ڈُبے ادھ وچکار
ایہہ دریا دا کم نہیں گِننا، کِنّے بیڑے ہوئے

کیہڑا، کِنّا پانی دھو سکے گا افضل احسن
جُسّے دنیا داری وِچ جو اساں لبیڑے ہوئے
ا


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels