Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کتاباں >> گھس مَسا

گھس مَسا

غلام فرید شوکت
September 29th, 2014

راجہ کوی راج،اوہندا وزیر رام داس تے نوکرچاکر جنگل وچ شکار کھیڈ کے پچھانہہ مُٹرے تاں ویکھیاکہ شہر دے پواہے ہک چھپڑ وچ بیٹھا سنڈھاکنڈھے دے نا ل رکھی پتھر دی سِیل نال اپنا سنگھ گُھساندا،پھراوہ اپنے سر نوں کجھ چِیر پانی وچ رکھ کے ٹک جاندا تے سنگھ نوں پتھر دی سل نال رگڑدا ایسے طرح مُٹر مُٹر کردا راجے کویراج نے ر ام داس کولوں پُچھیا کہ سنڈھا اوہ حرکت کیوں کرداہائی، رام داس بہوں سیانا وزیر تے کویراج دا پتر یرہائی، رام داس نے جدوں نجھا کے سنڈھے دی حرکت نوں جانچیا تاں بولیا، ’’راجہ جی سنڈھے دے سنگھ وچ کیڑے پئے ہوئے نیں جہندی وجوں سنگھ نوں پتھر دی سِیل نال گھساندا اے تے جدوں اپناسر پانی وچ ڈبوندا اے تاں کجھ چر لئی کیڑے اوہنوں تنگ نہیں کردے ،مُڑ جدوں سر نوں پانی چوں باہرکڈھ دا اے تا ں کیڑے اوہنوں تنگ کردے نیں تاں اپنا سر پتھر نال گھساون لگ پیندااے‘‘
رام داس کجھ نہ کجھ شاعری وی کرداہائی۔ اوہنے سنڈھے ول رُخ کرکے آکھیا:
’’گھَس سَا گھَس سَا
پتھرنال توں سنگھ گھسا
کیوں توں سیروچ پانی پاوے
اس بات نوں ہم بھی جانے‘‘
راجہ کویراج نوں ایہہ بیت بہوں چنگے لگے تے مُڑ مُڑ ایہو بیت آکھن لگ پیا تے رام داس نوں ہدایت کیتی کہ سنڈھے نوں چھپڑچوں کڈھ کے جناوراں دے شاہی شفا خانے وچ دارُو در مل کرایا جاوے۔ کویراج دُوجے تیجے دہاڑے شفاخانے وچ جاکے سنڈھے بارے پچھ دس کر دا رہندا تے اوہنوں ویکھ کے اوہو بہت چسکے لے کے بولدا تے ہسدا رہندا۔
نتھانائی نِت سویرے سویرے راجہ کویراج دے محل اچ جاکے اوہندی حجامت کرن لئی جاندا ۔ہک دیہنہ اوہ محل اچ اپڑیا۔ کویراج حجامت واسطے اوہندے سامنے منجے اُتے بہہ گیا۔ نتھے نے وچھانی وچوں اپنے ہتھیار کڈھے۔ کولی وچ پانی پایا تے استر ے نوں پتھر دی وٹی اُتے رگڑن لگ پیا۔ جدوں کولی وچوں کجھ پانی لے کے وٹی اُتے پایا تے اُسترا رگڑیا تاں کویراج اُوہنے بوہت بولن لگ پیاتاں ابا گت نتھا نائی راجے دے پیریں ڈگ پیا تے ہتھ جوڑ کے رو رو کے معافیاں منگن لگ پیا۔ کویراج نتھے دے ترلے منتاں ویکھ کے پریشان جیہا ہوگیا، تے پچھیا کہ اوہ کہڑی گل دی وجوں معافیاں منگن لگ پیا اے ؟
نتھے نے دُسکاریاں نال روندیاں ہوئیاں آکھیا:
’’میں لالچ دی وجوں رام داس دے جھاسے اچ آگیاہاں اوہنے مینوں ڈھیر ساری چٹی دے کے اکھیا اے کہ حجامت کرن ویلے میں تیر ی شہ رگ کٹ دیواں تے اوہ مینوں تیرے قتل وچوں وی بچا لوے گا ۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels