Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کتاباں >> وگے کھوہ سیاست والا

وگے کھوہ سیاست والا

خالد حسین تھتھال
September 24th, 2014

بتیاں بجھدیاں بلدیاں رہندیاں
اندر انھیر تے باہر وی انھیرا
جھکھڑ جھلن نہیریاں وگن
دھوڑو دھوڑ پڑانا
اٹی جاون اکھاں تےکن
تاں جے کوئی وی دیکھ نہ سکے
سن نہ سکے
پردے پچھے جو کجھ ہوندا
پر۔۔۔۔۔ کاہدا پردہ
کس تھیں اوہلا
خالی ماہل گِڑے
اولو آڈاں سک مسکے
کتے دی بس تک تک تک تک
توں وی سن تے میں وی سنناں
جد کوئی ساہن اک دوجے ساہن نوں
ڈھول جھمکڑی دے وچ سٹدا
اچی اچی باں باں ہوندی
یا فیر جد ایہناں دیاں لتاں
کھوہ دے اندر لمکن لگدیاں
فیر ایہہ لمیاں لمیاں جیبھاں
کڈھ کے شوکن
یا فیر جد کوئی کھلا کھلوتا
کھوہ دے وچ ڈگ پیندا
تے فیر سنہیاں وٹے رسے لے کے
اپڑ پیندے
تے کنڈھیاں اتے کھلی لوکائی
سکے مونہاں پپڑی جمی
سکھن مسکھنیاں جھولیاں لے کے
انج ای کھڑی اڈیکے

( ماں بولی اپریل ۱۹۹۵ )


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels