Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> دیس دیس دیاں کہانیاں >> امر جلیل >> "بندش"

"بندش"

امر جلیل
December 20th, 2006

''سندھو''
''جی
''م
ینوں حکم ہویا اے کہ تیرے بارے وچ نہ سوچاں، نہ گل کراں ، تے نہ ای تیرے لئی لکھاں۔''
''فیر کیہ سوچیا تُسیں؟''
''ایہہ سوچناں کہ ایہہ سب کجھ میرے لئی ممکن اے؟''
''کیویں ممکن نہیں اے؟
''ایہہ سوال توں سندھو میرے کولوں پچھدی ایں؟''
''تہاڈے کولوں پچھن دا کوئی وی حق نہیں رکھدی آں کیہ؟''
''تینوں میری زندگی تے اختیار اے، پر اینی چاہت چنگی نہیں''
''میں محبت کیتی اے، وپار نہیں کیتا اے۔''
''توں میرے بارے وچ کیوں سوچنا ایں۔''
''کیوں جے میری کوئی وی سوچ تیرے گھیرے توں ودھ نہیں۔''
'' کیوں میرے بارے وچ بولدا ایں۔''
''کیوں جے توں ای میری شروع تے توں ای میری اخیر ایں۔ـ''
''بندش دے بارے وچ کیہ سوچنا اے۔''
''ایویں ای اے۔''
''کیویں؟''
'' میں ازل توں لے کے ہر جنم وچ تیرے بارے وچ سوچیا اے، تیرے بارے وچ بولیا اے، تیرے بارے وچ لکھیا اے، ایس جنم وچ ایہہ پابندی اے کہ میں تیرے بارے وچ سوچنا، بولنا، لکھنا، چھڈ دیواں، ایہہ میرے لئی نا ممکن اے، میں ایہہ پابندی قبول کدی وی نہیں کر سکدا۔''
''مجبوری دی حالت وچ کیہ کریں گا؟''
'' میں بھج جاواں گا، ٹٹ جاوان گا، پر تہانوں بُھل نہیں سکدا۔''
''کوشش کر کے تے ویکھ''
''اج تیکر کوئی وی شخص اپنی زندگی، بصیرت تے روشنی نوں کدی بُھل سکیا اے!''
'' میں سمجھنی آں کہ میرے تے تیرے وچ کوئی ایہو جہیا گجھا ساک اے، جو کسے نوں کوئی وی اعتراض نہیں ہونا چاہی دا۔''
''اپنے ساک دی وضاحت کرنا بڑی اوکھی گل اے سندھو۔''
'' کیوں اوکھا کم اے؟''
'' کیوں جے عام انسان سانوں ظاہری اکھ نال ویکھدے نیں ، تے ایہہ ساڈے اندر دی ڈوہنگ نہیں ویکھ سکدے ہین۔ ایہو جہے لوک میرے تے تیرے رشتے نوں نہیں سمجھ سکدے۔''
'' مینوں پتا اے''
''کیہ تہانوں پتہ اے کہ ایہہ ساڈے بارے وچ کیہڑیاں گلاں کر دے نیں!''
''کیہڑیاں گلاں کر دے نیں!''
'' کہندے نیں کہ میں تے توں کافر آں۔''
'' اسیں کافر آں''
'' ہاں''
''کیویں''
'' اسیں دوہاں نے اک دوجے نوں عبادت دی حد تیکر پوجیا اے''
''کیہ ایہہ سچ اے ''
'' توں اپنے دل نوں پچھ سندھو ''


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels