Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> تاریخ دے پنے >> وزیراعظماں دے استعفیاں دی کہانی اتے کوڑ بیانیہ

وزیراعظماں دے استعفیاں دی کہانی اتے کوڑ بیانیہ

July 14th, 2017

سیاستاں اگے تے نظر رکھدے ہوئے کیتیاں جاندیاں نیں۔پر کجھ دانشور ،اینکرتے سیاسی ہرکارے آپ نوں بہوں ہشیار سمجھدے نیں۔وزیراعظماں دے استعفیاں دی کہانی ہر اوہ طالب علم جاندا ہے جس تریخ پاکستان دی چار کتاباں وی پڑھیاں نیں۔پر جیہڑے ایجنڈیاں نوں چلاندے نیں اوہ جاندے بجھدے ’’کنی‘‘ کتراندے نیں کہ ایس وچ کدی اجیہے ناں وی رلتی کیتے جاندے نیں جنہاں کدی اسٹیبلشمنٹ دی مخالفتاں وچ ناں کمایا ہوندا ہے۔وڈی مثال مولوی تمیزالدین خاں دی جنہاں کدی پہلی آئین ساز اسمبلی نون توڑن دی جنگ لڑی سی اتے فیر چند سال بعدوں دوسری آئین ساز اسمبلی نوں توڑن والے پہلے ڈکٹیٹر جنرل ایوب خان دی دو نمبر طریقے نال بنائی اسمبلی دے سپیکر جا بنے۔ایہہ کم اج تیک جاری ہے تے قومی اتحاد تے آئی جے آئی بندی رہندی ہے پر کردار بدلدے رہندے نیں۔کس کس طریقے نال وزیراعظماں توں اسٹیبلشمنٹ نے استعفے لتے کہ بندہ حیران رہ جاندا ہے۔ ایس کم وچ عدالتاں ہمش اسٹیبلشمنٹ دا ساتھ دتا۔وزیر اعظماں کولوں پستول دی نال تے وی استعفے لتے گئے اتے وزیراعظماں نوں باہروں کھچ کے پاکستان لیاندا وی گیا۔سب توں وڈا جھوٹ پچھلے دناں میڈیا راہیں پھیلاون دی کوششاں ہوئیاں اتے آکھیا گیا کہ حسین شہید سہروردی وی استعفے دتا سی۔کنج سول ملٹری بیوروکریسی تے اسارے گئے سکندر ایوب گٹھ جوڑ بار بار وزیراعظماں نوں کڈدے رہے۔پر بھٹو نے ایہہ ریت توڑی اتے فیر سوائے مشرف دے وزیراعظماں سنے چوہدری شجاعت دے وزیراعظماں نے استعفے نہ دتے سگوں انہاں نوں کڈہنا پیا۔جس طراں کاکڑ فارمولے نال صدر تے وزیراعظم نوں کڈہیا گیا اوہ ڈرامہ وی سب نے ویکھیا۔2008تیک بار تے بنچ وی مولوی تمیزالدین وانگ جمہوریت لئی ودا کم پایا پر فیر ریمنڈ ڈیوس کیس(26جنوری 2011)،ایبٹ آباد اسامہ پراجیکٹ(2مئی2011)،میمو گیٹ سکینڈل(نومبر2011) توں وزیراعظم گیلانی نوں عدالتی فیصلیاں پاروں کڈہنا(اپریل2012) اوہ کم سن جنہاں عدالت بارے سوال ودھائے۔استعفی نہیں ملیا سگوں۔نویں وزیراعظم راجہ پرویس اشرف تے وی بہوں دبا رہیا پر استعفی انہاں وی نہیں دتا۔ہن واری اک وار فیر نواز شریف دی ہے تے کیس عدالت وچ۔ جیہڑے کل تیک گیلانی تے راجہ جی نوں استعفے نہ دین بارے دلیلاں دیندے رہے اوہ اج مولوی تمیزالدین وانگ جمہوریت توں پراں جا کے اٹھ و اٹھ مار رہے نیں۔وزیراعظماں دے کڈہے جان دا اکو مطلب ہے کہ کن ایتھوں پھڑو یا اوتھوں۔پر بڑے بڑے جگادری دانشور تے سیاسی لیڈر سپریم کورٹ توں پہلاں ہی وزیراعظم نوں گھر گھلنا چاہندے نیں۔کہانی پرانی چلے گی یا نویں، عدالتی فیصلہ نوں سب قبولنا وی چاہندے نیں پر اختالافاں دا حق وی رکھنا چاہندے نیں۔پچھلی وار توہین عدالت سی اتے اج62تے63کہ اگلے ہفتہ اونٹھ کسے کروٹ بیٹھدا نظر آئے گا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels