Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> تاریخ دے پنے >> قدرت اللہ شہاب نوں کس، کیوں اسرائیل گھلیا؟آرمی چیف تے مارشلا ڈکٹیٹر لاعلم؟

قدرت اللہ شہاب نوں کس، کیوں اسرائیل گھلیا؟آرمی چیف تے مارشلا ڈکٹیٹر لاعلم؟

وچار ڈیسک
April 12th, 2017

اوہ اک سرکاری ملازم سی پر عام سرکاری ملازم نہیں کہ مارشلاء ڈکٹیٹر ، آرمی چیف تے صدر پاکستان جنرل یحی خان نوں وی پتہ نہیں سی تے اوہ اسرائیل توں ہو آیا۔اوہ لندن رہندا سی کیونجے ایوبی زوال بعدوں اوہ وی فارغ ہو گیا سی۔لندن توں کس اوس نوں اسرائیل گھلیا تے پاکستان وچ اوس دا چرچا کیوں ہویا؟یحی خانی دور بعدوں اوہ مڑ سرکاری ملازمت جوئن کیتی تے فیر رٹائر ہویا۔کہانی تساں پڑھ لو تے جو لکھاری نہیں لکھیا اوس بارے غور کرو۔

قدرت اللہ شہاب ہوری ایوانِ صدر توں چھٹن لگے تے اپنے کاغذاں دی چھان پھٹک کیتی۔ اخیری دن ردی کاغذاں دا اک ڈھیر اپنے چپڑاسی نوں دتا کہ ایس نوں ساڑ سوڑ دے۔ اوہ ڈھیر شہاب ہوراں توں میں منگ لتا۔ پُچھیا کیہ کرو گے؟ میں آکھیاسنار دی دکان دا کوڑا وی وکدا ہے۔ خریدن والا چھلنی وچ پاکے دھوندا ہے تے مٹی وکھ ہوندی جاندی اے تے سونے چاندی دے ذرات رہ جاندے نیں۔ میں وی ایس کوڑے دے نال ایہوہی کراں گا، بس مینوں دے چھڈیا۔ ایس مضمون وچ جس استعفیٰ دا ذکر ہے اوہ اوسے ڈھیر توں لبھیا اک’’ذرہ‘‘ ہے۔ ایس دے علاوہ کئی قیمتی موتی نیں مثلاً حفیظ جالندھری، ابن انشاء تے جسٹس جاوید اقبال دے خط پتر۔ ایوب خاں تے خود شہاب ہوراں دے ہتھ نال لکھی ہوئی تحریراں۔ بعد وچ شہاب ہوراں نوں میں دسیا کہ خزانہ میرے ہتھ لگیا اے۔ سنیا تے ہسن لگ پئے۔ یحییٰ خاں دا زمانہ انہاں لئی کرب وبلا دا دور سی۔ لندن وچ پناہ گزین سن۔ یونیسکو توں اک سو ڈالر ماہوار ملدے سن ایس تے ہی گذارہ ہوندا سی۔ پنشن ضبط ہوگئی سی۔ وفاداربیوی تے اک بچے نال فاقے وی کٹے۔ ایسی فاقہ کشی نے بیگم نوں نڈھال کیتا تے اوہ ثاقب شہاب دی شکل وچ یادگار چھڈ کے پوری ہو گئی۔ ایسی دوران شہاب ہوراں اسرائیل دا خفیہ دورہ کیتا جس دا بندوبست مصر دے صدر جمال ناصر دی مدد نال ہویا سی۔ اسرائیل وچ اپنے دس دناں ٹہرے اتے ایس دوران اوہ اک پل وی نہ سُتے کہ نیندر پاروں اپنا فرضی ناں تے کوڈ بھل نہ جائے۔ ہر ٹایم بیدار رکھن لئی کیپسول دے علاوہ اک گولی وی سی جیہڑی راز کھلن دے ویلے ورتنی لوڑی دی سی تانجے زندہ نہ پھڑیچے نہ جاسکن۔ اک رات مسجد اقصیٰ وچ گذاری۔ کیمرہ دی مدد نال جیہڑا سگار لائیٹر وچ فٹ سی نو سو تصویراں لین وچ کامیاب ہوئے۔ واپس آکے رپورٹ مرتب کیتی تے تہلکہ مچ گیا۔ یحییٰ خاں نوں پتہ چلیا تے بہوں غصہ کیتاا تے سفیر توں وی جواب طلبی کیتی۔ عرب ملکاں دے سفیر شہاب صاحب کول پْھل تے دوجے تحفے لے کے جاندے سن پر ہن پاکستان دا سفیر چارج شیٹ لے کے گیا۔۔۔۔جداں یحی چلا گیا تاں مڑ پاکستان آئے تے تعلیم دی وزارت وچ ’’افسر بکار خاص‘‘ لگے۔۔۔رٹائر منٹ توں سال ڈوڑھ بعدوں داڑھی رکھ لتی۔
چون: ایوان صدر وچ سولہ سال،لکھاری م ب خالد


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels