Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> تاریخ دے پنے >> مسئلہ کشمیر دے حل دی کوشش تے غلام محمد

مسئلہ کشمیر دے حل دی کوشش تے غلام محمد

وچار ڈیسک
April 11th, 2017

پاکستان تے بھارت وچ جس وی امن دی گل کیتی اوس نوں بھگتنا پیا کہ ایہہ تریخ ہلے لکھی نہیں گئی۔غلام محمد توں آئی کے گجرال تیک دو پاسے اجہے ریاستی ہرکارے وادھو سن جیہڑے امن دے ویری سن کیونجے انہاں دی سیاستاں ایس ’’ویر‘‘ نال جڑیاں سن۔ایس دورے بعدوں غلام محمد خلاف سکندر ایوب گٹھ جوڑ تیز ہویا تے اگست تیک انہاں نوں ہٹا دتا گیا۔تساں ہن م ب خالد دی لکھت پڑھو جہیڑے اوس دورے وچ غلام محمد دے نال بھارت گئے سن۔

1955 دے شروع وچ دلی (بھارت) دا دورہ کیتا۔ بھارتی وزیراعظم پنڈت جواہر لال نہرو تے صدر ڈاکٹر راجندر پرشاد سن، جیہناں نوں راجن بابو وی کہندے نیں۔ راجن بابو نے صفدر جنگ دے ہوائی اڈے تے استقبال کیتا تے اُنہاں دی شیر وانی نوں ویکھدا رہ گیا۔ انج لگدا سی جیوں گندم دی بوری کھول کے شیروانی سوا لیتی ہوئے۔ بعد وچ پتہ چلیا کہ کپڑا راجن بابو آپ چرغہ کت کے بنایا سی۔ پرانے وائسریگل لاج آج کل دے راشڑ پتی بھون وچ ساڈا قیام سی۔ بالکل آخری سرے تے راجن بابو تے اُنہاں دی بیوی دی رہائش سی جتھے قدیم ہندو رسم و رواج دے مطابق چلہا چوکا بنایا ہویا سی جنہوں بھارت دی فرسٹ لیڈی آپ گاں دے گوبر نال لیپ کردی تے ایس بعد دال پھلکا بناندی۔ نوکر صرف سرکاری مہماناں لئی ہوندے سن۔ بھارت دے دوجے صدر، لارڈ ماؤنٹ بیٹن بعدوں بنن والے صدر ،ر اج گوپال اچاریہ پاکستانی گورنر جنرل غلام محمد ہوراں نال ملن لئی آئے۔ ایہہ گاندھی وانگ سْکھے کرتہ دھوتی وچ، سروں ننگے، سوٹی دے سہارے ہولی ہولی چلدے ہوئے آئے۔ رستہ وچ عملے دا کوئی بندہ انہاں نوں ہتھ جوڑ کے سلام کردا تے اوتھے ہی رُک جاندے ۔ اوہدے ول مُنہ کردے ، سوٹی بغل وچ دبا لیندے تے دونوں ہتھ جوڑ کہ سلام دا جواب دیندے تے فیر اگے ودھ جاندے۔ ایہہ اوہی کانگریسی لیڈر نیں جیہناں سب توں پہلا ں پاکستان دے مطالبے لئی رضامندی دا اظہار کیتاسی۔(سی آر اچاریہ تے میاں افتحارالدین ،صدر کانگرس پنجاب مارچ1942 وچ کانگرس دی ورکنگ کمیٹی دے اجلاس وچ مسلم اکثریتی صوبیاں دی حمائیت دی قرارداد لے کے گئے سن۔)غلام محمد نوں ملن لئی بیشتر ہندو تے مسلمان لیڈر آئے۔ سب نال لمیری ملاقاتاں ہوئیاں۔ جامعہ ملبہ دلی دے ڈاکٹر ذاکر حسین نال سب توں لمی ا تے سب توں نکی مولانا ابولکلام آزاد نال ہوئی۔ غلام محمد تے جواہر لال نہرو دے درمیان کئی ملاقاتاں ہوئیاں۔ اک ملاقات وچ ڈاکٹر راجندر پرشاد وی شریک ہوئے۔ کشمیر دے بارے وچ اک زبانی معاہدہ طے پایا جس توں بھارت بعد وچ حسبِ معمول پھرگیا۔ معاہدے دا مسودہ میں ٹائپ کیتا سی۔ متن تے ہن یاد نہیں پر ایتھوں تیک یاد ہے تقریباً ادھے توں زیادہ صفحہ تے سی۔ جموں تے بھارت دے قبضہ نوں تسلیم کرنا تے وادی وچ ریفرنڈم کروانا سی۔ جواہر لال نے مسودہ رکھ لیا کہ کابینہ دی منظوری حاصل کرکے اطلاع دین گے۔ بعد وچ جواب آیا کہ بھارتی کابینہ نے تجویز مسترد کردتی۔ ساڈے سفیر دی رپورٹ وچ دسیا گیا کہ معاہدے دی سب توں شدید مخالفت مولانا ابولکلام آزاد ولوں سی۔ بھارت دا ایہہ دورہ غلام محمد نے بظاہر خیر سکالی دے طور تے مگر دراصل مسئلہ کشمیر نوں ذہن وچ رکھدے ہوئے اختیار کیتا سی۔ اگرچہ ماضی وچ انہاں ہندو لیڈراں دے نال سیاسی نوعیت دے مذاکراے دا کوئی تجربہ نہیں سی۔ اسی ایہہ سمجھدے سی کہ مسٹر جواہر نوں ایس مسئلہ دے مستقل تے پرامن حل دی اہمیتاں بارے قائل کراں گے۔ غلام محمد معاہدہ تے مسٹر نہرو دی زبانی رضامندی لے کے واپس آئے تے اوہ بہت خوش سن کہ دورہ کامیاب رہیا پر ایہہ تے زبانی کلامی گل بات سی۔دلی وچ برصغیر دے کئی نامور صوفیاء دے مزار نیں۔ حضرت شاہ ولی اللہ، حضرت خواجہ باقی اللہ تے حضرت شیخ نظام الدین اولیاء ورگے بزرگ اوتھے ہی دفن نیں۔ صوفیاء توں گہری عقیدتاں پاروں غلام محمد مزاراں تے حاضری دین نوں پنے پروگرام دا لازمی حصہ بنان تے زور دیندے سن۔ پر بھارت دے دارکحکومت نوں ایہہ گوارانہ سی ۔۔۔۔چون ’’ایوان صدر وچ سولہ سال‘‘، لکھاری م ب خالد


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels