Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> تاریخ دے پنے >> 4 اپریل: اج بھٹو قتل ہویا سی؟ عوام شہیدی درجہ دتا۔

4 اپریل: اج بھٹو قتل ہویا سی؟ عوام شہیدی درجہ دتا۔

April 4th, 2017

عدالت اپنی غلطی مندی کیوں نہیں؟ نسیم حسن شاہ تے مردے مردے سچ بول گیا سی پر عدالت اخیر ضد کیوں لائی ہے؟ اوہ نرا 51 ورہے دا سی جداں اوس نوں پھاہے چڑھایا گیا۔ سہارن پور (یو پی) دے باسی مولوی مشتاق حسین نے لہور ہائی کورٹ دے چیف جسٹس دی حیثتیاں وچ بھٹو نوں پھانسی دتی سی۔ بھٹو خلاف چلائے جان والے مقدمہ نوں اینج بنایا گیا سی پئی ایس نال پنجاب تے بھٹو وچ پاڑ ودھے۔ لہور ہائی کورٹ 18 مارچ 1978 نوں بھٹو نوں پھانسی دی سزا سنائی۔ ایہہ مقدمہ 24 اکتوبر 1977 توں شروع ہویا پر 25 جنوری 1978 نوں جداں بھٹو اپنا بیان دینا سی تے عدالت نے لوکاں نوں عدالت وچ بیٹھن توں روک دتا۔ بھٹو ایس تے احتجاج کیتا۔ پر جج پہلاں توں کجھ فیصلہ کر چکیا سی۔ 18 مارچ دے فیصلے خلاف پی پی پی وکھالے تے گرفتاریاں دا فیصلہ کیتا تے پہلی گرفتاری سابق آرمی چیف جنرل (ر) ٹکا خان نے لہور دے لوہاری گیٹ باہر دتی۔اوہ واحد آرمی چیف جس جمہوریت لئی گرفتاری دتی اتے اوہ وی پنجاب دے ہی سن۔پر میڈیاایس گل نوں لفٹ نہیں کرائی۔ مقدمہ سپریم کورٹ ٹر گیاجتھے 7 ججاں انصاف کرنا سی۔ 6 فروری 1979 نوں سپریم کورٹ 4 تے ترے ججاں دا فیصلہ سنایا پر جداں 24 فروری نوں بھٹو نظرثانیاں لئی اپیل کیتی تے ست دے ست ججاں ایس آخری اپیل نوں مسترد کرکے ثابت کردتا کہ اصل وچ اوہ سب لین حاضر سن۔ انہاں ست وچوں تن نے 6 فروری دے فیصلے نال اتفاق نہیں کیتا سی تاں چوتھے نسیم حسن شاہ نے مرن توں پہلاں اوس دباؤ دا ذکر کردتا جس پاروں بھٹو نال بے انصافی کیتی گئی سی۔ جے عدالت 38 سال بعد وی اپنی غلطی نوں نہ منے تاں فیر اساں کیہ آکھ سکدے ہاں۔ اج تے بھٹو دے مخالف وی ایہہ آکھدے نیں کہ اوس نال زیادتی تے ظلم ہویا سی۔ لوک بھٹو نوں شہیدی درجہ دتا ہے پر عدالت اج وی اوس نوں قاتل آکھدی ہے۔ وکلا لہر بعدوں عدالتاں فوجی ڈکٹیٹراں دی حمائیتاں توں توبہ تے کیتی سی پر بھٹو دے ناجائز قتل بارے اوہ خموش رہے سن۔ وڈے وڈے وکیل تے سابق جج وی عدالت نوں غلطی منن دا آکھ چکے نیں پر اوہ کیہڑی قوتاں نیں یا مائنڈسیٹ جیہڑا اوس نوں روک رہیا ہے؟
More Readings
https://www.dawnnews.tv/news/1055219/04apr2017-punjab-ne-bhutto-ko-sar-aankhon-par-kiun-bithaya-aamir-riaz-aa-bm


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels