Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> تاریخ دے پنے >> ڈاکٹر کرنل الٰہی بخش تے قائداعظم دے اخیری دناں بارے کتاب

ڈاکٹر کرنل الٰہی بخش تے قائداعظم دے اخیری دناں بارے کتاب

وچار ڈیسک
March 25th, 2017

ستمبر 1904 نوں چک مغلائی ضلع جالندھر وچ پیدا ہوئے۔ ابتدائی تعلیم اِیتھے ہی لیتی۔ 1921 وچ لندن توں میٹرک کیتا۔ لندن وچ ہی ایم بی بی ایس تے ایم آر سی پی دی ڈگریاں حاصل کیتیاں۔ 1931 وچ ایم ڈی دی ڈگری حاصل کرن بعد وطن واپس آگئے تے انڈین میڈیکل سروس نال جُڑ گئے۔ 1936 وچ کنگ ایڈوڑ میڈیکل کالج لہور وچ فارما کالوجی دے پروفیسر مقرر ہوئے۔الہی بخش ہوری پہلے مسلمان سی جہناں نوں ایہہ عزاز حاصل ہویا۔ دوسری جنگ عظیم دوران حکومت انہاں نوں فوجی خدمات لئی طلب کرلتا۔ 1942 وچ جداں جاپانی فوج نے ملایا تے قبضہ کیتا ایہہ وی اوس ٹائم تے اوتھے ہی سی اتے بہوں ساریاں نال آپ وی قید ہوگئے۔ پاکستان بنن توں بعد کنگ ایڈورڈ میڈیکل کالج وچ پروفیسر آف میڈیسن تے پرنسپل کالج دی حیثیت نال تعینات رہے۔ ایس توں علاوہ میو ہسپتال تے لیڈی ولنگڈن ہسپتال لہور دے چیف میڈیکل سپرٹینڈنٹ رہے۔ میڈیکل ریفارمز کمیشن دے چیئر مین دی حیثیت نال کمیشن دی رپورٹ مرتب کیتی جیہڑی 1960 وچ پہلے ڈکٹیٹر صدر محمد ایوب خان نوں دتی۔ ڈاکٹر صاحب قائداعظم دے معالج سن اتے قائداعظم دے آخری ایام وچ انہاں دے نال رہے۔انہاں دی کتاب ایس گل دا ثبوت پئی مارچ1948بعدوں قائداعظم دے اخیری پنج مہینے تے گیارہ دن راج دربار توں پراں لنگے۔طاقت دی راہداریاں تے قابض سول ملٹری افسراں، سوداگراں تے سیاستداناں دی نظراں آئین بناون دی تھاں ہندواں، سکھاں دی چھڈیاں جداداں تے سن اتے جداں بانی پاکستان نوں کوئٹہ توں کراچی لیایا گیا تے ائیرپورٹ تے اخیری ساہواں لیندے لیڈر نوں جی آیا نوں کہن کوئی نہ گیا۔اوہ تے آڈر دین جوگا ہی نہیں سی پر بعد وچ آکھیا گیا پئی انہاں منع کیتا سی۔ پر جداں جناح نوں ائیرپورٹ توں لیاون والی ایمبولینس پٹرول گھٹ ہون پاروں راہ وچ رک گئی تے کہانی کھل گئی۔ الہی بخش ہوراں کتاب تے لکھ دتی پر اوس نوں لکا دتا گیا۔
14 اپریل 1960 نوں اپنی زندگی پوری کیتی اتے لارنس روڈ تے اوس تھاں دفن نیں جتھے اوہ ہسپتال بنانا چاہندے سن۔ایس زمین تے بہوں لوکاں قبضے کر لتے تے لمیرے چر تک اوتھے پرائیوٹ لیباٹریاں تے کلینک چلدے رہے۔کجھ دیر پہلاں اوہ تھاں قبضے کرن والیاں توں پنجاب سرکار مڑ واپس لتی ہے پر الہی بخش اڈیک وچ ہے پئی کدوں اوس دا سفنہ پورا ہو سی۔ ’’قائداعظم دے آخری ایام‘‘ نامی اک کتاب وی لکھی۔ اس توں علاوہ جدید طریقہ ہائے علاج تے مشتمل اک کتاب وی تحریر کیتی جیہڑی دو جلداں تے مشتمل ہے۔قائداعظم تے لکھی کتاب انہاں وچ رلتی جیہڑیاں غیب کر دتیاں گیاں۔ہن ایس کتاب نوں مڑ چھاپیا گیا ہے پر کیونجے ایس پبلشر پہلاں وی بیگم عطیہ فیضی دے علامہ اقبال دے ناں خطاں دی کتاب نوں بدل کے چھاپیا ہے تاں ایس کتاب دے بارے وی شک بن دا ہے۔
A Blog about Jinnah & the Politics
http://m-a-jinnah.blogspot.com/2010/10/last-days-of-quaid-e-azam.html


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels