Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> تاریخ دے پنے >> سی آئی اے مئی 1975 وچ ہی بھٹو نوں ہٹاون تے مارشلا لاون بارے آکھ دتا سی۔ خفیہ فائلز

سی آئی اے مئی 1975 وچ ہی بھٹو نوں ہٹاون تے مارشلا لاون بارے آکھ دتا سی۔ خفیہ فائلز

February 1st, 2017

ویسے تے جنرل گل حسن دی کتاب پڑھ لو تاں لگ پتہ جائے گا پئی جنرل یحیٰ خان ہوری تے پاکستان ٹٹن بعدوں وی صدارتی محل چھڈن تے تیار نہیں سی۔ جدوں فوجی یونٹاں وچ جرنیلاں نوں گلاں سننیاں پیاں تاں جاکے مجبوری وچ جنرل یحیٰ تخت تو اتریا سی۔ 20 دسمبر1971 بعدوں بھٹو نوں اقتدار دینا پیا کیونجے اوہ سب توں وڈی پارٹی دے لیڈر سن۔ جے جنرل یحیٰ تے بھٹو دا گٹھ جوڑ ہوندا تاں فیر جنرل گل حسن ایہہ کیوں لکھدا؟ 1972 توں ہی بھٹو خلاف پورا ماحول بنا دتا گیا سی اتے بھٹو خلاف پہلی فوجی بغاوت وی 1972 وچ ہوئی سی جس وچ ائیر مارشل اصغر خان دا رشتہ دار رلتی سی۔ ولی خان دی پارٹی دے کمیونسٹ ممبر جمعہ خان صوفی دی کتاب’’فریب ناتمام‘] وی چھپ چکی ہے جس وچ لکھیا ہے پئی نیب (ولی) دے فوجیاں نال رشتے 1977 توں کافی چرپہلاں ہی بن چکے سن۔ ہن ایہہ سی آئی اے دی سرکاری لیکس آیاں نیں جس وچ لکھیا ہے پئی فرنٹئیر وچ خراب حالات پاروں سکیورٹی اسٹیبلسمنٹ مئی 1975 وچ ہی بھٹو نوں ہٹاون بارے سوچ رہی سی۔ ایہہ اوہ ویلہ سی جدوں ولی خانی پارٹی ’’پختون ذلمے‘‘ راہیں پاکستان وچ دو سالاں توں بم دھماکے تے ماردھاڑ کر رہی سی۔ فروری 1975 وچ ’’پختون ذلمے‘‘ والیاں نیں پاکستان پیپلز پارٹی سرحد دے وڈے لیڈر حیات محمد شیر پاؤ نوں قتل کیتا سی اتے جمعہ خان صوفی ایس بارے لکھیا ہے پئی کابل بیٹھ کے ایس بارے کس فیصلہ کیتا سی اتے کہیڑے منڈے ایس کم لئی کھلے گئے سن۔ سرداؤد اوس ویلے لین بدل رہیا سی اتے اوہ پاکستان نال چنگے تعلقات بناون لئی تیار سی۔ پختون ذلمے والے سمجھدے سن پئی جے کابل،اسلام آباد اتے داؤد تے بھٹو اک مک ہوگئے، ڈیورینڈ لین دا سمجھوتہ دی ہو گیا تاں ساڈی سیاستاں دا کیہ بنے گا۔ بس ایس ویلے ہی انہاں اپنا رخ پنڈی ول کرلتا سی تے خفیہ فائلاں وچ وی ایہو لکھیا ہے پر پچھوکڑ نہیں ہے ۔ سی آئی اے دی فائلاں وچ ایہہ وی لکھیا ہے پئی بھٹو ایس تے قابوتے پا لے گا، پر دو سالاں وچ حالات بدل سکدے نیں۔ انہاں فائلاں وچ دی ایہہ گل منی گئی ہے پئی ذولفقار علی بھٹو دی مقابلے وچ کوئی اک وی لیڈر ایڈھا مقبول نہیں۔ فائلاں وچ تجزیہ کردے ہوئے سی آئی اے اہلکار چوناں توں پہلاں کجھ نہ کجھ تبدیلی ہون بارے وی اشارے کیتے نیں۔ ایہہ تجزیہ سی یا فیصلہ؟ ایس بارے تساں آپوں سمجھدار ہو۔ انہاں فائلاں وچ ایہہ اشارے وی دتے گئے نیں پئی آون والے ویلے وچ افغان سرکار تے بھارت وچ نویں رشتے بن سکدے نیں۔ ذرا غور کرو، جے اوس ویلے 1976 دی اخیر وچ ایسماملے نوں چلن دتا جاندا تاں پاکستان تے افغانستان وچ اوہ ٹاکرا نہیں ہوندا۔1976 وچ جدوں داؤد لہور آکے بھٹو ہوراں نوں ملے سن اتے سب ماملے طے ہورہے سن تاں اوہ کیہڑی اندرونی تے باہرلی طاقتاں سن جہناں بھٹو داؤد ناں نوں ناکام کیتا؟ ایس ناکامی بعدوں پاکستان تے افغانستان دونوں رگیدے گئے۔ ضیاالحق کس دا ایجنڈا پورا کیتا ایہہ گل اج سمجھ آسکدی ہے۔ سی آئی دی ایہہ فائلاں (سرکاری لیکس) 17 جنوری نوں اوپن ہویاں سن اتے www.cia.gov/library/readingroom/ تے پڑھی جاسکدیاں نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels