Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> تاریخ دے پنے >> شاہ جو رسالو دے پنجابی التھا دا مسودہ گواچیا ہویا

شاہ جو رسالو دے پنجابی التھا دا مسودہ گواچیا ہویا

وچار ڈیسک
January 3rd, 2017

سندہ دے مہا صوفی تے شاعر شاہ عبددالطیف بھٹائي دے کلام "شاہ جو رسالو" دے پنجابی وچ کیتے ہوئے ترجمے دے گواچے ہوئے مسودے نوں جالیہہ سال گذرن دے باجود نہ اوہدی کوئي کھوچ ہو سکی ہے تے نہ تے کو‏ئی اجے تک اوہدا کوئي کھرا مل سکیا ہے۔
ایہو گل "شاہ جو رسالو" دے پنجابی وچ التھا کار تے کھوجوان لکھاری احمد سلیم نے سندھی اخبار "سندہ ایکسپریس" دےصحافی اسحاق منگریو نوں دسی ہے جیہڑی اوہناں نے احمد سلیم ہوراں دے بارے لکھے ہوئے کالم وچ چھاپی ہے ۔ احمد سلیم گذریل دناں سندہ دے دورے تے گئے سن جتھے اونہاں نے سندھی زبان دے جدید زماناں دے وڈے شاعر شیخ ایاز دے ناں حیدرآباد شہر وچ پنج دناں تائیں ہون والے میلے وچ شرکت کیتی تے اونہاں دے بارے وچ بولیا وی سی۔
اجمد سلیم تے اونہاں دیاں لکھتاں تے کھوج کماں با رے اپنے لکھے ہوئے کالم وچ صحافی اسحاق منگریوں نے احمد سلیم ہوراں نال اپنی گل بات دے جوالے نال دسیا ہے کہ پنجابی زبان وچ سندھی زبان دے وڈے صوفی تے شاعر شاہ عبدالصیف بھٹائي دے کلام دے مجموعے "شاہ حو رسالو" دا پنجابی وچ ترجمے دا کم اوہناں نوں شیخ ایاز نے اوہدوں سونپیا سی جدوں اوہ سندہ یونو رسٹی دے وائس چانسلر سن۔ احمد سلیم نے اپنے اوس کم تے زیادہ گل کردے ہوئے ایہہ وی کہیا کہ شاہ لطیف بھٹائي دے شاہ جو رسالو دے پنجابی وچ مکمل ترجمے توں مگروں شیخ ایاز نے اوہناں نوں شاہ حسنن دی شاعری دے ترجمے تے نالے سندھی زبان دی لوک شاعری تے لوک قصے کہانیآں نوں پجابی وچ ترجمے کرن دا کم وی سونپیا سی ، تے اوس توں مگروں اونہاں نے شیخ ایاز دی سندھی شاعری دی کتاب نوں پنجابی وچ ترجمے دا کم کرنا سی جیہڑا اونہاں نے "حو بیجل نے آکھیا" دے سرے ہیٹھ کیتا سی۔ احمد سلیم کہندے نیں کہ شیخ ایاز دی نظر وچ دوناں زباناں سندھی تے پنجابی وچ اس کم کران دا مقصد دوناں زباناں تے اوہدے بولن والیاں نوں ایک دوجھے دے نیڑے لیاونا ہے۔
احمد سلیم ہوراں دا آکھناں ہے کہ سندہ یونیورسٹی وچ انسٹیٹیوٹ آف سد ھیالوجی جامشورو دے اوس ویلے دے ڈائریکٹر دی نظرداری ہیٹھ اونہاں نے شاہ جو رسالو دا پنجابی وچ مکمل ترجمے دا کم تن سالاں وچ مکایا سی تے اوہدا مسودہ اونہاں نے سندھیالوجی دے اہدوں دے ڈائریکٹر ڈاکٹر غلام علی الانا دے ہتھاں وچ سونپیا سی۔ احمد سلیم دسدے نیں کہ پنجابی وچ کیتے ہوئے شاہ جو رسالو دے مکمل پنجابی ترجمے دے نسخے دی ارپنا یا انتساب اوہدوں دے وزیر اعظم ذولفقعار علی بھٹو دے ناں کیتا گيا سی۔ تھوڑاں داناں تو مگروں مارشل لاء لگ گيا تے احمد سلیم سندہ جامشورو چھڈ گۓ۔ اوس مگروں حالی تک تین ہور آئے تے گئے جہیندے وچ ڈاکٹر غلام علی الانا دے مگروں مہتاب اکبر راشدی، عبدالقادر جونیجو تے شوکت حسین شورو ورگے سندہ دے سوجھوان تے اچے پدھر دے لکھاری شامل سن پر کسے وی دور دے وچ شاہ جو رسالو دے پنجابی ترجمے دے گواچے ہوئے اوس وڈی محنتاں مشقتاں نال کیتے ہوئے مسودی دے کھوج کرن لئي کسے وی قسم دی نہ کوشش کیتی گئي تے نہ ہی اجے تک اوہدا کوئ‏ کھرا وی مل سکیا۔
احمد سلیم نے سندھی صحافی نوں بڑے دکھ وچ دسیا کہ اونہاں نے شاہ جو رسالو دی اونہاں نوں اوس اپنے کیتے ہوئے پنجابی التھا دے مسودے گواچ جان دا بڑا دکھ ہے۔ اس گل نوں چالیہ سال گذر گۓ ہن بس ہن تووں اوہ (احمد سلیم) چالیہہ صفحے وی نہیں لکھ سکدے ہن۔
اونہاں دا خیال ہے کہ ہو سکدا ہے کہ گواچے ہوئے مسودے نوں جان بجھ کے گم کیا گیا ہووے جہدے دو کارن ہو سکتدے ہن: ہک تے اوس جیہے لوکاں نے گم کیتا یا کروایا ہووے جیہڑے اوہدوں نہیں پئے چاہندے سن کہ سندھی تے پنجابی دا میل ہووے دوجا ایہہ وی ہوسکدا ہے کہ ملک وچ فوجی راج آون تے اوس ویلے سندھیالوجی والیاں لئي اوس کتاب نوں چھاپن دا وس دا کم نہی‍‍ں سی جس دا انتساب ذوالفقارعلی بھٹو دے ناں کیتا گيا ہووے۔
گل کجھ وی ہووے پر پہلی واری مکمل طور تے شاہ جو رسالو دا پنجابی وچ کیتے ہوئے ترجمے دا مسودہ چالیہہ سال پہلاں اجیہا گواچیا کہ ہن وی گواچیا ہویا ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels