Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> تاریخ دے پنے >> راوی، بحری جہاز اتے لہوری بندر۔۔۔۔لہور بارے چونویں ٹوٹے

راوی، بحری جہاز اتے لہوری بندر۔۔۔۔لہور بارے چونویں ٹوٹے

ترجمہ رفاقت کھوکر
December 21st, 2016

دریائے راوی کسے زمانہ وچ اپنے عروج تے سی۔ اس دا ندازہ اسی اینج لاسکدے ہاں کہ اکبر دے دور وچ دریائے راوی اس قدر ڈھونگا سی کہ اس وچ بحری جہاز چلدے سن۔ راوی وچ عام کشتی رانی ہوندی سی۔ دربار دے وڈکے تے امیر کبیر لوک اتے شہری نفیس، دل آویز تے رنگین جھالردار کشتیاں وچ بیٹھ کے دریا دی سیر کردے سن۔ سندھ دے شہر ٹھٹھہ توں دریائے راوی دے رستے سوداگر بحری جہازاں دے ذریعے اپنا مال ’’لہوری بندر‘‘ تے لیاندے سن۔ 1596ء وچ جدوں اکبر نے ٹھٹھہ تے یورش کیتی تے سامانِ جنگ، خشکی دے علاوہ راوی دے ذریعے ٹھٹھہ پہنچایا گیا۔ اس مہم دا سپہ سالار خان خاناں مرزا عبدالرحیم جنگ لئی پنجی جنگی کشتیاں لے کے راوی دے ذریعے ہی لہور توں راوانہ ہویا سی۔ اکبر دے دور وچ راوی کنارے شاہی سرپرستی وچ بحری جہاز تیار کیتے جاندے سن۔ 1593ء وچ ایتھے اک نکا بحری جہاز تیار ہویا۔ اس دے بناون وچ 468 من تے دو سیر لویا لگا۔ اس نوں 240 ترکھاناں تے لواراں مل کے تیار کیتا سی۔ جہاز دی تیاری توں بعد اس نوں اک ہزار بندیاں نے مل کے بڑی مشکل نال تکا لاندے ہوے دریا وچ لاہیا۔ جہاز دا مستول 35گز سی۔
اگلے ورہے مئی 1594ء وچ بادشاہ نے اک وڈا جہاز تیار کرایا تے اس نوں ’’ اکبری جہاز‘‘ دا ناں دتا۔ راوی دے کنارے بنائے گئے اس جہاز دی تیاری وچ 2936تختے استعمال ہوئے۔ جہاز دی تیاری نوں آپ شہنشاہ ویکھن لئی گئے تے راوی دے رستے ایس نوں ’’لہوری بندر‘‘ گھلیا گیا۔ 1595ء وچ اکبر دے حکم تے 16338 روپئیے دی لاگت نال اک ہور جہاز تیار کرایا گیا جو 15 ہزار من توں زیادہ بوجھ چُک سکدا سی۔ اس جہاز دا مستول 37گز سی۔ (’’نقوش‘‘ لہور نمبر)۔۔۔۔واقعات لاہور


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels